நியூ இயர்க்கு வாங்க நல்ல சான்ஸ்.. தங்கம் விலை இன்று சரிவு.. எவ்வளவு சரிந்திருக்கு?

தங்கம் விலை டாலரின் மதிப்பானது உச்சத்தினை எட்டிய நிலையில், கடந்த அமர்விலேயே சரிவில் காணப்பட்டது. இந்த சரிவானது இன்றும் தொடரலாம் என்ற நிலையே இருந்து வருகின்றது.

டாலரின் மதிப்பு மட்டும் அல்ல, பத்திர சந்தையும் ஏற்றம் காணத் தொடங்கியுள்ள நிலையில், மேற்கொண்டு தங்கத்தின் விலை அழுத்தத்தில் இருக்கலாம் என எதிர்பார்க்கப்படுகிறது.

எனினும் சீனாவில் தொடர்ந்து கொரோனாவின் தாக்கம் அதிகரித்து வரும் நிலையில், இது மேற்கொண்டு தங்கத்திற்கு ஆதரவாக அமையலாமோ என்ற அச்சம் இருந்து வருகின்றது. அதேசமயம் இது விடுமுறை காலம் என்பதால் தங்கத்தின் தேவையானது சர்வதேச அளவில் குறையலாம் என்ற உணர்வும் உள்ளது.

தங்கம் விலை எப்படியிருக்கும்?

இதற்கிடையில் தங்கம் விலையானது 1790 - 1830 டாலர்களுக்குள் இருக்கலாம் என நிபுணர்கள் எதிர்பார்க்கின்றனர். கடந்த செப்டம்பர் மாத சரிவில் இருந்து தங்கம் விலையானது 200 டாலர்களுக்கு மேலாக அதிகரித்துள்ளது. இது இனியும் நீண்டகால நோக்கில் அதிகரிக்கலாம் என்றே நிபுணர்கள் எதிர்பார்க்கின்றனர்.

அமெரிக்காவின் மத்திய வங்கியானது, தொடர்ந்து பணவீக்கத்தினை கட்டுக்குள் கொண்டு வர வட்டி விகிதத்தினை அதிகரித்தாலும், இது மேற்கொண்டு ரெசசன் அச்சத்தினை தூண்டலாம் என எதிர்பார்க்கப்படுகிறது.

சீனாவின் நிலை

தொடர்ந்து சீனாவில் கொரோனா பரவலானது அதிகரித்து வரும் நிலையில், இது வரும் வாரங்களில் எப்படி இருக்குமோ என்ற அச்சம் இருந்து வருகின்றது. இது மேற்கொண்டு சர்வதேச பொருளாதாரத்திலும் தாக்கத்தினை ஏற்படுத்தலாம் எனவும் எதிர்பார்க்கப்படுகிறது. இது தங்கம் விலைக்கு ஆதரவாக அமையலாம் என நிபுணர்கள் கூறுகின்றனர்.

இன்று எப்படியிருக்கும்?

மேலும் சீனாவில் அதிகரித்து வரும் கொரோனா வழக்குகள் மத்தியில் கட்டுப்பாடுகள் அதிகரிக்கலாமோ என்ற அச்சம் இருந்து வருகின்றது. எப்படியிருப்பினும் அமெரிக்காவின் வேலையின்மை நலன், டாலர் மதிப்பு, பத்திர சந்தை என பலவும், இன்று சந்தையில் தாக்கத்தினை ஏற்படுத்தலாம். இது தங்கம் விலையில் சற்றே ஏற்ற தாழ்வுகளை ஏற்படுத்தலாம்.

காமெக்ஸ் தங்கம் விலை

தங்கம் விலையானது அவுன்ஸூக்கு சற்று குறைந்து, 1814.90 டாலராக குறைந்துள்ளது. இது மீடியம் டெர்மில் சற்று குறையலாம் எனும் விதமாகவே காணப்படுகின்றது. இது கடந்த அமர்வில் முடிவு விலையை விட, இன்று தொடக்கத்தில் கீழாக காணப்படுகிறது.

காமெக்ஸ் வெள்ளி விலை

சர்வதேச சந்தையில் வெள்ளி விலையானது அவுன்ஸூக்கு சற்று குறைந்து, 23.830 டாலராக குறைந்து காணப்படுகிறது. இது சற்று கடந்த அமர்வின் முடிவினைக் காட்டிலும், இன்று கீழாகவே காணப்படுகிறது. இது மேற்கொண்டு இன்று சற்று குறையலாம் எனும் விதமாகவே டெக்னிக்கலாக காணப்படுகின்றது.

இந்திய சந்தையில் தங்கம் விலை

இந்திய சந்தையினை பொறுத்த வரையில் தங்கம் விலையானது 10 கிராமுக்கு 11 ரூபாய் அதிகரித்து, 54,772 ரூபாயாக வர்த்தகமாகி வருகின்றது. இது தற்போது சற்று அதிகரித்து காணப்பட்டாலும், மீடியம் டெர்மில் சற்று குறையலாம் எனும் விதமாகவே காணப்படுகின்றது.

இந்திய சந்தையில் வெள்ளி விலை

இந்திய சந்தையில் வெள்ளி விலையும் சற்று குறைந்து காணப்படுகின்றது. இது கிலோவுக்கு 44 ரூபாய் குறைந்து, 68,969 ரூபாயாக வர்த்தகமாகி வருகின்றது. இதுவும் மீடியம் டெர்மில் சற்று குறையலாம் எனும் விதமாகவே காணப்படுகின்றது.

ஆபரணம் தங்கம் விலை

சர்வதேச சந்தையில் தங்கம் விலையானது சற்று குறைந்துள்ள நிலையில், அதன் எதிரொலியாக ஆபரண தங்கம் விலையானது சற்று குறைந்து காணப்படுகின்றது. இன்று கிராமுக்கு 10 ரூபாய் குறைந்து, 5095 ரூபாயாகவும், இதே சவரனுக்கு 80 ரூபாய் குறைந்து, 40,760 ரூபாயாக விற்பனை செய்யப்பட்டு வருகின்றது.

தூய தங்கம் விலை

இதே தூய தங்கத்தின் விலையானது கிராமுக்கு 11 ரூபாய் குறைந்து, 5558 ரூபாயாக விற்பனை செய்யப்பட்டு வருகின்றது. இதே 10 கிராமுக்கு, 110 ரூபாய் குறைந்து, 55,580 ரூபாயாக விற்பனை செய்யப்பட்டு வருகின்றது.

ஆபரண வெள்ளி விலை

வெள்ளியின் விலையானது இன்று இதுவரையில் மாற்றம் காணவில்லை. இது கிராமுக்கு 74.60 ரூபாயாக விற்பனை செய்யப்பட்டு வருகின்றது. இதே கிலோவுக்கு 74,600 ரூபாயாக விற்பனை செய்யப்பட்டும் வருகின்றது.