தங்கம், வெள்ளி விலை: ஈரான் போர் நீட்டிப்பால் வரும் வாரத்தில் விலை உயருமா?

இந்தியாவில் தங்கம் மற்றும் வெள்ளி விலையில் இன்று, மார்ச் 8, ஞாயிற்றுக்கிழமை, என்பதால் மாற்றம் ஏதும் இல்லை. வரும் வாரத்தில் பணவீக்கம் மற்றும் மத்திய கிழக்கு நாடுகளில் நிலவும் பதற்றம் ஆகியவை தங்கம் வெள்ளியின் விலையை தீர்மானிக்கும். இருப்பினும், பொருளாதார ஸ்திரமற்ற சூழலில் தங்கம் ஒரு பாதுகாப்பான முதலீடாகக் கருதப்பட்டாலும், அமெரிக்க டாலரின் மதிப்பு உயர்ந்து வருவது தங்கத்தின் விலையில் அதிக தாக்கத்தை ஏற்படுத்தியுள்ளது.

வரும் வர்த்தக வாரத்தில், MCX சந்தையில் 10 கிராம் தங்கம் விலை ரூ.1,55,900 முதல் ரூ.1,64,000 வரையிலும், 1 கிலோ வெள்ளி விலை ரூ.2,49,000 முதல் ரூ.2,85,000 வரையிலும் வர்த்தகமாகும் என எதிர்பார்க்கப்படுகிறது.

மத்திய கிழக்கு நாடுகளில் புவிசார் அரசியல் பதற்றம் நிலவி வந்தாலும், மார்ச் 2026-ல் உலகளவில் தங்கம் போன்ற விலைமதிப்பற்ற உலோகங்கள் சரிவை சந்தித்து வருகின்றன. அமெரிக்க ஃபெடரல் வங்கி இனி வரும் நாட்களில் ஒரு முறை மட்டுமே வட்டி விகிதத்தைக் குறைக்கும் என வர்த்தகர்கள் கணித்துள்ளனர். அதே சமயம், பணவீக்கத்தைக் கட்டுப்படுத்த வட்டி விகிதங்கள் உயர்த்தப்படலாம் என்ற வாய்ப்பும் அதிகரித்துள்ளது.

மறுபுறம், கடந்த வாரம் கச்சா எண்ணெய் விலை கடுமையாக உயர்ந்தது. வாராந்திர அடிப்படையில் 22%-க்கும் அதிகமாக விலை அதிகரித்து, 2022-ம் ஆண்டின் தொடக்கத்திற்குப் பிறகு பதிவான மிகப்பெரிய உயர்வாக இது அமைந்துள்ளது.

Mar 08, 2026, 10:05 am IST

தங்கம், வெள்ளி விலை நிலவரம் LIVE: அடுத்த வாரம் விலையில் மாற்றம் இருக்குமா? முக்கிய காரணிகள் இதோ!

அமெரிக்காவில் வேலையின்மை விகிதம் எதிர்பார்த்த 4.3 சதவீதத்தைத் தாண்டி, 4.4 சதவீதமாக அதிகரித்துள்ளது. இது அந்நாட்டின் தொழிலாளர் சந்தை பலவீனமடைந்துள்ளதைக் காட்டுகிறது. இதனால் அமெரிக்கப் பொருளாதாரம் மந்தநிலையைச் சந்திக்குமோ என்ற அச்சம் முதலீட்டாளர்களிடையே எழுந்துள்ளது. ஒருபுறம் மத்திய கிழக்கு நாடுகளின் போர் பதற்றத்தால் பணவீக்கம் அதிகரிக்கும் என்ற பயம் இருந்தாலும், பொருளாதார நெருக்கடி காலங்களில் பாதுகாப்பான முதலீடாகக் கருதப்படும் தங்கத்தின் மீதான ஆர்வம் அதிகரித்துள்ளது. டாலர் முதலீடுகளை விட தங்கத்தின் தேவையே தற்போது சர்வதேச சந்தையில் மேலோங்கி இருப்பதாக 'டிரேடிங் எகனாமிக்ஸ்' நிறுவனம் தெரிவித்துள்ளது.