பெட்ரோல் போட போறீங்களா? மோசடியில் சிக்காமல் இருக்க இந்த 8 டிப்சை ஃபாலோ பண்ணுங்க!

பெட்ரோல் விலை தொடர்ந்து உயர்ந்து வருவதால், நுகர்வோர் அதிக எச்சரிக்கையுடன் இருக்க வேண்டியது முக்கியம். எரிபொருள் நிரப்புவதில் ஏற்படும் மோசடிகள் அதிகரித்து வருவதால், விழிப்புடன் இருக்க வேண்டியது அவசியமாகிறது. பெட்ரோல் பங்குகளில் பல்வேறு வகையான மோசடிகள் நடக்கின்றன. இதில் பெட்ரோல் அளவைக் குறைத்தல், பம்புகளை மாற்றியமைத்தல் மற்றும் தரமற்ற எரிபொருள் விற்பனை செய்தல் போன்றவை அடங்கும். இதனால் நுகர்வோருக்கு அதிக செலவு ஏற்படக்கூடும். இந்த மோசடிகளில் இருந்து தங்களைக் காத்துக்கொள்ள நுகர்வோர் பின்வரும் வழிகளைப் பின்பற்றலாம்.

பம்ப் ரீடிங்கைக் கண்காணிக்கவும்: எரிபொருள் நிரப்புவதற்கு முன்னும் பின்னும் பம்பில் உள்ள மீட்டர் ரீடிங்கைக் கவனியுங்கள்.எவ்வளவு எரிபொருள் நிரப்பினீர்களோ, அவ்வளவுதான் காட்டப்பட வேண்டும். டிஸ்ப்ளே சரியாக இல்லை என்றால்.. அது குறித்து பெட்ரோல் பங்கு ஊழியர்களிடம் கேட்கவும்.

எரிபொருள் தரத்தை கவனியுங்கள்: எரிபொருளின் தரத்தில் ஏதேனும் பிரச்சனை இருந்தால், உங்கள் வாகனத்தின் செயல்திறன் கடுமையாக பாதிக்கப்படும். இதனால் மைலேஜ் குறைந்துப் போவது, எஞ்சின் சரியாக வேலை செய்யாமல் போவது போன்ற பிரச்சனைகள் ஏற்படும்.

நம்பகமான பெட்ரோல் பங்குகளை தேர்வு செய்யவும்: புகழ்பெற்ற எரிபொருள் நிலையங்களைத் தேர்ந்தெடுங்கள். நியாயமான நடைமுறைகளைக் கொண்ட நன்கு அறியப்பட்ட மற்றும் புகழ்பெற்ற எரிபொருள் நிலையங்களைத் தேர்ந்தெடுக்கவும். நல்ல வாடிக்கையாளர் ரெவியூக்களைக் கொண்ட பிராண்டுகள் மற்றும் பங்குகள் ஏமாற்றும் செயல்களில் ஈடுபடுவதற்கான வாய்ப்புகள் குறைவு.

பொதுவான மோசடிகளைப் பற்றி தெரிந்துகொள்ளுங்கள்: பெட்ரோல் பங்குகளில் நடக்கும் பொதுவான மோசடிகளைப் பற்றி தெரிந்துகொள்ளுங்கள். இது உங்களைப் பாதுகாக்கும்.

சந்தேகத்திற்கிடமான செயல்பாட்டைப் புகாரளிக்கவும்: மோசடி நடவடிக்கைகள் நடப்பது போல் நீங்கள் சந்தேகித்தால் அல்லது முறைகேடுகளைக் கவனித்தால், அவற்றை பெட்ரோல் பங்கு நிர்வாகத்திடம் புகாரளிக்கவும். உங்களால் இயன்ற ஆதாரங்களை ஆவணப்படுத்தி, உரிய அதிகாரிகளுக்குத் தெரிவிக்கப்படுவதை உறுதிசெய்யவும்.

பணியாளரின் செயலை கவனியுங்கள்: பணியாளர் பம்பை சரியாக கையாளுகிறாரா என்பதை கவனியுங்கள். அவர்கள் ஏதேனும் சந்தேகத்திற்குரிய செயலில் ஈடுபட்டால், அதைப் புகார் செய்யவும்.

ரசீதைப் பெறுங்கள்: எரிபொருள் நிரப்பிய பிறகு ரசீதைப் பெறுங்கள். இது எவ்வளவு எரிபொருள் நிரப்பினீர்கள் என்பதற்கான ஆதாரமாக இருக்கும். முரண்பாடுகள் அல்லது சிக்கல்கள் ஏற்பட்டால், ரசீது வைத்திருப்பது புகார்களுக்கான ஆதாரமாக இருக்கும்.

வழக்கத்திற்கு மாறான விலையில் விற்பனை: வழக்கத்திற்கு மாறான விலையில் எரிப்பொருள் விற்பனை செய்யப்பட்டால் எச்சரிக்கையாக இருங்கள். மிகக் குறைந்த விலைகள், வாடிக்கையாளர்களை ஈர்ப்பதற்கான ஒரு தந்திரமாக இருக்கலாம். எப்போதும் விலைகளை ஒப்பிட்டு, நியாயமான நடைமுறைகளுக்குப் புகழ் பெற்ற நிலையங்களைத் தேர்ந்தெடுக்கவும்.