சேவிங்ஸ் அக்கவுண்டுக்கு 7.25 சதவீத வட்டி வழங்கும் முன்னணி வங்கி.. உங்கள் வங்கியில் எவ்வளவு வட்டி?

கோடக் மகேந்திரா பேங்க் சமீபத்தில் சேமிப்புக் கணக்கிற்கான வட்டி விகிதத்தை 50 அடிப்படை புள்ளிகள் குறைத்து அறிவித்தது. இது ரூ.5 லட்சத்துக்கும் குறைவான பேலன்ஸ்க்கான வட்டி விகிதமாகும். இந்த வட்டி விகிதங்கள் வெவ்வேறு வங்கிகளை பொறுத்து மாறுபடும். பிற வங்கிகளின் வட்டி விகிதங்களையும் பற்றி தெரிந்து கொண்டு புதுப்பித்த நிலையில் இருப்பது அவசியம். இந்தியாவின் முன்னணி வங்கிகளில் தற்போது சேவிங்ஸ் அக்கவுண்டுக்கு எவ்வளவு வட்டி விகிதம் வழங்கப்படுகிறது என்பதை இந்தப் பதிவில் பார்ப்போம்.

ரூ.50 லட்சத்துக்கும் குறைவான பேலன்ஸ் இருக்கும் சேமிப்புக் கணக்குகளுக்கு, வட்டி விகிதம் 3 சதவீதம். 50 லட்சத்திற்கு மேல் பேலன்ஸ் வைத்திருப்பவர்களுக்கு 3.50 சதவீத வட்டி கிடைக்கும். சரி இப்போது வங்கிகள் வழங்கும் வட்டி விகிதங்களை பார்ப்போம்.

HDFC பேங்க்: ரூ.50 லட்சத்திற்கும் குறைவான பேலன்ஸ் இருக்கும் சேமிப்பு கணக்குகளுக்கு 3 சதவீத வட்டி விகிதம் வழங்கப்படுகிறது. ரூ.50 லட்சத்திற்கும் அதிகமான பேலன்ஸ் இருக்கும் கணக்குகளுக்கு 3.50 சதவீத வட்டு விகிதம் வழங்கப்படுகிறது. இந்த கட்டணங்கள் ஏப்ரல் 6, 2022-ஆம் ஆண்டு முதல் அமலில் உள்ளன.

ஸ்டேட் பேங்க் ஆப் இந்தியா: ஸ்டேட் பாங்க் ஆப் இந்தியாவில் ரூ.10 கோடி வரை பேலன்ஸ் இருக்கும் சேமிப்பு கணக்குகளுக்கு 2.70% வட்டி விகிதம் வழங்கப்படுகிறது. ரூ.10 கோடிக்கும் அதிகமாக பேலன்ஸ் இருக்கும் சேமிப்பு கணக்குகளுக்கு 3 சதவீத வட்டி விகிதம் வழங்கப்படுகிறது. இந்த வட்டி விகிதங்கள் அக்டோபர் 15, 2022-ஆம் ஆண்டு முதல் அமலில் உள்ளன.

ICICI பேங்க்: ரூ.50 லட்சத்திற்கும் குறைவான பேலன்ஸ் இருக்கும் சேமிப்பு கணக்குகளுக்கு 3 சதவீத வட்டி விகிதம் வழங்கப்படுகிறது. ரூ.50 லட்சத்திற்கும் அதிகமான பேலன்ஸ் இருக்கும் கணக்குகளுக்கு 3.50 சதவீத வட்டு விகிதம் வழங்கப்படுகிறது.

பஞ்சாப் நேஷனல் பேங்க்: ரூ.10 லட்சத்துக்கும் குறைவான பேலன்ஸ் இருக்கும் கணக்குகளுக்கு 2.70% வட்டி விகிதமும், ரூ.10 லட்சம் முதல் ரூ.100 கோடிக்கும் குறைவான பேலன்ஸ் இருக்கும் சேவிங்ஸ் அக்கவுண்டுகளுக்கு 2.75 சதவீதமும், 100 கோடி மற்றும் அதற்கு மேல் பேலன்ஸ் இருக்கும் சேவிங்ஸ் அக்கவுண்டுகளுக்கு 3 சதவீத வட்டி விகிதமும் வழங்கப்படுகிறது. இவை ஜனவரி 1, 2023-ஆம் ஆண்டு முதல் அமலில் உள்ளன.

யூனியன் பேங்க்: ரூ.50 லட்சம் வரையிலான பேலன்ஸ் இருக்கும் சேவிங்ஸ் அக்கவுண்டுக்கு 2.75 சதவீதமும், ரூ.50 லட்சம் முதல் ரூ.100 கோடி வரையிலான பேலன்ஸ் கொண்ட சேவிங்ஸ் அக்கவுண்டுக்கு 2.90%, ரூ.2000 கோடிக்கும் மேல் பேலன்ஸ் இருக்கும் கணக்குகளுக்கு 4.20% வட்டி வழங்கப்படுகிறது.

ஐடிஎப்சி ஃபர்ஸ்ட் பேங்க்: ரூ.5 லட்சம் முதல் ரூ.100 கோடி வரையிலான பேலன்ஸ் இருக்கும் சேவிங்ஸ் அக்கவுண்டுக்கு 7.25 சதவீத வட்டி வழங்கப்படுகிறது. லோயர் பேலன்ஸ்கள் 3 சதவீதமும், ரூ.200 கோடிக்கு மேல் பேலன்ஸ் கொண்ட கணக்குகளுக்கு 3.50 சதவீதமும் வட்டி கிடைக்கும்.