Gold: தொடர்ந்து ராக்கெட் வேகத்தில் உயரும் தங்கம்.. இனி சாமானியர்கள் வாங்கவே முடியாதா?

Gold:தங்கம் விலையானது பல்வேறு காரணிகளுக்கு மத்தியில் தொடர்ந்து ஏற்றம் கண்டு வருகின்றது. இது வரும் வாரத்தில் தொடருமா? குறையவே குறையாதா? கவனிக்க வேண்டிய விஷயங்கள் என்ன?

தொடர்ந்து தங்கம் விலையானது 2000 டாலர்களுக்கு மேலாக காணப்படும் நிலையில், இனி குறையுமா? என்ற சந்தேகமும் முதலீட்டாளர்கள் மத்தியில் காணப்படுகின்றது.

தங்கத்தின் விலையை தீர்மானிக்கும் முக்கிய காரணியான டாலரின் மதிப்பானது அழுத்தத்தில் காணப்படும் நிலையில், இது தங்கத்திற்கு ஆதரவாக சமீபத்திய காலமாக இருந்து வருகின்றது.

இது தற்போது 102.05 என்ற லெவலில் காணப்படுகின்றது. இது மேற்கொண்டு அழுத்தத்தினை காணலாம் என எதிர்பார்க்கப்படுகிறது. எனினும் அமெரிக்காவின் மத்திய வங்கியாளர்கள் பணவீக்கம் என்பது விரைவில் குறையலாம் என எதிர்பார்க்கின்றனர். ஆக தங்கத்தின் விரைவில் விலை குறைய வாய்ப்பிருக்கிறது. பணவீக்கம் குறையும்பட்சத்தில் தங்கம் விலையானது குறையலாம் என எதிர்பார்க்கின்றனர்.

பணவீக்கத் தரவினை அடுத்து அமெரிக்காவின் பத்திர சந்தையின் தேவையும் அதிகரிக்கலாம் என எதிர்ப்பார்க்கப்படுகிறது. இது மேற்கொண்டு தங்கம் விலையில் அழுத்தத்தினை ஏற்படுத்தலாம்.

எப்படியிருப்பினும் நீண்டகால நோக்கில் தங்கத்தின் தேவையானது அதிகரிக்கலாம். குறிப்பாக முதலீட்டு ரீதியாக அதிகரிக்கலாம் என எதிர்பார்க்கப்படுகிறது. இது பாதுகாப்பு புகலிடமான தங்கத்திற்கு ஆதரவாக அமையலாம்.

தொடர்ந்து நீண்டகால நோக்கில் தங்கம் விலையானது அதிகரிக்கலாம் என எதிர்பார்க்கப்படுகிறது. எனினும் மீடியம் டெர்மில் சற்று அதிகரிக்கலாம் என்றே எதிர்பார்க்கப்படுகிறது.

தற்போது சர்வதேச சந்தையில் தங்கம் விலையானது அவுன்ஸுக்கு,15.95 டாலர்கள் குறைந்து, 2034.95 டாலராக வர்த்தகமாகி வருகின்றது. இது மீடியம் டெர்மில் சற்று குறையலாம் என்றே எதிர்பார்க்கப்படுகிறது.

இதே போல வெள்ளி விலையும் சர்வதேச சந்தையில் அவுன்ஸூக்கு 1.42% அதிகரித்து, 25.545 டாலராக காணப்படுகின்றது. இது மீடியம் டெர்மில் சற்று அதிகரிக்கலாம் என்றே எதிர்பார்க்கப்படுகிறது.

இந்திய பியூச்சர் சந்தையினை பொறுத்தவரையில் 10 கிராமுக்கு 420 ரூபாய் அதிகரித்து, 60,925 ரூபாயாக வர்த்தகமாகி வருகின்றது. இது மீடியம் டெர்மில் மேலும் அதிகரிக்கலாம் என்றே எதிர்பார்க்கப்படுகிறது. ஆக தங்கம் விலையானது குறைந்தால் நீண்டகால நோக்கில் வாங்கி வைக்கலாம்.

வெள்ளி விலையானது இந்திய பியூச்சர் சந்தையினை பொறுத்த வரையில் கிலோவுக்கு, 935 ரூபாய் அதிகரித்து, 75,975 ரூபாயாக வர்த்தகமாகி வருகின்றது. இதுவும் மீடியம் டெர்மில் மேலும் அதிகரிக்கலாம் என்றே எதிர்பார்க்கப்படுகிறது.

ஆபரணத் தங்கத்தினை பொறுத்த வரையில் சென்னையில் இன்று கிராமுக்கு 50 ரூபாய் அதிகரித்து, 5680 ரூபாயாக வர்த்தகமாகி வருகின்றது. இதே சவரனுக்கு 400 ரூபாய் அதிகரித்து, 45,440 ரூபாயாக விற்பனை செய்யப்பட்டு வருகின்றது.

தூய தங்கத்தின் விலையானது கிராமுக்கு 54 ரூபாய் அதிகரித்து, 6196 ரூபாயாகவும், 10 கிராமுக்கு 540 ரூபாய் அதிகரித்து, 61,960 ரூபாயாகவும் விற்பனை செய்யப்பட்டு வருகின்றது.

இதே வெள்ளி விலையானது கிராமுக்கு 1 ரூபாய் அதிகரித்து, 81.40 ரூபாயாகவும், இதே கிலோவுக்கு 1000 ரூபாய் அதிகரித்து, 81,400 ரூபாயாகவும் விற்பனை செய்யப்பட்டு வருகின்றது.

Disclaimer: Greynium Information Technologies, the author are not liable for any losses caused as a result of decisions based on the article. Tamil.Goodreturns.in advises users to check with experts before taking any investment decisions.