Gold: டாலரால் தடுமாறும் தங்கம் விலை.. மீண்டும் குறையுமா.. இன்று என்ன நிலவரம்..?

Gold: தங்கம் விலையானது டாலர் மதிப்பு தொடர்ந்து மீண்டும் வலுவடைய தொடங்கியுள்ள நிலையில், அழுத்தத்தில் காணப்படுகின்றது.அமெரிக்காவின் பத்திர சந்தையும் ஏற்றத்தில் காணப்படுகின்றது. இதற்கிடையில் தான் இன்று சர்வதேச சந்தையில் தங்கம் விலையானது சரிவில் காணப்படுகின்றது.

எப்படியிருப்பினும் தொடர்ந்து வெளியாகவிருக்கும் தரவுகளானது தங்கம் விலையில் தாக்கத்தினை ஏற்படுத்த கூடும்.

ஆக அப்படி வெளியாகவிருக்கும் தரவுகள் டாலரின் மதிப்பில் தாக்கத்தினை ஏற்படுத்தலாம் என எதிர்பார்க்கப்படுகிறது. இதற்கிடையில் தான் தங்கம் விலையில் அதிகளவிலான ஏற்ற இறக்கம் என்பது காணப்படுகின்றது.

டாலரின் மதிப்பு ஏற்றம்

எப்படியிருப்பினும் தொடர்ந்து சரிவினைக் கண்டு வந்த டாலரின் மதிப்பானது மீண்டும் ஏற்றம் காண ஆரம்பித்துள்ளது சந்தைக்கு சாதகமான ஒரு விஷயமாகவும் பார்க்கப்படுகிறது. இது 102.65 என்ற லெவலில் காணப்படுகிறது. இது தங்கத்தில் முதலீடுகளையும் குறைக்க வழிவகுக்கலாம். வட்டியில்லா முதலீடான தங்கத்தில் முதலீடுகள் குறைந்து, இது பத்திர சந்தை, பங்கு சந்தைகளில் முதலீடுகள் அதிகரிக்க வழிவகுக்கலாம்.

டெக்னிக்கல் பேட்டர்ன்

டெக்னிக்கலாகவும் தங்கம் விலையானது சற்றே குறையலாம் என்ற நிலையிலேயே காணப்படுகிறது. குறிப்பாக 1953 டாலர் என்ற லெவலை உடைத்தால், பெரியளவில் சரிவினைக் காணலாம் என எதிர்பார்க்கப்படுகிறது.

இதே இந்திய பியூச்சர் சந்தையினை பொறுத்தவரையில் இன்று விடுமுறையாகும். எனினும் மாலை அமர்வானது இருக்கும் நிலையில், இது தாக்கத்தினை ஏற்படுத்தலாம்.

 

காமெக்ஸ் தங்கம் விலை

சர்வதேச சந்தையில் ஸ்பாட் தங்கம் விலையானது அவுன்ஸூக்கு 7.60 டாலர்கள் குறைந்து, 1976.95 டாலராக வர்த்தகமாகி வருகின்றது. இது கடந்த அமர்வில் முடிவு விலையை விட, இன்று தொடக்கத்தில் கேப் டவுன் ஆகி கீழாகவே தொடங்கியுள்ளது. எனினும் மீடியம் டெர்மில் சற்று குறைந்து பின்னர் அதிகரிக்கலாம் என்றே எதிர்பார்க்கப்படுகிறது.

காமெக்ஸ் வெள்ளி விலை

சர்வதேச சந்தையில் வெள்ளி விலை அவுன்ஸூக்கு 0.16% அதிகரித்து காணப்படுகின்றது. தற்போது சற்று அதிகரித்து, 23.503 டாலராக காணப்படுகிறது. இது கடந்த அமர்வின் முடிவினைக் காட்டிலும், இன்று கீழாகவே காணப்படுகிறது. எனினும் கடந்த அமர்வின் அதிகபட்ச விலையை, குறைந்த விலையை உடைக்கவில்லை. ஆக மீடியம் டெர்மில் சற்று குறைந்து பின்னர் அதிகரிக்கலாம் என்றே எதிர்பார்க்கப்படுகிறது.

ஆபரண தங்கம் விலை

சர்வதேச சந்தையில் தங்கம் விலையானது குறைந்திருந்தாலும், ஆபரண தங்கம் விலையானது இன்று அதிகரித்தே காணப்படுகின்றது. இது கிராமுக்கு 20 ரூபாய் அதிகரித்து, 5565 ரூபாயாகவும், இதே சவரனுக்கு 160 ரூபாய் அதிகரித்து, 44,520 ரூபாயாகவும் விற்பனை செய்யப்பட்டு வருகின்றது.

தூய தங்கம் விலை

இதே தூய தங்கத்தின் விலையானது கிராமுக்கு 49 ரூபாய் அதிகரித்து, 6038 ரூபாயாக விற்பனை செய்யப்பட்டு வருகின்றது. இதே 10 கிராமுக்கு 490 ரூபாய் அதிகரித்து, 60,380 ரூபாயாக விற்பனை செய்யப்பட்டு வருகின்றது.

ஆபரண வெள்ளி விலை

வெள்ளி விலையும் இன்று சற்று ஏற்றத்தில் காணப்படுகின்றது. இது கிராமுக்கு 20 பைசா அதிகரித்து, 76.20 ரூபாயாக விற்பனை செய்யப்பட்டு வருகின்றது. இதே கிலோவுக்கு 200 ரூபாய் அதிகரித்து, 76,200 ரூபாயாக விற்பனை செய்யப்பட்டும் வருகின்றது.

Disclaimer : Greynium Information Technologies, the author are not liable for any losses caused as a result of decisions based on the article. Tamil.Goodreturns.in advises users to check with experts before taking any investment decisions.