தங்கம் கொடுத்த சர்பிரைஸ்.. இரண்டாவது நாளாகவும் ஆபரண தங்கம் விலை வீழ்ச்சி..!

தங்கம் ஆபரண விலை

சென்னையில் இன்றும் தங்கம் ஆபரணத்தின் விலையானது சரிவில் உள்ளது. இன்று கிராமுக்கு 13 ரூபாய் குறைந்து, 4,792 ரூபாயாகவும், இதே சவரனுக்கு 104 ரூபாய் குறைந்து 38,336 ரூபாயாகவும் விற்பனை செய்யப்பட்டு வருகின்றது. 2021ம் ஆண்டின் தொடக்கத்தில் இருந்தே தொடர்ச்சியாக ஆறு தினங்களாகவே ஏற்றத்தினை கண்டு வந்த நிலையில், இரண்டாவது  நாளாக இன்றும் விலை குறைந்துள்ளது, இது தங்க ஆர்வலர்கள் மத்தியில் நல்ல வரவேற்பினை பெற்றுள்ளது.

இவ்வளவு அதிகரிப்பா?

கடந்த ஜனவரி 1 அன்று கிராமுக்கு 4,726 ரூபாயாகவும், இதே சவரனுக்கு 37,808 ரூபாயாகவும் விற்பனை செய்யப்பட்டது. எனினும் நடப்பு மாதத்தில் அதிகபட்சமாக ஜனவரி 6 அன்று கிராமுக்கு 4,885 ரூபாயாகவும், இதே சவரனுக்கு 39,080 ரூபாயாகவும் விற்பனை செய்யப்பட்டுள்ளது. ஆக புத்தாண்டு தொடங்கிய இன்றோடு எட்டு நாட்களில், 6 நாட்கள் ஏற்றம் கண்ட நிலையில், இரண்டாவது நாளாக இன்றும் தங்கம் விலையானது சற்று சரிவினைக் கண்டுள்ளது.

தூய தங்கம் விலை

இதே தூய ( 24 கேரட்) தங்கத்தின் விலையினை பொறுத்தவரையில், இன்று கிராமுக்கு 14 ரூபாய் குறைந்து 5,227 ரூபாயாகவும், இதே சவரனுக்கு 112 ரூபாய் குறைந்து 41,816 ரூபாயாக விற்பனை செய்யப்பட்டு வருகிறது. இதுவும் கடந்த ஆறு தினங்களாக ஏற்றம் கண்டு வந்த நிலையில், இரண்டாவது நாளாக இன்று சரிவினைக் கண்டுள்ளது.

ஆபரண வெள்ளி விலை

ஆபரண தங்கத்தின் விலை குறைந்திருந்தாலும், வெள்ளியின் விலையானது சற்று ஏற்றம் கண்டுள்ளது. இன்று கிராம் 74.50 ரூபாயாக விற்பனை செய்யப்பட்டு வரும் நிலையில், கிலோவுக்கு இன்று 300 ரூபாய் அதிகரித்து 74,500 ரூபாயாக விற்பனை செய்யப்பட்டு வருகிறது. கடந்த ஜனவரியில் 7 அன்று 74,200 ரூபாயாகவும் விற்பனை செய்யப்பட்டது.