கிறிஸ்துமஸ் முடிந்தது.. தங்கம் விலை எகிறியது..!

உலகளவில், கிறிஸ்மஸ் பண்டிகையையொட்டி பிற வர்த்தகங்கள் நுகர்வோர் சந்தையில் மிகவும் சிறப்பாக இருந்தாலும், தங்கம் விற்பனை அனைத்து சந்தைகளிலும் மந்த நிலையை எதிர்கொண்டது.

ஆனால் செவ்வாய்க்கிழமை வர்த்தகத்தில் வர்த்தகம் சூடுபிடிக்கத் துவங்கியது, இதனால் செவ்வாய்க்கிழமை காலை முதல் தங்கத்தின் விலை உயர்ந்தது.

சர்வதேச சந்தையில் டாலர் ஆதிக்கம் குறைந்து பிற நாணயங்கள் கணிசமாக உயர்ந்த நிலையில், வெளிநாட்டு வர்த்தகர்களுக்குத் தங்கம் விலையில் பெரிய மாற்றம் இல்லாமலும், விலை குறைவாகவும் கிடைத்துள்ளது.

ஸ்பாட் தங்கம் விலை

இன்றைய சர்வதேச சந்தை வர்த்தகத்தில் ஸ்பாட் தங்கம் விலை ஒரு அவுன்ஸ் 0.4% அதிகரித்து 1,804.71 டாலராக ஆக உள்ளது. அமெரிக்கக் கோல்டு பியூச்சர்ஸ் 0.5% உயர்ந்து 1,812.50 ஆக இருந்தது, டாலர் இன்டெக்ஸ் 0.2% சரிந்தது.

மேலும் மாலை வர்த்தகம் முடியும் நேரத்தில் ஒரு அவுன்ஸ் தங்கம் விலை 1809 டாலராக உள்ளது.

எம்சிஎஸ் சந்தை

செவ்வாய்க்கிழமை மாலை வர்த்தகம் முடியும் நேரத்தில் எம்சிஎஸ் சந்தையில் பிப்ரவரி 3ஆம் தேதி முடியும் 10 கிராம் 24 கேரட் தங்கம் பியூச்சர்ஸ் விலை 0.35 சதவீதம் அதிகரித்து 54,866 ரூபாயாக உயர்ந்துள்ளது. இதேபோல் மார்ச் 3ஆம் தேதி முடியும் 1 கிலோ வெள்ளி விலை 1.41 சதவீதம் அதிகரித்து 70,051 ரூபாயாக உள்ளது.

கிறிஸ்மஸ் பண்டிகை

கிறிஸ்மஸ் பண்டிகையையொட்டி சர்வதேச சந்தைகளில் இருந்து முழுமையான வர்த்தக வெளிப்பாடுகள் இல்லாத காரணத்தால் தங்கம் மற்றும் வெள்ளி விலை திங்கள்கிழமை மந்தமான வர்த்தகத்தை மட்டுமே பதிவு செய்தன.

அமெரிக்கப் பொருளாதாரம்

அமெரிக்கப் பொருளாதாரம் குறித்த கலப்புத் தரவுகள் மற்றும் கச்சா எண்ணெய்யின் விலை பிறகு வெள்ளிக் கிழமை வர்த்தகத்தில் தங்கம் விலை சரிவில் இருந்து மீண்டு வந்தது.சீனா மற்றும் தைவான் இடையே அதிகரித்து வரும் பதற்றம் தங்கம் முக்கிய மற்றும் பாதுகாப்பான உலோகங்களாக மாறியுள்ளது.

தங்கம் விலை

இந்த நிலையில் இன்றைய வர்த்தகத்தில் தங்கம் விலை நிலையற்றதாக இருக்கும் என்று எதிர்பார்க்கப்பட்டது. டாலர் மதிப்பில் தங்கம் ஒரு அவுன்ஸ் 1784-1772 டாலர் ஆதரவு விலையைக் கொண்ட நிலையில், தற்போது 1812-1822 டாலர் அளவில் வர்த்தகம் செய்யப்பட்டு வருகிறது.

வெள்ளி ஆதரவு விலை

இதேபோலச் சர்வதேச சந்தையில் வெள்ளி விலை ஆதரவு 23.52-23.35 டாலருக்கு வர்த்தகம் செய்யப்படும் நிலையில், இதன் ரெசிஸ்டன்ஸ் விலை 23.98-24.15 டாலருக்கு வர்த்தகம் செய்யப்பட்டு வருகிறது.

ரூபாய் மதிப்பு

இதுவே ரூபாய் மதிப்பில் தங்கத்தின் ஆதரவு விலை 54,350-53,950 ஆகவும், ரெசிஸ்டன்ஸ் விலை 54,720 - 54,880 ரூபாயாகவும் உள்ளது. வெள்ளியின் ஆதரவு விலை 68,250-67,580 ரூபாயாகவும், ரெசிஸ்டன்ஸ் விலை 69,420-69,780 ரூபாயாகவும் உள்ளது.