தந்தேராஸ்: தங்கம் வாங்க இதுதான் சரியான நேரம்..!! மிஸ் பண்ணிடாதீங்க..!

நம்ம ஊருல தீபாவளி ஒருநாள் விழாவாக கொண்டாடுகிறோம். ஆனால் வட மாநிலங்களில் தீபாவளியை 5 நாள் கொண்டாடுவது வழக்கம். தீபாவளின் முதல் நாள் தந்தேராஸ் கொண்டாடப்படுகிறது. தன் என்றால் செல்வம் தேராஸ் என்பது கிருஷ்ண பக்ஷத்தின் 13வது நாளை குறிக்கிறது.

இந்த நாளில் தங்கம் மற்றும் தங்க நகைகள் வாங்குவது மங்களகரமானதாக கருதப்படுகிறது. இந்த புனித நாளில் தங்கம் வாங்கினால் பெரும் அதிர்ஷ்டத்தையும் செழிப்பையும் கொண்டு வரும் என்று நம்பிக்கை கொண்டுள்ளனர்.

தந்தேராஸ் அன்று செல்வத்தின் தெய்வம் என்று அழைக்கப்படும் லட்சுமி தேவி, தன்வந்திரியுடன் வீட்டிற்கு வந்து பணம், வருமான வாய்ப்புகள், வணிக வாய்ப்புகள் மற்றும் வெற்றியை வழங்குவதாக இந்துக்கள் நம்புகிறார்கள். தங்கம் மற்றும் பிற விலைமதிப்பற்ற உலோகங்கள் மங்களகரமானவை மற்றும் நல்ல அதிர்ஷ்டத்தையும் தருவதாக கருதப்படுகிறது.

இந்த ஆண்டு தந்தேராஸ் வரும் வெள்ளிக்கிழமை (நவ.10) கொண்டாடப்பட உள்ளது. தந்தேராஸ் கொண்டாடுவதற்கான நல்ல நேரம் நவம்பர் 10ம் தேதி மதியம் 12.35 மணிக்கு தொடங்கி நவம்பர் 11ம் தேதி மதியம் 1.57 மணிக்கு முடிவடையும். ஆகையால் நவம்பர் 10ம் தேதி தந்தேராஸ் கொண்டாடப்படும். தந்தேராஸ் பூஜைக்கான முகூர்த்த நேரம் மாலை 5.47 முதல் 7.43 மணி வரை என்று கூறப்பட்டுள்ளது.

தங்கம் மற்றும் வெள்ளியை தவிர்த்து, மக்கள் தந்தேராஸின் போது வீட்டுக்குள் நுழைவதற்கு முன்பு தண்ணீர் அல்லது உணவை நிரப்ப செம்பு, பித்தளை மற்றும் வெள்ளி பாத்திரங்களை வாங்குகிறார்கள். மேலும் அன்று களிமண் லட்சுமி மற்றும் விநாயகர் சிலைகள் வாங்குவதும் மங்களரமானதாக கருதப்படுகிறது. உபகரணங்கள், லேப்டாப், பிரிட்ஜ, மைக்ரோவேவ் மற்றும் பலவற்றையும் நீங்கள் வாங்கலாம்.