Gold: தங்கம் விலை திடீரென சரிவு.. ஏன் இந்த தடுமாற்றம்.. இனியும் குறையுமா..நிபுணர்கள் சொல்வது என்ன?

Gold prices today:தங்கம் விலையானது இன்று பெரியளவில் மாற்றமின்றி சற்று தடுமாற்றத்தில் காணப்படுகின்றது. இது தங்கம் விலையினை நிர்ணயிக்கும் முக்கிய காரணியான டாலரின் மதிப்பானது வலுவடைந்து வரும் நிலையில், தங்கத்தின் மீது அழுத்தம் ஏற்பட்டுள்ளது.

அமெரிக்காவின் மத்திய வங்கியானது பணவீக்கத்தினை கட்டுப்படுத்த வட்டி விகிதத்தினை அதிகரிக்கலாம் என எதிர்பார்க்கப்படுகிறது. இதன் காரணமாக டாலரின் மதிப்பு ஏற்றம் காணலாம் என எதிர்பார்க்கப்படுகிறது.

இதற்கிடையில் வட்டியில்லா முதலீடான தங்கத்தில் முதலீடுகள் குறையலாம் என்ற நிலையே இருந்து வருகின்றது.

ரூபாய் டாலர் மதிப்பு

டாலரின் மதிப்பானது அதிகரித்து வரும் நிலையில், ரூபாயின் மதிப்பும் சற்றே ஏற்றம் கண்டுள்ளது. இதற்கிடையில் தான் தங்கம் விலையானது பெரியளவில் மாற்றமின்றி தடுமாற்றத்தில் காணப்படுகின்றது.

எனினும் வரவிருக்கும் அமெரிக்காவின் வேலையின்மை குறித்தான தரவானது மேற்கோண்டு சந்தையில் தாக்கத்தினை ஏற்படுத்தலாம் என எதிர்பார்க்கப்படுகிறது.இதற்கிடையில் தான் பெரியளவில் மாற்றமில்லா விட்டாலும், ஏற்ற இறக்கத்தில் காணப்படுகின்றது.

காமெக்ஸ் தங்கம் விலை

சர்வதேச சந்தையில் தங்கம் விலையானது அவுன்ஸூக்கு சற்று அதிகரித்து, 1891.05 டாலராக வர்த்தகமாகி வருகின்றது. இது கடந்த அமர்வில் முடிவு விலையை விட, இன்று தொடக்கத்தில் மேலாகவே தொடங்கியுள்ளது. கடந்த அமர்வின் அதிகபட்ச விலையையும் உடைத்துள்ளது. எனினும் மீடியம் டெர்மில் சற்று குறைந்து பின்னர் அதிகரிக்கலாம் எனும் விதமாகவே காணப்படுகின்றது.

காமெக்ஸ் வெள்ளி விலை

சர்வதேச சந்தையில் தங்கம் விலை போல வெள்ளி விலையும் அவுன்ஸூக்கு, பெரியளவில் மாற்றமின்றி காணப்படுகின்றது. தற்போது 0.12% அதிகரித்து, 22.448 டாலராக காணப்படுகிறது. இது கடந்த அமர்வின் முடிவினைக் காட்டிலும், இன்று மேலாகவே காணப்படுகிறது. கடந்த அமர்வின் குறைந்தபட்ச விலை, அதிகபட்ச விலையை உடைக்கவில்லை. ஆக மீடியம் டெர்மில் சற்று குறைந்து பின்னர், நீண்டகால நோக்கில் அதிகரிக்கலாம் எதிர்பார்க்கப்படுகிறது.

இந்திய சந்தையில் தங்கம் விலை

இந்திய சந்தையினை பொறுத்த வரையில் தங்கம் விலையானது 10 கிராமுக்கு, 26 ரூபாய் அதிகரித்து, 57,241 ரூபாயாக வர்த்தகமாகி வருகின்றது. இது கடந்த அமர்வின் முடிவினை காட்டிலும், இன்று சற்று மேலாகவே காணப்படுகிறது. எனினும் மீடியம் டெர்மில் சற்று குறைந்து பின்னர் அதிகரிக்கலாம் எனும் விதமாகவே காணப்படுகின்றது.

இந்திய சந்தையில் வெள்ளி விலை

இந்திய சந்தையிலும் வெள்ளி விலை சற்று அதிகரித்தே காணப்படுகின்றது. இது கிலோவுக்கு 41 ரூபாய் அதிகரித்து, 67,674 ரூபாயாக வர்த்தகமாகி வருகின்றது. இதுவும் மீடியம் டெர்மில் சற்று குறைந்து பின்னர் அதிகரிக்கலாம் எனும் விதமாகவே காணப்படுகிறது.

ஆபரணம் தங்கம் விலை

சர்வதேச சந்தையில் தங்கம் விலையானது சற்று அதிகரித்துள்ள நிலையில், ஆபரண தங்கம் விலையானது இன்று குறைந்து காணப்படுகின்றது. இது கிராமுக்கு 8 ரூபாய் குறைந்து, 5375 ரூபாயாகவும், இதே சவரனுக்கு 64 ரூபாய் குறைந்து, 43,000 ரூபாயாக விற்பனை செய்யப்பட்டு வருகின்றது.

தூய தங்கம் விலை

இதே தூய தங்கத்தின் விலையானது கிராமுக்கு 8 ரூபாய் குறைந்து, 5864 ரூபாயாக விற்பனை செய்யப்பட்டு வருகின்றது. இதே 10 கிராமுக்கு 80 ரூபாய் குறைந்து, 58,640 ரூபாயாக விற்பனை செய்யப்பட்டு வருகின்றது.

ஆபரண வெள்ளி விலை

வெள்ளி விலையானது 2 நாட்களுக்கு பிறகு இன்று குறைந்து காணப்படுகின்றது. இது இன்றும் கிராமுக்கு 50 பைசா குறைந்து, 73.50 ரூபாயாக விற்பனை செய்யப்பட்டு வருகின்றது. இதே கிலோவுக்கு 500 ரூபாய் குறைந்து, 73,500 ரூபாயாக விற்பனை செய்யப்பட்டும் வருகின்றது.

Disclaimer : Greynium Information Technologies, the author are not liable for any losses caused as a result of decisions based on the article. Tamil.Goodreturns.in advises users to check with experts before taking any investment decisions.