புதிய 80:20 ரூல் உட்பட ஓய்வூதிய முறையில் முக்கிய மாற்றங்கள் அறிவிப்பு!

ஓய்வூதிய நிதி ஒழுங்குமுறை மற்றும் மேம்பாட்டு ஆணையம் (PFRDA) ஆனது என்பிஎஸ் (NPS) என்கிற தேசிய ஓய்வூதிய முறையில் (National Pension System) முக்கிய திருத்தங்களை அறிவித்துள்ளது. இது அரசு சாரா துறைகளை சேர்ந்த சந்தாதாரர்களுக்கு அதிக நெகிழ்வுத்தன்மையை வழங்குவதை நோக்கமாக கொண்டது.

அரசு சாரா துறையின் கீழ் வெளியேறும் விதிகள் ஆனது பொதுவான திட்டங்கள் (CS) மற்றும் பல திட்ட கட்டமைப்பு (MSF) ஆகியவற்றின் கீழ் கணிசமாக நெகிழ்வானதாக மாறியுள்ளன. முன்னதாக, சந்தாதாரர்கள் வெளியேறும்போது தங்கள் நிதியில் 60% வரை மொத்தமாக திரும்ப பெறலாம், குறைந்தபட்சம் 40% கட்டாயமாக ஆண்டுத்தொகை வாங்கலாம்.

ரூ.12 லட்சத்திற்கு மேல் நிதி திரட்டுவதற்கான திருத்தப்பட்ட கட்டமைப்பின் கீழ், புதிய விதி 80:20 ஆக மாற்றப்பட்டுள்ளது. இது சந்தாதாரர்கள் 80% வரை மொத்தமாக எடுத்துக்கொள்ள அனுமதிக்கிறது, அதே நேரத்தில் 20% மட்டுமே வருடாந்திரமாக பெற வேண்டும். இந்த மாற்றம் ஓய்வு பெற்றவர்களுக்கு அவர்களின் பணத்தின் மீது அதிக கட்டுப்பாட்டையும், வெளியேறும்போது அதிக பணப்புழக்கத்தையும், அவர்களின் தேவைகளுக்கு ஏற்ப ஓய்வூதிய வருமானத்தை நிர்வகிக்க அதிக சுதந்திரத்தை வழங்குகிறது.

இருப்பினும், மொத்த திரட்டப்பட்ட நிதி திரட்டல் ரூ.8 லட்சத்தை தாண்டவில்லை என்றால், முழுத் தொகையையும் ஒரே தொகையாக எடுக்கலாம். ரூ.8 லட்சத்திற்கு மேல் நிதி திரட்டல் ரூ.12 லட்சம் வரை நிதி திரட்டுபவர்களுக்கு, ரூ.6 லட்சம் வரை முன்கூட்டியே பணம் எடுக்க அனுமதிக்கப்படுகிறது, மீதமுள்ள தொகை குறைந்தபட்சம் 6 ஆண்டுகள் கால அவகாசத்துடன் ஆண்டுத்தொகை ஆக பயன்படுத்தப்பட வேண்டும்.

திருத்தப்பட்ட விதிகள் இப்போது சந்தாதாரர்கள் 85 வயது வரை முதலீட்டில் இருக்க அனுமதிக்கின்றன, அவர்கள் வெளியேறும் விருப்பத்தை பயன்படுத்த தேர்வுசெய்யாவிட்டால். 15 ஆண்டுகள் சந்தாவை முடித்த பிறகு அல்லது 60 வயதை எட்டிய பின்னர் அல்லது ஓய்வு பெற்ற பிறகு - எது முதலில் வருகிறதோ அதுவரை சாதாரண வெளியேறும் வாய்ப்பு இப்போது அனுமதிக்கப்படுகிறது.

மேலும் ஓய்வூதிய நிதி ஒழுங்குமுறை மற்றும் மேம்பாட்டு ஆணையத்தின் இந்த புதிய திருத்தங்களின் ஒரு பகுதியாக என்பிஎஸ்-ன் அரசு சாரா சந்தாதாரர்களுக்கு 5 ஆண்டுகள் கட்டாய லாக்-இன் காலமும் நீக்கப்பட்டுள்ளது. மேலும், குறைந்த ஓய்வூதிய நிலுவைகளை கொண்ட சந்தாதாரர்களுக்கு தளர்வான திரும்ப பெறும் விதிமுறைகளும் அறிமுகம் செய்யப்பட்டு உள்ளன.

நினைவூட்டும் வண்ணம் - என்பிஎஸ் இன் கீழ் உள்ள அரசு ஊழியர்களுக்கு, எந்தவொரு வெளியேற்றமும் அனுமதிக்கப்படுவதற்கு ஐந்து ஆண்டு லாக்-இன் காலம் கட்டாயமாகும். 60 வயதை எட்டும்போது அல்லது ஓய்வு பெறும் போது சாதாரண வெளியேறல்கள் அனுமதிக்கப்படுகின்றன, இதில் கார்பஸ் ரூ.8 லட்சத்திற்கும் குறைவாக இருந்தால் 100% திரும்ப பெறுதல் இப்போது அனுமதிக்கப்படுகிறது, இது ரூ.5 லட்ச வரம்பிலிருந்து நீட்டிப்பு ஆகும்.

2025 புது பென்சன் ரூல்ஸ் தொடர்பான குழப்பங்கள்: இபிஎப்ஓ (EPFO) என்று சுருக்கமாக அழைக்கப்படும் ஊழியர் வருங்கால வைப்பு நிதி அமைப்பு (Employees Provident Fund Organisation) ஆனது, பிஎப் உறுப்பினர்களுக்கான வயது தகுதி மற்றும் மினிமம் பென்சன் தொடர்பாக புதிய விதிகளை அறிமுகம் செய்துள்ளதா என்பதற்கு மாநிலத்தின் தொழிலாளர் மற்றும் வேலைவாய்ப்புத் துறை அமைச்சர் விளக்கம் அளித்து இருந்ததும் இங்கே குறிப்பிடத்தக்கது.

பிஎப்-க்கான புதிய விதிகள் 50 வயதிலிருந்து ஓய்வூதியம் தொடங்க அனுமதிக்கிறதா என்கிற குழப்பம் குறித்த கேள்விக்கு முற்றுப்புள்ளி வைக்கப்பட்டது. 2025 ஆம் ஆண்டில் "இத்தகைய விதி" எதுவும் அறிமுகப்படுத்தப்படவில்லை. இருப்பினும், 1995 ஆம் ஆண்டு ஊழியர் ஓய்வூதியத் திட்டத்தின் பத்தி 12(7) விதி இங்கே கவனிக்கத்தக்கது.

ஒரு உறுப்பினர் வேலையிலிருந்து வெளியேறி ஓய்வூதியத்திற்கு தகுதியான சேவையை வழங்கியிருந்தால், அவர் விரும்பினால், 58 வயதுக்கு முந்தைய தேதியிலிருந்து (ஆனால் 50 வயதுக்கு முன்னால் அல்ல) முன்கூட்டியே ஓய்வூதியம் பெற அனுமதிக்கப்படலாம் என்று சுஷ்ரி ஷோபா கரண்ட்லஜே கூறியுள்ளார். மேலும் இபிஎஸ்-95 குறைந்தபட்ச ஓய்வூதியத்தை ரூ.7,500 ஆக உயர்த்துவதற்கான இறுதி நடவடிக்கை எதுவும் எடுக்கப்படவில்லை என்றும் அமைச்சர் விளக்கம் அளித்துள்ளார்.

Credit: Gizbot