இந்திய பில்லியனர்கள் பட்டியலில் முதல் இடத்தைப் பிடித்தார் முகேஷ் அம்பானி..!

முகேஷ் அம்பானி

ரிலையன்ஸ் இண்டஸ்ட்ரீஸ் நிறுவனத்தின் தலைவரான முகேஷ் அம்பானி தனது பெட்ரோலியம் சுத்திகரிப்பு வியாபாரத்தின் மூலம் மிகப்பெரிய உயரத்தை அடைந்துள்ளது. 2016ஆம் ஆண்டில் 19.3 பில்லியன் டாலர் சொத்தின் மதிப்பு உடன் உலகளவில் 36வது இடத்தைப் பிடித்துள்ளார்.

இந்திய பில்லியனர்கள் பட்டியலில் தொடர்ந்து பல வருடங்களாக முதல் இடத்தைப் பிடித்து வருகிறார் முகேஷ் அம்பானி. இவர் ரிலையன்ஸ் இண்டஸ்ட்ரிஸ் நிறுவனத்தின் தலைவராகவும், நிர்வாக இயக்குநராகவும் பொறுப்பு வகிக்கிறார்.

திலீப் சங்வி

இந்தியாவின் முன்னணி மருந்த உற்பத்தி மற்றும் ஏற்றுமதி நிறுவனமான சன் பார்மா நிறுவனத்தின் தலைவர் திலீப் சங்வி 16.9 பில்லியன் டாலர் சொத்து மதிப்புடன் இந்திய பில்லியனர்கள் பட்டியலில் 2வது இடத்தில் உள்ளார்.

அசிம் பிரேம்ஜி

இவர் பெங்களூரை தலைமையகமாகக் கொண்டு உலக முழுவதும் விரிந்து இருக்கும் விப்ரோ நிறுவனத்தின் தலைவரான அசிம் பிரேம்ஜி, இப்பட்டியலில் 15 பில்லியன் டாலர் சொத்து மதிப்புடன் 3வது இடத்தில் உள்ளர்.

மேலும் இவர் 2 பில்லியன் டாலருக்கும் அதிகமான சொத்துக்களைத் தனது சொந்த அறக்கட்டளையின் மூலம் நன்கொடையாக அளித்துள்ளார்.

ஷிவ் நாடார்

இந்தியாவில் வேகமாக வளர்ந்து வரும் ஐடி நிறுவனங்களில் ஒன்றான ஹெச்சிஎல் நிறுவனத்தின் தலைவரான ஷிவ்நாடார் இப்பட்டியலில் 11.1 பில்லியன் டாலர் சொத்து மதிப்புடன் 4வது இடத்தில் உள்ளார்.

சைரஸ் பூனாவாலா

தடுப்புமருந்து தயாரிப்பு மற்றும் ஆராய்ச்சியில் ஈட்டுப்பட்டுள்ள சைரஸ் பூனாவாலா 8.5 பில்லியன் டாலர் சொத்துமதிப்புடன் இப்பட்டியலில் 5வது இடத்தில் உள்ளார்.

கடந்த சில வருடங்களில் இவரது சீரம் நிறுவனம் மிகப்பெரிய வளர்ச்சியை அடைந்துள்ளது.

டாப் 10 பட்டியில்

இந்திய பில்லியனர்கள் பட்டியலில் டாப் 10 பட்டியலில் முதல் 5 இடங்களைப் பார்த்த நிலையில் மீதமுள்ள 5 இடத்தில் லக்ஷ்மி மிட்டல், மஹிந்திரா கோட்டாக் நிறுவனத்தின் தலைவர் உதய் கோட்டாக், குமார் மங்களம் பிர்லா, ஏர்டெல் நிறுவனத்தின் தலைவர் சுனில் மிட்டல், லூப்பின் நிறுவனத்தின் உரிமையாளர் தேஷ் பந்து குப்தா ஆகியோர் இடம்பெற்றுள்ளனர்.

புதிய பில்லியனர்கள்

போர்ப்ஸ் நிறுவனத்தின் இந்திய பணக்காரர்கள் பட்டியலில் இந்த வருடம் இடம்பெற்ற புதிய பல்லியனர்களை இப்போது பார்ப்போம். இண்டர்குளோப் ஏவியேஷன் (இண்டிகோ ஏர்லையன்ஸ்) நிறுவனத்தின் தலைவர்கள் கபில் பாதியா மற்றும் ராகுல்ல பாதியா (தந்தை-மகன்) அவர்களின் சொத்து மதிப்பு 3.1 பில்லியன் டாலராக உயர்ந்துள்ளது.

பெண்கள் பில்லியனர்கள்

ஓபி ஜிண்டல் குழுமத்தின் நிர்வாகத் தலைவரான சாவித்ரி ஜிண்டல், பென்னெட், கோல்மேன் அண்ட் கோ என்னும் மீடியா நிறுவனத்தின் தலைவரான இந்து ஜெயின், காட்ரிஜ் நிறுவனத்தின் ஸ்மிதா கிருஷ்னா, யுஎஸ்வி மருந்து தயாரிப்பு நிறுவனத்தின் லீனா திவாரி, ஹேவெல்ஸ் நிறுவனத்தின் வினோத் குப்தா ஆகியோர் இந்திய பில்லியனர்கள் பட்டியலில் இடம்பிடித்துள்ளனர்.

இளம் பில்லியனர்கள்

இந்தியாவில் மிக இளைமையான பில்லியனர்கள் பட்டியலில் முதல் இடத்தைப் பிடிப்பது பிளிப்கார்ட் நிறுவன தலைவர்கள் சச்சின் பன்சால் மற்றும் பின்னி பன்சால் ஆகியோர் தான். இவர்களின் சொத்து மதிப்புத் தற்போது 1.2 பில்லியன் டாலராக உயர்ந்துள்ளது.

உலகத் தரவரிசை

இந்நிலையில் போர்ப்ஸ் நிறுவனத்தின் சர்வதேச பில்லியனர்கள் பட்டியலில் 75 பில்லியன் டாலருடன் புல் கேட்ஸ் முதல் இடத்தைப் பிடித்துள்ளார். இவர் கடந்த 3 வருடமாகத் தொடர்ந்து முதல் இடத்தில் இருக்கிறார்.

இவரைத் தொடர்ந்து அமான்சியோ ஆர்டிகா, வாரன் பஃபெட், கார்லோஸ் ஸ்லிம், ஜெப் பிசோஸ், மார்க் ஜூக்கர்பெர்க், லேரி எலிசன், மைகில் புளும்பெர்க், சார்லஸ் காச், டேவிட் காச் ஆகியோர் டாப் 10 இடத்தைப் பிடித்துள்ளனர்.

போட்டி

முகேஷ் அம்பானி உலகளவில் படிப்படியாக முன்னேறி வந்தாலும், இந்திய பில்லியனர்கள் பட்டியலில் முதல் இடத்தைக் குத்தகைக்கு எடுத்தது போல் தொடர்ந்து முதல் இடத்தைப் பிடித்து வருகிறார்.

இவருக்குத் திலீப் சங்வி தொடர்ந்து போட்டியை அளித்தாலும், முதல் இடத்தைப் பிடிக்க இன்னும் சில ஆண்டுக்காலம் தேவைப்படும். கடந்த 10 ஆண்டுகளில் 7 முறை இந்திய பில்லியனர்கள் பட்டியலில் முதல் இடத்தைப் பிடித்து வருகிறார் முகேஷ் அம்பானி.