இந்தியாவின் முக்கிய நகரங்களில் சோமேட்டோ பே.. சென்னையில் உண்டா?

கூகுள் பே உள்பட இந்தியாவில் பல டிஜிட்டல் பணபரிவர்த்தனை அம்சங்கள் உள்ளன என்பதும் அவை அனைத்துமே மக்கள் மத்தியில் பிரபலமாகி வருகின்றன என்பதும் தெரிந்ததே.

அந்த வகையில் தற்போது இந்தியாவின் முன்னணி உணவு டெலிவரி நிறுவனமான ஜொமைட்டோ ஆன்லைன் பரிவர்த்தனையை தொடங்கியுள்ளது.

ஜொமைட்டோ பே என்று அழைக்கப்படும் இந்த ஆன்லைன் பரிவர்த்தனைகளை உணவு ஆர்டர் செய்பவர்கள் உள்பட அனைவரும் பயன்படுத்தலாம் என்பது குறிப்பிடத்தக்கது.

ஜொமைட்டோ - ஸ்விக்கி

இந்தியாவின் முன்னணி உணவு டெலிவரி நிறுவனங்கள் ஜொமைட்டோ மற்றும் ஸ்விக்கி என்பது தெரிந்ததே. இரு நிறுவனங்களும் இந்தியாவில் போட்டி போட்டுக்கொண்டு வாடிக்கையாளர்களுக்கு பல்வேறு சலுகைகளை அறிவித்து வருகின்றன என்பது குறிப்பிடத்தக்கது.

யுனிகார்ன் நிறுவனங்கள்

கனடாவின் முன்னணி ஆராய்ச்சி நிறுவனம் ஒன்று எடுத்த உணவு நிறுவனங்களின் பட்டியலில் ஒன்பதாவது மற்றும் பத்தாவது இடத்தில் ஸ்விக்கி மற்றும் ஜொமைட்டோ நிறுவனம் உள்ளது என்பது குறிப்பிடத்தக்கது. அதுமட்டுமின்றி இந்த இரண்டு நிறுவனங்களும் இந்திய யூனிகார்னின் ஒரு பகுதி ஆகும். யூனிகார்ன் என்றால் ஒரு பில்லியன் டாலருக்கும் அதிகமாக சொத்து மதிப்பு வைத்திருக்கும் நிறுவனங்கள் என்பது குறிப்பிடத்தக்கது.

ஜொமைட்டோ பே

இந்த நிலையில் ஜொமைட்டோ நிறுவனம் தங்களது வாடிக்கையாளர்களுக்கு பல்வேறு சலுகைகளை வழங்கி வரும் நிலையில் தற்போது ஜொமைட்டோ பே என்ற புதிய அம்சத்தை தொடங்கியுள்ளது. முதல்கட்டமாக இந்த வசதி புதுடெல்லி, மும்பை, பெங்களூர், அகமதாபாத் மற்றும் கொல்கத்தா ஆகிய முக்கிய நகரங்களில் அமல்படுத்தப்பட்டு உள்ளதாகவும் விரைவில் சென்னை உள்பட பல நகரங்களில் இந்த வசதி கிடைக்கும் என்றும் கூறப்படுகிறது.

வாடிக்கையாளர்கள்

இதன்படி உணவு ஆர்டர் செய்யும் ஜொமைட்டோ வாடிக்கையாளர்கள் ஜொமைட்டோ பே மூலமாகவே பணத்தை செலுத்தலாம் என்றும் கூறப்பட்டுள்ளது. அதுமட்டுமின்றி ஜொமைட்டோ பே மூலம் பணம் செலுத்தும் வாடிக்கையாளர்களுக்கு பல்வேறு தள்ளுபடிகள் மற்றும் கேஷ்பேக் சலுகைகளும் உண்டு என அறிவிக்கப்பட்டுள்ளது.

ஆன்லைன் பரிவர்த்தனை

தற்போது ஜொமைட்டோவில் உணவு ஆர்டர் செய்யும் வாடிக்கையாளர்கள் கூகுள் பே உள்பட பல ஆன்லைன் பரிவர்த்தனைகளை பயன்படுத்தி வரும் நிலையில் தற்போது ஜொமைட்டோ பே மூலம் வாடிக்கையாளர்கள் பணம் செலுத்துவது மிகவும் வசதியான ஒன்றாக கருதப்படுகிறது.