ஒரு நிமிடத்திற்கு 150 கேக்.. பாச மழையில் நினைந்த அம்மா-க்கள்.. Zomato கொடுத்த ரிப்போர்ட்..!

ஞாயிற்றுகிழமை உலகம் முழுவதும் அன்னையர் தினம் கொண்டாடப்பட்ட நிலையில், ஒவ்வொரும் தங்களுடையை தாயின் மீதான அன்பை பல வகையில் வெளிப்படுத்திய நிலையில் பெரும் பகுதியினர் கேக் வெட்டி கொண்டாடியுள்ளனர்.

வருடத்தில் ஒவ்வொரு நாளும் கொண்டாடப்பட வேண்டிய அம்மா-வுக்கு இந்த ஒரு மிகவும் ஸ்பெஷல் தான். அம்மா-க்களை விடவும் பிள்ளைகள் தான் இந்த நாள்-ஐ பெரிய அளவில் கொண்டாடுகின்றனர்.

எப்போதும் சமையல் அறை பக்கம் கூட செல்லதாக அப்பாக்கள் அன்னையர் தினத்தில் அவர்களுக்காக உதவி செய்வதும், பிள்ளைகள் வீட்டில் அனைத்து வேலைகளையும் செய்வது என பல சேட்டைகள் நடப்பதை அம்மாக்கள் ஓரமாக உட்கார்ந்துக்கொண்டு ரசிப்பதும் ஒரு அழகு தான்.

இன்னும் சிலர் ஒரு நாள் முழுக்க கொண்டாட திட்டமிட்டு காலை கோவிலில் துவங்கி, சினிமா, பீச், பார்ர், இரவு ஹோட்டல் என குடும்பமாக கொண்டாடவதும் நடக்கிறது. கொண்டாட்டம் எதுவாக இருந்தாலும் கேக் முக்கிய பங்கு விகிக்கிறது.

இந்த நிலையில் மே 14 ஆம் தேதி இந்தியா முழுவதும் கொண்டாடப்பட்ட அன்னையர் தினத்தில் இந்திய மக்கள் சோமேட்டோ தளத்தில் மக்கள் கேக்-களை வாங்கி குவித்துள்ளனர். ஒவ்வொரு பண்டிகை-யின் போது சோமேட்டோ, ஸ்விக்கி, Blinkit, Zepto தளத்தில் சில குறிப்பிட்ட பொருட்கள் மட்டும் அதிகமாக விற்பனையாவது வழக்கம்.

அந்த வகையில் அன்னையர் தினத்தின் போது சோமேட்டோ தளத்தில் மே 14 ஆம் தேதி மட்டும் சராசரயாக ஒரு நிமிடத்திற்கு சுமார் 150 கேக் ஆர்டர் செய்யப்பட்டு உள்ளனர். இது மட்டும் அல்லாமல் சோமேட்டோ தளத்தில் எப்போதும் இல்லாத வகையில் அதிகப்படியான ஆர்டர்கள் நேற்று பதிவாகியுள்ளதும் புதிய சாதனை என சோமேட்டோ சிஇஓ
தீபிந்தர் கோயல் தெரிவித்துள்ளார்.

தீபிந்தர் கோயல் தனது பதிவில் புத்தாண்டுக்கு இணையாக அன்னையர் தினமும் முக்கியமானதாக எங்களுக்கு மாறியுள்ளது. அதிகப்படியான ஆர்டர்கள் அன்னையர் தினத்தில் பதிவாகியுள்ளது மட்டும் அல்லாமல் மக்களின் கொண்டாட்டத்தில் நீங்களும் பங்கேற்றுள்ளோம் என தீபிந்தர் கோயல் தெரிவித்தார்.

ஒரு நிமிடத்திற்ரு சராசரியாக 150 கேக் என்றால் ஒரு மணிநேரத்திற்கு 9000 கேக், ஒரு நாளுக்கு 2,16,000 கேக்.