தங்கம்

ஒவ்வொரு பெண்ணின் மிக விருப்பமான பொருளாகும். தங்க நகைகளில் முதலீடு செய்வது என்பது ஒரு சிறந்த தேர்வாகும். பல வருடங்களாக பளபளப்பு குறையாமல் இருக்கும் தங்கத்தில் முதலீடு செய்வதென்பது சிறந்தது. அப்படி செய்ய முடிவெடுத்தால் தங்கம் ETF, நிதி அல்லது காசுகள் வடிவில் முதலீடு செய்யலாம்.

காப்பீடு

உடல் ஆரோக்கியமே சிறந்த சொத்து என்பதை நாம் மறந்து விடக் கூடாது. விலைவாசி ஏற்றம், மருத்துவச் செலவுகள் உங்கள் சேமிப்பை கரைத்து விடும். ஆகையால் காப்பீடு எடுப்பது அவசியமான ஒன்று.

பங்குச்சந்தை

பங்குச்சந்தை பற்றி சிறிது அறிவு இருந்தால் அதில் முதலீடு செய்வது சிறந்த தேர்வாகும். இதில் அனுபவம் இல்லையென்றால், ஒரு நிதி ஆலோசகரிடம் ஆலோசனை பெறுங்கள். இந்த வகை முதலீடு நிதி இலாக்காவை பிரித்து செயல்படுத்த உதவும். மேலும் விலைவாசி உயர்வு ஆபத்தில் இருந்து காக்கவும் உதவும். பெண்கள் அதிக ஈட்டுத் தொகையை விரும்புவதை விட பாதுகாப்பை தான் விரும்புவார்கள்.

நிரந்தர வைப்பு நிதிகள்

பாதுகாப்பு என்ற அம்சத்தை மனதில் வைத்து, பல பெண்களுக்கு பிடித்த முதலீடாக விளங்குகிறது வங்கியின் நிரந்தர வைப்பு. வைப்பு நிதி ஐந்து ஆண்டுகளுக்கு மேல் இருந்தால் வருமான வரி பிரிவு 80C-யின் கீழ் வருமான வரி விலக்கும் கிடைக்கும்.

பி.பி.எப்(PPF)

பி.பி.எப்-ல் பணத்தை முதலீடு செய்தால், பணியில் இருந்து ஓய்வு பெற்றப்பின் அது பெரிதும் உதவும். முதலீடு பாதுகாப்பாக இருக்க மற்றும் ஈட்டுத் தொகையில் வரி இல்லாமல் கிடைக்க விருப்பம் கொண்டவர்கள் இந்த முதலீட்டில் பணத்தை போடலாம்.

மியுச்சுவல் ஃபண்ட் எஸ்.ஐ.பி(SIP)

தொடர் வைப்புத்தொகைக்கு நிகரானது மியூச்சுவல் ஃபண்ட் எஸ்.ஐ.பி(SIP). வங்கியின் வைப்பு நிதிகளுக்கு மேலாக லாபம் ஈட்ட வேண்டுமானாலும் அதே போல் பங்குச்சந்தையில் போதிய அனுபவம் இல்லையென்றாலும், மியூச்சுவல் ஃபண்டை தேர்ந்தெடுக்கலாம். ஆனால் இதனால் கிடைக்கப் போகும் ஈட்டுத் தொகையில் இடர்பாடு அதிகம்.

பொது ஆலோசனையை

எந்த ஒரு முதலீடு செய்யும் முன், அந்த முதலீட்டை பற்றிய முழு அறிவையும் பெறுவது மிகவும் அவசியம். அதே போல் அதில் ஏற்படும் இடர்பாடையும் புரிந்து கொள்ளுங்கள். அதனால் முதலீடு செய்யும் முன், நீண்ட கால குறிக்கோள், குறைந்த கால குறிக்கோள் மற்றும் நிதி திட்டத்தையும் முடிவு செய்து கொள்ளுங்கள்.