மீண்டும் உயர ஆரம்பித்துள்ள தங்கம் விலை.. இது வாங்க சரியான நேரமா.. நிபுணர்கள் சொல்வதென்ன?

தங்கம் விலை என்னவாகும்?

அதிலும் தற்போது புதிய வகை உருமாற்றம் அடைந்த கொரோனா மீண்டும் பரவத் தொடங்கியுள்ள நிலையில், தங்கத்தினை மீண்டும் வாங்கலாமா? கடந்த ஆண்டினை போல மீண்டும் உச்சத்தினை தொடுமா? இது வாங்க சரியான நேரமா? என பல கேள்விகள் எழுந்துள்ளன. கடந்த வாரத்தின் இறுதியில் சற்றே ஏற்றம் காணத் தொடங்கியுள்ள தங்கம் விலை, வார இறுதியில் காலை அமர்வில் பலத்த ஏற்றம் கண்ட நிலையில் முடிவில் சற்றே குறைந்து காணப்பட்டது.

தங்கம் விலை அதிகரிக்கலாம்

குறிப்பாக இந்திய சந்தையில் தங்கம் விலையானது வெள்ளிக்கிழமையன்று 219 ரூபாய் அதிகரித்து முடிவடைந்தது. எனினும் டிசம்பர் 3 அன்று நடப்பு கான்ட்ராக்ட் எக்ஸ்பெய்ரி என்பதால், வரும் வாரத்தில் ஏற்ற இறக்கத்தில் இருக்கலாம் என எதிர்பார்க்கப்படுகிறது. எனினும் புதிய வகை கொரோனா குறித்த அச்சம் காரணமாக தங்கம் விலை அதிகரிக்கலாம் என பல தரப்பு நிபுணர்களும் கணித்துள்ளனர்.

பங்கு சந்தைகள் வீழ்ச்சி

புதிய வகை கொரோனா அச்சத்தின் காரணமாக சர்வதேச அளவிலான முதலீட்டாளர்கள் பங்கு சந்தைகளில் உள்ள முதலீடுகளை வெளியேற்றத் தொடங்கியுள்ளனர். இதன் காரணமாக பாதுகாப்பு புகலிடமான தங்கத்தில் முதலீடுகள் அதிகரிக்கலாம் என எதிர்பார்க்கப்படுகிறது. இது தங்கத்தின் விலைக்கு ஆதரவாக அமையலாம் என்றும் எதிர்பார்க்கப்படுகிறது.

தங்கம் விலையை ஆதரிக்கும் காரணிகள்

ஏற்கனவே தங்கத்தின் விலையானது நீண்டகால நோக்கில் அதிகரிக்கும் விதமாகவே காணப்படுகின்றது. இது பணவீக்கம் அதிகரிக்கும் நிலையில் சிறந்த ஹெட்ஜிங் ஆக பார்க்கப்படுகிறது. மேலும் அமெரிக்க மத்திய வங்கியின் நிலைப்பாடு, அமெரிக்க டாலருக்கு எதிரான ரூபாயின் சரிவு உள்ளிட்டவையும் தங்கத்திற்கு சாதகமான உள்ளன. ஆக இதுவும் தங்கம் விலையை ஆதரிக்கும் விதமாகவே காணப்படுகின்றது.

முக்கிய சப்போர்ட்

தங்கத்தின் விலையானது சர்வதேச சந்தையில் 1790 என்ற லெவலில் காணப்படுகின்றது. இது முக்கிய சப்போர்ட் விகிதமாக அவுன்ஸூக்கு 1760 டாலர்களை கண்டுள்ளது. ஆக தற்போதைய லெவலில் தங்கத்தின் விலை அதிகரிக்கும் என்ற விலையில், குறுகிய கால நோக்கில் 1880 டாலர்களை தொடலாம் என மோதிலால் ஆஸ்வால் நிறுவனம் கணித்துள்ளது.

வாங்க இது சரியான நேரம்

அடுத்த இரண்டு அல்லது மூன்று மாதங்களில், சர்வதேச சந்தையில் தங்கத்தின் விலை அவுன்ஸூக்கு 1915 டாலர்களை தொடலாம். இதன் எதிரொலி இந்திய சந்தையில் இருக்கலாம் என எதிர்பார்க்கப்படுகிறது. வரும் வாரத்தில் தங்கம் மற்றும் வெள்ளி விலையானது மீடியம் டெர்ம் வர்த்தகர்கள், நாளை தொடக்கத்தினை பொறுத்து வாங்கலாம். எனினும் நீண்டகால நோக்கில் வாங்க சரியான இடமாகவே பார்க்கப்படுகிறது. மேலும் தங்கம் மற்றும் வெள்ளியின் கான்ட்ராக்ட்கள் டிசம்பர் 3, 2021 அன்று எக்ஸ்பெய்ரி என்பதால், அடுத்த கான்ட்ராக்டில் வாங்கலாம்.