கடந்த செப்டம்பர் 2020 மாதத்துக்கான மொத்த விலைப் பணவீக்கம் (Wholesale Price Index) இன்று (14 அக்டோபர் 2020, புதன்கிழமை) மதியம் வெளியானது.
அனைத்து பொருட்களுக்குமான மொத்த விலைப் பணவீக்கம் செப்டம்பர் 2020 காலத்துக்கு 1.32 சதவிகிதமாக அதிகரித்து இருக்கிறது. கடந்த ஆகஸ்ட் 2020 மாதத்தில் 0.16 சதவிகிதமாகவும், ஜூலை 2020-ல் -0.25 சதவிகிதமாகவும் இருந்தது குறிப்பிடத்தக்கது.
முதன்மை பொருட்களுக்கான (Primary Articles) மொத்த விலைப் பணவீக்கம் கடந்த செப்டம்பர் 2020-ல் 5.10 சதவிகிதமாக அதிகரித்து இருக்கிறது. அதற்கு முந்தைய மாதமான ஆகஸ்ட் 2020-ல் முதன்மைப் பொருட்களுக்கான மொத்த விலைப் பணவீக்கம் 1.60 சதவிகிதமாக இருந்தது. ஜூலை 2020 மாதத்தில் 1.61 சதவிகிதமாக இருந்தது குறிப்பிடத்தக்கது.
எரிபொருள் மற்றும் மின்சாரத்துக்கான மொத்த விலைப் பணவீக்கம், கடந்த செப்டம்பர் 2020 மாதத்தில் -9.54 சதவிகிதமாகச் சரிவைக் கண்டு இருக்கிறது. ஆகஸ்ட் 2020 மாதத்தில் -9.68 சதவிகிதமாகவும், ஜூலை 2020-ல் -9.84 சதவிகிதமாகவும் பதிவாகி இருக்கிறது.
உற்பத்திப் பொருட்களுக்கான (Manufactured Products) மொத்த விலைப் பணவீக்கம் கடந்த செப்டம்பர் 2020 மாதத்தில் 1.61 சதவிகிதமாக அதிகரித்து இருக்கிறது. ஆகஸ்ட் 2020 மாதத்தில் 1.27 சதவிகிதமாக இருந்தது. ஜூலை 2020-ல் 0.59 சதவிகிதமாக பதிவாகி இருக்கிறது.
உணவுக் குறியீட்டின் (Food Index) மொத்த விலைப் பணவீக்கம் கடந்த செப்டம்பர் 2020 மாதத்தில் 6.92 சதவிகிதமாக அதிகரித்து இருக்கிறது. ஆகஸ்ட் 2020 மாதத்தில் 4.07 சதவிகிதமாக இருந்தது. ஜூலை 2020-ல் 4.67 சதவிகிதமாக பதிவாகி இருந்தது குறிப்பிடத்தக்கது.
செப்டம்பர் 2020 மாதத்தில் அத்தியாவசியப் பொருட்களின் மொத்த விலைக் குறியீடு (Wholesale Price Index) விவரங்களைக் கீழே கொடுத்து இருக்கிறோம்
- தானியங்கள் -3.91 %
- அரிசி 1.54 %
- கோதுமை -5.24 %
- பருப்பு வகைகள் 12.53 %
- காய்கறிகள் 36.54 %
- உருளைக் கிழங்கு 107.63 %
- வெங்காயம் -31.64 %
- பழங்கள் -3.89 %
- பால் 5.56 %
- முட்டை, இறைச்சி & மீன் 4.15 %
- எண்ணெய் வித்துக்கள் 0.65 %
- பெட்ரோல் -12.28 %