4வது நாளாக சரிவில் தங்கம் விலை.. இன்னும் சரியுமா.. நிலவரம் என்ன.. நிபுணர்களின் கணிப்பு என்ன..!

வலுவான டாலர் மதிப்பு

தங்கத்தின் விலையினை தீர்மானிக்கும் முக்கிய காரணிகளில் ஒன்றான அமெரிக்க டாலரின் மதிப்பு, சற்று வலுவடைந்து காணப்படும் நிலையில், அதன் எதிரொலியாக தங்கம் விலையானது சரிவினைக் கண்டு வருகின்றது. இது பாதுகாப்பு புகலிடமான தங்கம் விலையில் மேலும் சரிவினை ஏற்படுத்தலாம் என எதிர்பார்க்கப்படுகிறது.

நல்ல வாய்ப்பு

இது தங்க வர்த்தகர்களுக்கும், ஆர்வலர்களுக்கும் கிடைத்த மிக நல்ல வாய்ப்பு என்றே கூறலாம். ஏனெனில் நீண்டகால நோக்கில் அதிகரிக்கலாம் என கூறப்படும் நிலையில், தங்கத்தினை குறைந்த விலையில் வாங்க கிடைத்த நல்ல வாய்ப்பு எனலாம். ஏற்கனவே தங்கம் விலையானது அதன் வரலாற்று உச்சத்தில் இருந்து பார்க்கும்போது 9,200 ரூபாய்க்கும் மேல் சரிவில் தான் காணப்படுகிறது. ஆக இது குறைந்த விலையில் வாங்கி வைக்க நல்ல இடமாகவும் பார்க்கப்படுகிறது.

 

உருமாறிய கொரோனா பரவல் குறித்த அச்சம்

அமெரிக்கா உள்ளிட்ட பல சர்வதேச நாடுகளிலும் உருமாறிய கொரோனா வைரஸின் தாக்கமானது தொடர்ந்து அதிகரித்து வருகின்றது. இது சர்வதேச பொருளாதாரத்தில் தாக்கத்தினை ஏற்படுத்தலாம். இது பொருளாதாரத்தில் நிலையற்ற தன்மையை ஏற்படுத்தலாம் என எதிர்பார்க்கப்படுகிறது. ஆக இது நீண்டகால நோக்கில் தங்கம் விலை அதிகரிக்க முக்கிய காரணியாக அமையலாம் என எதிர்பார்க்கப்படுகிறது.

முக்கிய எதிர்பார்ப்பு

பொருளாதாரம் வளர்ச்சி பாதைக்கு திரும்பிக் கொண்டுள்ள நிலையில், விரைவில் வட்டி விகிதம் அதிகரிக்கலாம் என எதிர்பார்க்கப்படுகிறது. இது குறித்த அறிவிப்புகளை முதலீட்டாளர்கள் கவனமுடன் கவனித்து வருகின்றனர். எனினும் வட்டி விகிதம் அதிகரிக்கப்பட்டாலும், பணவீக்கம் அதிகரிக்குமோ என்ற அச்சமும் எழுந்துள்ளது. ஆக இது நீண்டகால நோக்கில் தங்கம் விலைக்கு ஆதரவாக அமையலாம் என எதிர்பார்க்கப்படுகிறது.

சீனாவின் பணவீக்கம் அதிகரிப்பு

சீனாவில் தொழில்துறை பணவீக்கமானது 13 ஆண்டுகளில் இல்லாத அளவுக்கு உச்சத்தினை எட்டியுள்ளது. இது தங்கத்திற்கு ஆதரவாக இருக்கலாம் என எதிர்பார்க்கப்படுகிறது. இதே போல இந்தியாவிலும் பணவீக்கம் அதிகரிக்கலாம் என எதிர்ப்பார்க்கப்படுகிறது. இதன் காரணமாக பாதுகாப்பு புகலிடமான தங்கத்தின் விலை அதிகரிக்கலாம் என எதிர்பார்க்கப்படுகிறது.

அதிகரிக்கும் பத்திர லாபம்

கடந்த சில தினங்களாகவே மீண்டும் ஏற்றப் பாதையினை நோக்கி சென்று கொண்டுள்ள பத்திர லாபமானது, இன்னும் தங்கம் விலைக்கு எதிராக அமையலாம் என எதிர்பார்க்கப்படுகிறது. இது தங்கம் விலை சரிய காரணமாக அமையலாம் என எதிர்பார்க்கப்படுகிறது. இதன் காரணமாக மீடியம் டெர்மில் தங்கம் விலையானது குறையலாம் என்றே எதிர்பார்க்கப்படுகிறது.

கவனம் செலுத்துங்கள்

நிலவி வரும் அரசியல் பதற்றங்கள், நிதி நெருக்கடிகள், பணவீக்கம், பொருளாதாரம் உள்ளிட்ட பல முக்கிய காரணங்களுக்கும் மத்தியில், தங்கம் சிறந்த பாதுகாப்பு புகலிடமாக பார்க்கப்படுகிறது. ஆக முதலீட்டு ரீதியில் தங்கத்தின் தேவையானது நீண்டகால நோக்கில் அதிகரிக்கலாம் என எதிர்பார்க்கப்படுகின்றது. எனினும் மீடியம் டெர்ம் வர்த்தகர்கள் சற்று பொறுத்திருந்து வர்த்தகம் செய்யலாம்.

காமெக்ஸ் தங்கம் விலை

சர்வதேச சந்தையில் அவுன்ஸ் தங்கத்தின் விலையானது பெரியளவில் மாற்றமின்றி சற்று சரிவில் காணப்படுகின்றது. இது தற்போது அவுன்ஸூக்கு 4.45 டாலர்கள் குறைந்து, 1789.20 டாலர்களாக வர்த்தகமாகி வருகிறது. இது முந்தைய அமர்வின் முடிவினை விட, இன்று சற்று கீழாகத் தொடங்கியுள்ளது. எனினும் குறைந்த மற்றும் அதிக பட்ச விலையை உடைக்கவில்லை. ஆக மீடியம் டெர்ம் முதலீட்டாளர்கள் சற்று பொறுத்திருந்து வர்த்தகம் செய்யலாம்.

டெக்னிக்கலாக எப்படியுள்ளது?

தங்கம் விலையானது மீடியம் டெர்மில் சற்று குறையும் விதத்திலேயே காணப்படுகின்றது. மேலும் 1800 டாலர்களை உடைத்து, அதற்கு கீழாகவே வர்த்தகமாகி வருகின்றது. ஆக இது இன்னும் சற்று சரியலாம் என்றே எதிர்பார்க்கப்படுகிறது. ஆக மீடியம் டெர்ம் வர்த்தகர்கள் சற்று பொறுத்திருந்து வர்த்தகம் செய்யலாம். எனினும் தங்கம் விலையானது நீண்டகால நோக்கில் அதிகரிக்கலாம்.

காமெக்ஸ் வெள்ளி விலை

தங்கத்தின் விலையை போலவே, வெள்ளியின் விலையும் சற்று சரிவில் தான் காணப்படுகிறது. இது மீடியம் டெர்மில் சற்று குறையும் விதமாகவே காணப்படுகிறது. தற்போது விலை அவுன்ஸூக்கு 0.71% குறைந்து, 23.887 டாலர்களாக காணப்படுகிறது. வெள்ளியின் முந்தைய அமர்வினை விட சற்று கீழாகத் தான் தொடங்கியுள்ளது. நேற்றைய குறைந்தபட்ச விலையையும் உடைத்துக் காட்டியுள்ளது.

எம்சிஎக்ஸ் தங்கம் விலை

இந்திய சந்தையினை பொறுத்த வரையில் தங்கம் விலை, தற்போது 10 கிராமுக்கு 163 ரூபாய் குறைந்து, 46,877 ரூபாயாக வர்த்தகமாகி வருகின்றது. இது முந்தைய அமர்வின் முடிவு விலையை விட, இன்று சற்று மேலாகத் தான் தொடங்கியுள்ளது. முந்தைய அமர்வின் குறைந்தபட்ச விலை, அதிகபட்ச விலை என இரண்டையும் உடைக்கவில்லை. ஆக மீடியம் டெர்ம் வர்த்தகர்கள் சற்று பொறுத்திருந்து வர்த்தகம் செய்யலாம்.

எம்சிஎக்ஸ் வெள்ளி விலை

இந்திய சந்தையில் இன்று வெள்ளியின் விலையும் சற்று குறைந்தே காணப்படுகின்றது. தற்போது கிலோவுக்கு 478 ரூபாய் குறைந்து, 63,705 ரூபாயாக காணப்படுகிறது. இது முந்தைய அமர்வின் முடிவு விலையினை விட, இன்று சற்று கீழாகத் தான் தொடங்கியுள்ளது. நேற்றைய குறைந்த விலையையும் உடைத்துக் காட்டியுள்ளது. ஆக மீடியம் டெர்ம் வர்த்தகர்கள் சற்று பொறுத்திருந்து வர்த்தகம் செய்யலாம்.

ஆபரண தங்கம் விலை

சர்வதேச சந்தையில் தங்கம் விலையானது குறைந்துள்ள நிலையில், இன்று சென்னையில் ஆபரண தங்கத்தின் விலையும் சற்று குறைந்தே காணப்படுகிறது. ஒரு கிராம் ( 22 கேரட் ) தங்கத்தின் விலையானது, 18 ரூபாய் குறைந்து, 4,434 ரூபாயாகவும், இதே சவரனுக்கு 144 ரூபாய் குறைந்து, 35,472 ரூபாயாகவும் விற்பனை செய்யப்பட்டு வருகிறது.

தூய தங்கம் விலை

இதே சென்னையில் இன்று தூய தங்கத்தின் விலையும் குறைந்து காணப்படுகிறது. ஒரு கிராம் ( 24 கேரட் ) தங்கத்தின் விலையானது 20 ரூபாய் குறைந்து, 4,837 ரூபாயாகவும், இதே சவரனுக்கு 160 ரூபாய் குறைந்து, 38,696 ரூபாயாகவும் விற்பனை செய்யப்பட்டு வருகிறது.

இதே 10 கிராமுக்கு 48,370 ரூபாயாகவும் காணப்படுகிறது.

ஆபரண வெள்ளி விலை

ஆபரண வெள்ளியின் விலையும் சற்று குறைந்தே காணப்படுகிறது. இன்று கிராமுக்கு 0.80 பைசா குறைந்து, 68.30 ரூபாயாகவும், இதே கிலோவுக்கு 800 ரூபாய் குறைந்து, 68,300 ரூபாயாகவும் காணப்படுகிறது. கடந்த சில நாட்களாக வெள்ளி விலையும் தொடர்ந்து தடுமாற்றத்திலேயே இருந்து வருகின்றது.

இன்று தங்கத்தினை வாங்கலாமா?

தங்கத்தின் விலையானது மீடியம் டெர்மில் குறையும் விதமாகவே உள்ளது. வெள்ளியின் விலையும் தடுமாற்றத்திலேயே காணப்படுகிறது. இதே ஆபரண தங்கம் மற்றும் வெள்ளியினை பொறுத்த வரையில், தேவை என்பது அதிகரிக்கவே செய்யும் என்பதால் நீண்டகால நோக்கில் வாங்கலாம். இதுவே முதலீட்டு நோக்கிலும் தங்கத்தின் தேவையானது நீண்டகால நோக்கில் அதிகரிக்கலாம் என்பதால், நீண்டகால நோக்கிலும் வாங்கி வைக்கலாம் என நிபுணர்கள் கூறுகின்றனர்.