பட்டையை கிளப்பும் தங்கம் விலை.. நல்ல வாய்ப்பை மிஸ் பண்ணிட்டோமோ?

டாலர் மதிப்பு

தங்கம் விலையை நிர்ணயிக்கும் முக்கிய காரணிகளில் ஒன்றான அமெரிக்க டாலரின் மதிப்பானது, கடந்த சில தினங்களாக சற்று அழுத்தத்தில் காணப்படுகின்றது. இதன் காரணமாக பாதுகாப்பு புகலிடமான தங்கம் விலையானது அதிகரிக்கலாம் என எதிர்பார்க்கப்படுகிறது. டாலரின் மதிப்பானது சரிவினைக் கண்டு வரும் நிலையில் தங்கம் சிறந்த ஹெட்ஜிங் ஆக பார்க்கப்படுகிறது.

பணவீக்கம் குறித்த அச்சம்

அமெரிக்கா உள்ளிட்ட பல நாடுகளின் மத்திய வங்கிகளிலும் பணவீக்கமானது தொடர்ந்து அதிகரித்து வரும் நிலையில், வட்டி விகிதத்தினை விரைவில் அதிகரிக்கலாம் என்ற நிலை இருந்து வந்தது. ஆனால் இது இன்னும் சற்று தாமதமாகலாமோ என்ற அச்சம் எழுந்துள்ளது. வட்டி விகிதத்தில் தற்போதைக்கு மாற்றம் இருக்குமா? என்ற அச்சமும் எழுந்துள்ளது.

பத்திர சந்தை ஏற்றம்

அமெரிக்க மத்திய வங்கியின் முக்கிய நடவடிக்கைகளுக்கு மத்தியில் வட்டி விகிதத்தில் மாற்றம் இருக்குமா? என்ற சந்தேகம் ஒரு புறம் இருந்து வருகின்றது. எனினும் மறுபுறம் அமெரிக்க பத்திர சந்தையானது கடந்த சில தினங்களாகவே ஏற்றம் காணத் தொடங்கியுள்ளது. இதனால் வட்டியில்லா முதலீடான தங்கத்தில் சமீபத்திய தினங்களாக முதலீடு குறைந்தது.

ஓமிக்ரான் குறித்த அச்சம்

சர்வதேச அளவில் 90க்கும் மேற்பட்ட நாடுகளில் ஓமிக்ரான் தாக்கம் என்பது வேகமாக பரவத் தொடங்கியுள்ளது. இதன் காரணமாக இனி வரும் வாரங்களில் கடுமையான கட்டுப்பாடுகள் விதிக்கப்படலாமோ என்ற அச்சம் எழுந்துள்ளது. ஏற்கனவே சில நாடுகளில் கடுமையான கட்டுப்பாடுகள் விதிக்கப்பட்டுள்ளன. குறிப்பாக சீனா, நெதர்லாந்து உள்ளிட்ட நாடுகளில் கடுமையான கட்டுப்பாடுகள் விதிக்கப்பட்டுள்ளன. ஆக இதுவும் தங்கத்திற்கு ஆதரவாக அமையலாம் என எதிர்பார்க்கப்படுகிறது.

பொருளாதாரம் வீழ்ச்சி காணுமோ?

தொடர்ந்து ஓமிக்ரான் அச்சம் சந்தையில் அதிகரித்து வரும் நிலையில், இரண்டாம் அலையை போன்று, முழு லாக்டவுன் அமல்படுத்தப்பட்டால் என்னவாகுமோ? என்ற அச்சம் எழுந்துள்ளது. இதனால் பொருளாதாரம் மீண்டும் வீழ்ச்சி காணலாமோ என்ற அச்சம் எழுந்துள்ளது. இதன் காரணமாக பாதுகாப்பு புகலிடமான தங்கம் விலையானது நீண்டகால நோக்கில் அதிகரிக்கலாம் என எதிர்பார்க்கப்படுகிறது.

ரூபாய் சரிவு

தொடர்ந்து இந்திய ரூபாயின் மதிப்பானது சரிவினைக் கண்டு வருகின்றது. இது நடப்பு காலாண்டில் இதுவரையில் 2.2% வீழ்ச்சி கண்டுள்ளது. இது மேற்கொண்டு சரிவினைக் காணலாம் என்று நிபுணர்கள் எதிர்பார்க்கின்றனர். இது வரவிருக்கும் மாதங்களில் 78 ரூபாய் வரையில் வீழ்ச்சி காணலாம் என எதிர்பார்க்கப்படுகின்றது. இதன் காரணமாக பாதுகாப்பு புகலிடமான தங்கத்தின் விலையானது மேற்கொண்டு அதிகரிக்கலாம் என எதிர்பார்க்கப்படுகிறது.

காமெக்ஸ் தங்கம் விலை

தங்கம் விலையானது தினசரி கேண்டில் பேட்டர்னில் சற்று அதிகரிக்கும் விதமாகவே காணப்படுகின்றது. எனினும் தற்போது அவுன்ஸூக்கு 5.65 டாலர் அதிகரித்து, 1,807.75 டாலர்களாக காணப்படுகின்றது. இது முந்தைய அமர்வின் முடிவு விலையை விட, இன்று சற்று மேலாகவே தொடங்கியுள்ளது. இது உச்ச விலையையும் உடைத்துக் காட்டியுள்ளது. எனினும் மீடியம் டெர்ம் முதலீட்டாளர்கள் சற்று பொறுத்திருந்து வாங்கலாம்.

காமெக்ஸ் வெள்ளி விலை

தங்கம் விலையை போலவே, வெள்ளியின் விலையும் சற்று அதிகரித்து காணப்படுகின்றது.தற்போது அவுன்ஸூக்கு சற்று அதிகரித்து 22.902 டாலர்களாக வர்த்தகமாகி வருகின்றது. வெள்ளி விலையும் மீடியம் டெர்மில் சற்று அதிகரிக்கலாம் எனும் விதமாகவே காணப்படுகின்றது. இது முந்தைய அமர்வின் முடிவு விலையை விட, இன்று சற்று மேலாகவே தொடங்கியுள்ளது. ஆக நீண்டகால முதலீட்டாளர்கள் வாங்க சரியான இடமாகவே பார்க்கப்படுகிறது.

எம்சிஎக்ஸ் தங்கம் விலை

சர்வதேச சந்தையின் எதிரொலியாக இந்திய சந்தையிலும் தங்கம் விலையானது சற்று அதிகரித்து காணப்படுகின்றது. இது தற்போது 10 கிராமுக்கு 91 ரூபாய் அதிகரித்து, 48,290 ரூபாயாக வர்த்தகமாகி வருகின்றது. இது கடந்த அமர்வின் முடிவு விலை, உச்ச விலையை விட, இன்று சற்று மேலாகவே தொடங்கியுள்ளது. ஆக தங்கம் விலையானது சற்று அதிகரிக்கலாம் எனும் விதமாக காணப்படுகிறது.

எம்சிஎக்ஸ் வெள்ளி விலை

வெள்ளியின் விலையும் சற்று அதிகரித்து காணப்பட்டுள்ளது. தற்போது கிலோவுக்கு 267 ரூபாய் அதிகரித்து, 62,458 ரூபாயாக வர்த்தகமாகி வருகின்றது. வெள்ளி விலை கடந்த அமர்வில் முடிவு விலையினை விட, இன்று சற்று மேலாகத் தான் தொடங்கியுள்ளது. இது உச்ச விலையை உடைத்துக் காட்டியுள்ளது. ஆக மீடியம் வெள்ளி விலையும் சற்று அதிகரிக்கலாம் எனும் விதமாகவே காணப்படுகிறது.

ஆபரண தங்கம் விலை

ஆபரணத் தங்கம் விலை சற்று அதிகரித்தே காணப்படுகின்றது. குறிப்பாக சென்னையில் ஆபரண தங்கத்தின் விலையானது கிராமுக்கு 19 ரூபாய் அதிகரித்து, 4,556 ரூபாயாக வர்த்தகமாகி வருகின்றது. இதே 8 கிராமுக்கு 152 ரூபாய் அதிகரித்து, 36,448 ரூபாயாக விற்பனை செய்யப்பட்டு வருகின்றது.

தூய தங்கம் விலை

சென்னையில் இன்று தூய தங்கத்தின் விலையும் இன்று அதிகரித்து காணப்படுகின்றது. இது கிராமுக்கு 20 ரூபாய் அதிகரித்து, 4,970 ரூபாயாகவும், இதே சவரனுக்கு 160 ரூபாய் அதிகரித்து, 39,760 ரூபாயாகவும் விற்பனை செய்யப்பட்டு வருகின்றது.

வெள்ளி விலை நிலவரம்

தங்கம் விலை குறைந்திருந்தாலும், வெள்ளி விலை சற்று அதிகரித்தே காணப்படுகின்றது. இது தற்போது கிராமுக்கு 0.40 பைசா அதிகரித்து, 66.20 ரூபாயாகவும், இதே 10 கிராமுக்கு 662 ரூபாயாகவும், இதுவே கிலோவுக்கு 400 ருபாய் அதிகரித்து, 66,200 ரூபாயாகவும் விற்பனை செய்யப்பட்டு வருகின்றது.

இன்று என்ன செய்யலாம்?

தங்கம் மற்றும் வெள்ளி விலையானது நீண்டகால நோக்கில், மீடியம் டெர்மில் என இரு நிலைகளிலும் அதிகரிக்கலாம் எனும் விதமாகவே காணப்படுகின்றது. அதேபோல ஆபரண தங்கம் விலையும் அதிகரித்து தான் காணப்படுகின்றது. ஆக இதுவும் தேவையிருக்கும் பட்சத்தில் வாங்க சரியான இடமாக பார்க்கப்படுகிறது.