ஏறிய வேகத்தில் இறங்கிய ஆபரணத் தங்கம் விலை! பவுன் விலை என்ன?

ஆபரணத் தங்கம் விலை 24 கேரட்

சென்னையில் 24 கேரட் 10 கிராம் ஆபரணத் தங்கத்தின் விலை நேற்று 53,720 ரூபாய்க்கு விற்றார்கள். 18 ஆகஸ்ட் 2020 அன்று 56,360 ரூபாய்க்கு விற்பனை ஆனது தங்கம். அதன் பிறகு தொடர்ந்து விலை இறக்கம் கண்டு வந்த தங்கம், 27 ஆகஸ்ட் 2020 அன்று மட்டும் ஒரு நல்ல விலை ஏற்றம் கண்டு 54,270 ரூபாய்க்கு விற்பனை ஆனது. ஆனால் நேற்று (28 ஆகஸ்ட் 2020) அந்த விலை ஏற்றத்தில் பெரும்பகுதியை காலி செய்யும் விதத்தில் மீண்டும் விலை சரிந்து 53,720 ரூபாய்க்கு விற்பனை ஆனது.

பவுன் விலை என்ன 24 கேரட் ஆபரணத் தங்கம்

07 ஆகஸ்ட் 2020 அன்று 59,130
18 ஆகஸ்ட் 2020 அன்று 56,360
26 ஆகஸ்ட் 2020 அன்று 53,660
27 ஆகஸ்ட் 2020 அன்று 54,270
28 ஆகஸ்ட் 2020 அன்று 53,720 என விலை மாற்றம் கண்டு இருக்கிறது, 24 கேரட் 10 கிராம் தங்கம். ஆக 28 ஆகஸ்ட் 2020 அன்று 24 கேரட் 1 பவுன் தங்கம் விலை 42,976 ரூபாய்க்கு விற்பனை ஆனது.

ஆபரணத் தங்கம் விலை 22 கேரட்

வாழ்கை தேடி வந்தவர்களை வாழ வைக்கும் சென்னையில், 18 ஆகஸ்ட் 2020 அன்று 51,670 ரூபாய்க்கு விற்பனை ஆனது 22 கேரட் 10 கிராம் தங்கம். அதன் பிறகு தொடர்ந்து விலை இறக்கம் கண்டு வந்த தங்கம், 27 ஆகஸ்ட் 2020 அன்று மட்டும் ஒரு நல்ல விலை ஏற்றம் கண்டு 49,750 ரூபாய்க்கு விற்பனை ஆனது. ஆனால் நேற்று (28 ஆகஸ்ட் 2020) மீண்டும் விலை சரிந்து 49,240 ரூபாய்க்கு விற்பனை ஆனது.

பவுன் விலை என்ன 24 கேரட் ஆபரணத் தங்கம்

07 ஆகஸ்ட் 2020 அன்று 54,200
18 ஆகஸ்ட் 2020 அன்று 51,670
26 ஆகஸ்ட் 2020 அன்று 49,190
27 ஆகஸ்ட் 2020 அன்று 49,750
28 ஆகஸ்ட் 2020 அன்று 49,240 என விலை மாற்றம் கண்டு இருக்கிறது 22 கேரட் 10 கிராம் தங்கம். ஆக 28 ஆகஸ்ட் 2020 அன்று 22 கேரட் 1 பவுன் தங்கம் விலை 39,392 ரூபாய்க்கு விற்பனை ஆனது.

இந்திய எம் சி எக்ஸ் சந்தையில் தங்கம் விலை

நேற்று (28 ஆகஸ்ட் 2020, வெள்ளிக்கிழமை), அக்டோபர் மாதத்துக்கான 10 கிராம் தங்க ஃப்யூச்சர் காண்டிராக்டின் விலை, 51,399 ரூபாயில் நிறைவடைந்து இருக்கிறது. நேற்று அதிகபட்சமாக 51,750 ரூபாய் வரை தொட்டது. இருப்பினும் இது 07 ஆகஸ்ட் 2020 உச்ச விலையான 56,191 ரூபாயை விட 4,792 ரூபாய் குறைவு.

வெள்ளி விலை - எம் சி எக்ஸ்

இந்தியாவின் எம் சி எக்ஸ் சந்தையில், நேற்று (28 ஆகஸ்ட் 2020), செப்டம்பர் மாதத்துக்கான 1 கிலோ வெள்ளி ஃப்யூச்சர் காண்டிராக்டின் விலை 66,149 ரூபாய்க்கு நிறைவடைந்து இருக்கிறது. 07 ஆகஸ்ட் 2020 அன்று இதே வெள்ளி ஃப்யூச்சர் காண்டிராக்டின் உச்சவிலை 77,949 ரூபாயைத் தொட்டு வர்த்தகமானது. ஆக இப்போதும் எம் சி எக்ஸ் வெள்ளி தன் 07 ஆகஸ்ட் 2020 உச்ச விலையை விட 11,800 ரூபாய் குறைவாக வர்த்தகம் நிறைவடைந்து இருக்கிறது.

இண்டர்நேஷனல் தங்கம் விலை

ஒரு அவுன்ஸ் தங்கத்தின் விலை, சர்வதேச சந்தையில் நேற்று (28 ஆகஸ்ட் 2020) 1,964 டாலருக்கு வர்த்தகம் நிறைவடைந்து இருக்கிறது. அதிகபட்சமாக 1,973 டாலர் வரைத் தொட்டு வர்த்தகமானதும் இங்கு குறிப்பிடத்தக்கது. இருப்பினும், கடந்த 06 ஆகஸ்ட் 2020 அன்று உச்ச விலையாக, இதே சர்வதேச தங்கத்தின் விலை 2,075 டாலரைத் தொட்டு வர்த்தகமானது. ஆக 2075 - 1,964 = 111 அமெரிக்க டாலர் விலை குறைவாகவே வர்த்தகம் நிறைவடைந்து இருக்கிறது.

தங்கம் விலை போக்கு எப்படி இருக்கும்

இந்தியாவில் வர்த்தகமாகும் எம் சி எக்ஸ் தங்கம் முதல் சர்வதேச சந்தையில் வர்த்தகமாகும் தங்கம் வரை எல்லாமே மெல்ல விலை ஏற்றம் காணத் தொடங்கிவிட்டன. பொருளாதாரங்கள் மெல்ல செயல்படத் தொடங்கி இருந்தாலும், பல நாட்டு மத்திய வங்கிகள் கணிசமாக கரன்சிகளை அச்சிட்டு, ஸ்டிமுலஸ் பேக்கேன் என்கிற பெயரில் வெளியிட இருப்பதால், மேற்கொண்டு தங்கம் விலை அதிகரிக்கலாம் எனச் செய்திகள் வெளியாகி இருக்கின்றன.