ஒரே ஆண்டில் 200% லாபம்.. பட்டைய கிளப்பும் மல்டிபேக்கர் பங்கு முஃபின் க்ரீன் பைனான்ஸ் லிமிடெட்

பங்குச் சந்தைகளில் நாம் முதலீடு செய்யும் எல்லாம் பங்குகளும் எப்போதும் ஆதாயம் அளிக்கும் என்று உறுதியாக சொல்ல முடியாது. அதேபோல் நாம் சில பங்குகளை சாதாரணமாக கணித்து இருப்போம் அல்லது சில பங்குகள் குறித்து தெரிந்து இருக்காது.

அது போன்ற பங்குகள் மல்டிபேக்கர் பங்கு வருமானத்தை கொடுத்த பிறகு நமக்கு தெரியவரும். அப்படி பெரும்பாலானோருக்கு தெரியாத நிதி துறையை சேர்ந்த வங்கி அல்லாத நிதி நிறுவனத்தின் பங்கு விலை கடந்த ஒராண்டில் 200 சதவீதத்துக்கு மேல் உயர்ந்துள்ளது.

வங்கி அல்லாத நிதி சேவை நிறுவனம் (NBFC) முஃபின் க்ரீன் பைனான்ஸ் லிமிடெட். இந்நிறுவனம், மின்சார வாகனங்கள், மின்சார சார்ஜிங் உட்கட்டமைப்பு மற்றும் மாற்றக்கூடிய பேட்டரிகள் போன்ற நிறுவனங்களுக்கு கடன் வழங்குகிறது.

முஃபின் க்ரீன் பைனான்ஸ் லிமிடெட் நிறுவனத்தின் நிதி நிலை முடிவுகளும் சிறப்பாக உள்ளது. 2023 ஜூன் காலாண்டில் முஃபின் க்ரீன் பைனான்ஸ் லிமிடெட் நிறுவனம் லாபமாக ரூ.3.45 கோடி ஈட்டியுள்ளது. முந்தைய மார்ச் காலாண்டில் லாபமாக ரூ.2.66 கோடி ஈட்டியிருந்தது. இந்நிறுவனத்தின் செப்டம்பர் காலாண்டு நிதி நிலை முடிவுகள் இன்று வெளியாகிறது.

2023ல் முஃபின் க்ரீன் பைனான்ஸ் லிமிடெட் பங்கு மல்டிபேக்கர் பங்குகளில் ஒன்றாக உருவெடுத்துள்ளது. இப்பங்கின் விலை ரூ.36.55-லிருந்து ரூ.111.76ஆக உயர்ந்துள்ளது. கடந்த ஒராண்டில் முஃபின் க்ரீன் பைனான்ஸ் லிமிடெட் பங்கு விலை 200 சதவீதத்துக்கு மேல் உயர்ந்துள்ளது. கடந்த ஒரு வாரத்தில் முஃபின் க்ரீன் பைனான்ஸ் லிமிடெட் பங்கு விலை சுமார் 13 சதவீதமும், கடந்த ஒரு மாதத்தில் 30 சதவீதமும் உயர்ந்தது.

கடந்த 6 மாதத்தில் இந்நிறுவன பங்கின் விலை ரூ.39.80-லிருந்து ரூ.111.75ஆக உயர்ந்து 180 சதவீதம் ஆதாயம் அளித்துள்ளது. கடந்த ஒராண்டில் முஃபின் க்ரீன் பைனான்ஸ் லிமிடெட் பங்கு விலை 200 சதவீதத்துக்கு மேல் உயர்ந்துள்ளது. கடந்த 5 ஆண்டுகளில் முஃபின் க்ரீன் பைனான்ஸ் லிமிடெட் பங்கு விலை ரூ.3.16லிருந்து ரூ.111.76ஆக உயர்ந்துள்ளது. இந்த கால கட்டத்தில் முஃபின் க்ரீன் பைனான்ஸ் லிமிடெட் பங்கு விலை 3,400 சதவீதம உயர்ந்துள்ளது.

கடந்த சில வர்த்தக தினங்களாக முஃபின் க்ரீன் பைனான்ஸ் லிமிடெட் பங்கு விலை அப்பர் சர்க்கியூட்டை தொட்டு வருகிறது. மும்பை பங்குச் சந்தையில் இன்று காலையில் வர்த்தகம் தொடங்கியவுடன் முஃபின் க்ரீன் பைனான்ஸ் லிமிடெட் பங்கு விலை 5 சதவீதம் உயர்ந்து அப்பர் சர்க்கியூட் அளவான ரூ.123.15ஐ தொட்டது. மும்பை பங்குச் சந்தையில் நேற்று பங்கு வர்த்தகம் முடிவடைந்தபோது முஃபின் க்ரீன் பைனான்ஸ் லிமிடெட் பங்கு விலை ரூ.117.30ஆக இருந்தது.