சாமானியர்களுக்கு சரியான சான்ஸ்.. இன்று தங்கம் விலை எவ்வளவு குறைந்திருக்கு தெரியுமா?

தங்கத்திற்கு ஆதரவு

அமெரிக்காவின் மத்திய வங்கியானது வட்டி விகிதத்தினை கட்டாயம் அதிகரிக்கலாம் என்ற நிலையில், தங்கம் விலையானது தொடன்ர்து சரிவினைக் கண்டு வருகின்றது. குறிப்பாக தங்கம், வெள்ளி போன்ற விலையுயர்ந்த உலோகங்கள் அனைத்தும் சரிவினைக் கண்டு வருகின்றன. இது மேற்கொண்டு ஆதரவாக அமையலாம் என எதிர்பார்க்கப்படுகிறது.

2 தசாப்தங்களில் இல்லாத அளவு ஏற்றம்

அமெரிக்க பத்திர சந்தையும் இரண்டு தசாப்தங்களில் இல்லாத அளவுக்கு ஏற்றத்தில் காணப்படுகிறது. இதற்கிடையில் கடந்த சில தினங்களாகவே பங்கு சந்தைகளிலும் பெரும் ஏற்ற இறக்கம் காணப்படுகின்றது. ஆக மீடியம் டெர்மில் தங்கம் விலை குறைந்தாலும், மீண்டு வர இது வழிவகுக்குமோ என்ற அச்சத்தினையும் ஏற்படுத்தியுள்ளது.

சரிவில் தங்கம் & வெள்ளி விலை

தொடர்ந்து ஏற்றம் கண்டு வரும் பத்திர சந்தை, டாலரின் மதிப்பானது வட்டியில்லா முதலீடான தங்கத்தில் முதலீடுகளை குறைத்துள்ளது. இதற்கிடையில் சர்வதேச சந்தையில் தங்கம் விலையானது அவுன்ஸூக்கு 3.80 டாலர்கள் குறைந்து, 1828 டாலராக வர்த்தகமாகி வருகின்றது. இதே வெள்ளியின் விலையும் 0.34% குறைந்து, 21.183 டாலராகவும் வர்த்தகமாகி வருகின்றது.

ஆபரண தங்கம் விலை

சர்வதேச சந்தையில் தங்கம் விலை குறைந்துள்ள நிலையில், ஆபரணத் தங்கம் விலையும் சரிவில் காணப்படுகின்றது. குறிப்பாக சென்னையில் ஆபரண தங்கத்தின் விலையானது கிராமுக்கு 88 ரூபாய் குறைந்து, 4,75 ரூபாயாகவும், இதே 8 கிராமுக்கு 38,040 ரூபாயாக விற்பனை செய்யப்பட்டு வருகின்றது.

தூய தங்கம் விலை

சென்னையில் இன்று தூய தங்கத்தின் விலையும் இன்று சரிவில் காணப்படுகின்றது. இது கிராமுக்கு 95 ரூபாய் குறைந்து, 5188 ரூபாயாகவும், இதே சவரனுக்கு 41,504 ரூபாயாகவும் விற்பனை செய்யப்பட்டு வருகின்றது.

வெள்ளி விலை நிலவரம்

வெள்ளி விலையும் இன்று சரிவில் காணப்படுகின்றது. இது தற்போது கிராமுக்கு 1.30 பைசா குறைந்து, 66 ரூபாயாகவும், இதே 10 கிராமுக்கு 660 ரூபாயாகவும், இதுவே கிலோவுக்கு 1300 ரூபாய் குறைந்து, 66,000 ரூபாயாகவும் விற்பனை செய்யப்பட்டு வருகின்றது.