ஜிஎஸ்டி கவுன்சில் கூட்டம் LIVE: 400 பொருட்கள் மீதான வரி குறைப்பு.. தீபாவாளி பரிசு வந்தாச்சு..!

GST meeting live updates: இந்திய தலைநகர் டெல்லியில் இன்று 56வது ஜிஎஸ்டி கவுன்சில் கூட்டம் தொடங்கியுள்ளது. இந்த கூட்டம், இந்திய மக்களாலும், தொழில்துறையினராலும் மிகுந்த ஆர்வத்துடன் கண்காணிக்கப்படுகிறது. மத்திய மற்றும் மாநில அரசு அதிகாரிகள் அடங்கிய ஜிஎஸ்டி கவுன்சில் முதல் நாள் கூட்டத்தின் முடிவில் சுமார் 400 பொருட்கள் மீதான வரியை குறைத்து ஜிஎஸ்டி அமைப்பில் எட்டு ஆண்டுகளுக்குப் பிறகு மிகப்பெரிய சீர்திருத்தத்திற்கு இக்கவுன்சில் ஒப்புதல் அளித்தன.

ஜிஎஸ்டி கவுன்சில் மக்கலின் தினசரி பயன்பாட்டில் இருக்கும் பல பொருட்களின் வரி விகிதங்களை பெரிதும் குறைத்து, விலையை குறைக்க வழிவகை செய்துள்ளது. இது சிறு நகரங்களிலும் கிராமப்புறங்களிலும் வாழும் மக்களுக்கு பெரிய நிவாரணமாக அமையும்.

நேற்றைய ஜிஎஸ்டி கவுன்சில் கூட்டம் முடிந்த பின்பு நிதி அமைச்சர் நிர்மலா சீதாராமன் அறிவித்தபடி, இந்த புதிய வரி விகிதங்கள் செப்டம்பர் 22, 2025 முதல் அமலுக்கு வரும், இது நவராத்திரி தொடக்கமும் திருவிழா காலத்தின் ஆரம்பமுமாகும்.

பிரதமர் நரேந்திர மோடியின் சுதந்திர தின உறுதிமொழியான ஜிஎஸ்டி தீபாவளி பரிசை நிறைவேற்றும் வகையில் இந்த அறிவிப்பு வெளியாகியுள்ளது.

ஜிஎஸ்டி தற்போது 5% மற்றும் 18% என்ற இரண்டு அடுக்கு விகித அமைப்புக்கு மாறுகிறது, இதனால் 12% மற்றும் 28% விகிதங்கள் நீக்கப்படுகின்றன.

Sep 04, 2025, 9:25 pm IST

வாகனங்களுக்கான ஜிஎஸ்டி விகிதங்கள் முன்பு 28-31% மற்றும் 43-50% என்றிருந்தவை, இப்போது 18% மற்றும் 40% ஆக குறைக்கப்பட்டுள்ளன. இது வாகன வாங்குபவர்களுக்கு பெரும் சேமிப்பை வழங்கும், மேலும் ஆட்டோமொபைல் தொழில்துறையை ஊக்குவிக்கும்.

Sep 04, 2025, 9:25 pm IST

இந்த ஜிஎஸ்டி வரி சீர்திருத்தம் அத்தியாவசியப் பொருள்கள் (staples) மற்றும் குறைந்த விலை நுகர்வுக்கு (low-ticket consumption) சாதகமாக உள்ளது. இந்த வரி குறைப்பு மூலம் குறுகிய காலத்தில், FY26 ஆண்டில் சுமார் ரூ. 25,000 கோடி (ஜிடிபியின் 0.1%) அளவில் வர்த்தகம் நடக்கும். ஆனால் FY27 ஆண்டில் இது ரூ. 2 லட்சம் கோடி (ஜிடிபியின் 0.5%) உயரும்.

Sep 04, 2025, 9:24 pm IST

ஆட்டோ உதிரிப்பொருள்களுக்கான ஜிஎஸ்டியை 18% என்ற ஒரே விகிதமாக அறிவிக்கப்பட்டுள்ளது, இது ACMA (ஆட்டோமோட்டிவ் காம்போனென்ட் மேனுஃபாக்சரர்ஸ் அசோசியேஷன் ஆஃப் இந்தியா) நீண்டகாலமாக பரிந்துரைத்த ஒன்றாகும். இது இந்தியாவின் 80.2 பில்லியன் டாலர் மதிப்புள்ள ஆட்டோ உதிரிப்பொருள் தொழில்துறையின் உலகளாவிய போட்டிப்போடவும் வாய்ப்பை உருவாக்கியுள்ளது.

Sep 04, 2025, 9:24 pm IST

JM ஃபைனான்ஷியல் நிறுவனத்தின் கூற்றுப்படி, அரசு வரிகளைக் குறைப்பதன் மூலம் மக்களின் கையில் அதிக பணத்தை கொடுக்கும், இது அவர்களை அதிகப்படியான செலவுகளை செய்ய வழிவகை செய்யும். இதன் விளைவாக, FY26 ஆண்டின் முதல் காலாண்டில் தனியார் நுகர்வு ஆண்டுக்கு ஆண்டு 7 சதவீதம் உயர்ந்துள்ளது.

Sep 04, 2025, 9:24 pm IST

ஜிஎஸ்டி கவுன்சிலின் வரி குறைப்பின் மூலம் FY24 ஆண்டின் போக்குகளை அடிப்படையாகக் கொண்டு கணக்கிடுகையில்ரூ. 48,000 கோடி அளவுக்கு நிதி தாக்கம் இருக்கும் என்று மதிப்பிடுகிறது. இது அரசின் வருவாயை பெரிதும் பாதிக்காது என்று காட்டுகிறது.

Sep 04, 2025, 9:24 pm IST

உள்ளீட்டு வரி கிரெடிட் (ITC) விதிகள்

இந்த ஜிஎஸ்டி கூட்டத்தில் பல மாற்றங்கள் இருந்தாலூம் சிஜிஎஸ்டி சட்டம், 2017-ன் பிரிவு 16(1) படி, உள்ளீட்டு வரி கிரெடிட் விதிகள் எந்த மாற்றமும் இல்லாமல் தொடர்கின்றன. பதிவு செய்யப்பட்ட நிறுவனங்கள், தங்கள் வணிகத்தின் போக்கில் அல்லது விரிவாக்கத்தில் பயன்படுத்தப்படும் உள்ளீட்டு விநியோகங்களுக்கு ITC கோரலாம்.

Sep 04, 2025, 11:21 am IST

புகையிலை பொருட்கள்

புகையிலை பொருட்கள் மீதான ஜிஎஸ்டி கணக்கீட்டில் பரிவர்த்தனை மதிப்பு (Transaction Value) முறையை மாற்றி ரிடெயில் விற்பனை விலை (RSP) அடிப்படையில் கணக்கிடப்படும். இதனால் சிகரெட் உட்பட் அனைத்து புகையிலை சார்ந்த பொருட்களின் விலை உயரும்

Sep 04, 2025, 8:11 am IST

EVக்களுக்கு 5% ஜிஎஸ்டி தொடரும்

மின்சார வாகனங்கள் (EV) தற்போது இருப்பது போலவே 5% ஜிஎஸ்டி விகிதத்தில் தொடர்ந்து வரி விதிக்கப்படும்.

Sep 04, 2025, 8:11 am IST

40% வரி: உயர்ந்த வாகனங்கள் மற்றும் விமானங்கள்

1,200 சிசி மேல், 4,000 மிமீ நீளமுள்ள கார்கள், 350 சிசி மேல் மோட்டார் சைக்கிள், யாட், பிரைவேட் ஜெட் விமானங்கள் 40% ஜிஎஸ்டி விதித்தக்கப்பட்டு உள்ளது.

Sep 04, 2025, 8:11 am IST

18% வரி: மோட்டார் சைக்கிள் மற்றும் எலக்ட்ரானிக்ஸ்

350 சிசி வரை மோட்டார் சைக்கிள், ஏசி, டிஷ்வாஷர், டிவி போன்ற எலக்ட்ரானிக்ஸுக்கு 28% இலிருந்து 18% ஜிஎஸ்டி குறைக்கப்பட்டது.

Sep 04, 2025, 8:11 am IST

ஆட்டோமொபைல் துறை

1,200 சிசி பெட்ரோல் மற்றும் 1,500 சிசி டீசல் கார்களுக்கு மேல் 40% ஜிஎஸ்டி விதிக்கப்படும், நிதி அமைச்சர் அறிவித்தார்.

Sep 04, 2025, 8:11 am IST

நிர்மலா சீதாராமன் அறிவிப்பு

56வது ஜிஎஸ்டி கூட்டத்திற்கு பின் பேசிய நிர்மலா சீதாராமன், "புதிய வரி மாற்றங்கள் அனைத்தும் செப்டம்பர் 22, 2025, நவராத்திரி முதல் நாள் முதல் அமலுக்கு வரும்" என்று தெரிவித்தார்.

Sep 04, 2025, 8:10 am IST

ஹெல்த் மற்றும் லைப் இன்சூரன்ஸ் வரி விலக்கு

இதுநாள் வரையில் ஹெல்த் மற்றும் லைப் இன்சூரன்ஸ் மீது 18 சதவீதம் வரி இருந்த நிலையில், புதிய ஜிஎஸ்டி மாற்றத்திற்கு பின்பு 0 வரி விதிக்கப்படும்.

Sep 04, 2025, 8:10 am IST

தீங்கு மற்றும் விலை உயர்ந்த பொருட்களுக்கு 40% சிறப்பு வரி

தீங்கு பொருட்கள் மற்றும் மிகவும் விலை உயர்ந்த பொருட்களுக்கு 40% சிறப்பு ஜிஎஸ்டி விகிதம் விதிக்கப்படும். இதில் புகையிலை பொருட்கள் மற்றும் சில குறிப்பிட்ட வகையான குளிர்பானங்களுக்கு இனி 40 சதவீத வரி விதிக்கப்படும்.

Sep 04, 2025, 8:10 am IST

புதிய ஜிஎஸ்டி விகிதங்கள்: 5% மற்றும் 18% மட்டுமே

புதிய ஜிஎஸ்டி விதிகளின்படி, இனி 5% மற்றும் 18% மட்டுமே வரி விதிக்கப்படும், இது பொதுமக்களுக்கு பெரிய அளவில் பயனளிக்கும்.

Sep 03, 2025, 6:13 pm IST

ரியல் எஸ்டேட் துறைக்கு பெரிய லாபம்

சிமெண்ட் மற்றும் ஸ்டீல் போன்ற முக்கிய பொருட்களின் வரி சுமையை குறைப்பது மூலம் கட்டுமான செலவை குறையும். இது இந்திய ரியல் எஸ்டேட் துறைக்கு பெரிய அளவில் உதவும்.

Sep 03, 2025, 6:13 pm IST

மூன்று எதிர்க்கட்சி மாநிலங்கள்

மூன்று எதிர்க்கட்சி ஆளும் மாநிலங்கள், ஜிஎஸ்டி விகித மாற்றத்தால் ஏற்படும் சாத்தியமான வருவாய் இழப்பை மதிப்பிட வேண்டும் என்று மத்திய அரசிடம் கோரியுள்ளன.

Sep 03, 2025, 6:13 pm IST

ரூ.2,500க்கு மேற்பட்ட ஆடைகளுக்கு விலை உயரும்

ரூ,2,500க்கு மேல் விலை உள்ள ரெடிமேட் ஆடைகளுக்கு விலை உயரலாம், இது பொதுமக்களுக்கு சிறிது சவாலை ஏற்படுத்தலாம் என்று கூறப்படுகிறது.

Sep 03, 2025, 6:13 pm IST

எரிபொருள் விலை உயரலாம்

பிரிகெட்டுகள் மற்றும் நிலக்கரி போன்ற எரிபொருள் தயாரிப்புகள், நிலக்கரி, லிக்னைட், பீட் ஆகியவற்றிலிருந்து தயாரிக்கப்படும் பொருட்களின் விலை அதிகரிக்கலாம் என்று எதிர்பார்க்கப்படுகிறது

Sep 03, 2025, 6:13 pm IST

என்ன பொருட்கள் விலை உயரலாம்?

இந்த ஜிஎஸ்டி கூட்ட முடிவில் உயர்தர கார்கள், மதுபானங்கள், சூதாட்டம், கூல்டிரிங்க்ஸ், சில மருந்துகள், பாஸ்ட் புட், காபி, சர்க்கரை, புகையிலை பொருட்கள் போன்ற தீங்கு விளைவிக்கும் பொருட்களின் விலை உயரலாம்.

Sep 03, 2025, 4:08 pm IST

GST சீர்திருத்தம் மூலம் எந்த துறைகள் பயன் பெறும்?

மத்திய அரசு ஜிஎஸ்டி சீர்திருத்த திட்டத்தின்படி, டெக்ஸ்டைல், உரம், புதுப்பிக்கத்தக்க எரிசக்தி, வாகனம், கைவினை, விவசாயம், ஹெல்த்கேர் மற்றும் காப்பீடு ஆகிய எட்டு துறைகள் இந்த விகித மாற்றத்தால் அதிக பலனடையும் என தெரிகிறது.

Sep 03, 2025, 3:14 pm IST

ஜிஎஸ்டி 2.0-ல் அழகு சேவைகள் மற்றும் குறைந்த விலை திரைப்பட டிக்கெட்டுகளுக்கு வரி குறைக்கப்படலாம், இது மக்களுக்கு பயனளிக்கும். இந்தியா ஜிஎஸ்டி அமைப்பை மாற்றி, 12% மற்றும் 28% விகிதங்களை நீக்கப்படும் வேளையில் கேசினோக்களுக்கு செலவு அதிகரிக்கலாம்.

Sep 03, 2025, 2:51 pm IST

வரி விகிதமும், GST வருவாய்க்கு பங்களிப்பும்

தற்போதைய கட்டமைப்பில், 18% விகித பட்டியலில் இருக்கும் பொருட்கள் மூலமாகவே மத்திய அரசுக்கு அதிகப்படியான GST வருவாயை கிடைக்கிறது, 5% வரி பலகையில் இருந்து 7% வரி வருவாயும் மற்றும் 28% (தீங்கு, விலை உயர்ந்த பொருட்கள்) வரி பலகையில் இருந்து 5% வரி வருவாயை தருகிறது.

Sep 03, 2025, 2:51 pm IST

டையர் GST குறைப்பு கோரிக்கை

ATMA திங்கட்கிழமை அரசிடம் வாகன சக்கரங்களுக்கு 28% இலிருந்து 5% GST குறைக்கக் கோரிக்கை வைத்துள்ளது. டையர் மக்கள் போக்குவரத்து, சரக்கு போக்குவரத்திற்கும் முக்கியமான பொருள் என்பதால் இதை அடிப்படை தேவை என கருதி அவை ஆடம்பர பொருட்களாக கருதப்படக் கூடாது என்று வலியுறுத்தியது.

Sep 03, 2025, 2:51 pm IST

வரி குறைப்பு பொருளாதாரத்திற்கு என்ன பயன்?

வரி குறைப்பு நுகர்வோருக்கு கையிருப்பில் கூடுதல் பணம் இருக்கும். இதனால் மக்கள் செலவு செய்வது அதிகரிக்கும் இதன் மூலம் பொருளாதார செயல்பாடு மற்றும் வளர்ச்சி அதிகரிக்கும்.

Sep 03, 2025, 2:51 pm IST

40% விகிதம் தீங்கு பொருட்களுக்கு

ஏற்கனவே உள்ள பட்டியலுடன் 6-7 தீங்கு மற்றும் தவறான பொருட்களுக்கு 40% விகிதம் விதிக்கப்படலாம், இது பொருளாதாரத்தில் பெரிய மாற்றத்தை ஏற்படுத்தும்.

Sep 03, 2025, 2:51 pm IST

28% மற்றும் 12% வரி விகித பொருட்கள் மாற்றம்

கடந்த மாதம் GoM அங்கீகரித்த முன்மொழிவின்படி, 28% விகித பொருட்கள் அனைத்தும் (தீங்கு பொருட்கள் தவிர) 18%க்கு, 12% விகித பொருட்கள் 5%க்கு மாறலாம்.

Sep 03, 2025, 1:47 pm IST

ஜிஎஸ்டி கவுன்சில் கூட்டத்தை குறித்து ஹோஸ்பிடாலிட்டி நிபுணர்கள் கூறுகையில், இந்த மாற்றம் பயணம் மற்றும் ஹோட்டல் சேவைகளை மலிவாக்கி, உள்நாட்டு சுற்றுலாவை பலப்படுத்தலாம் என கருதுகின்றனர்.

Sep 03, 2025, 1:47 pm IST

பெட்ரோலியம் மற்றும் சுரங்க பணிகளுக்கு ஜிஎஸ்டி உயரலாம் பெட்ரோலியம், கச்சா எண்ணெய், இயற்கை எரிவாயு, சுரங்க பணிகளை சார்ந்த தொழில்நுட்ப மற்றும் வணிக சேவைகளுக்கு ஜிஎஸ்டி விகிதம் 12% இலிருந்து 18% ஆக உயர முன்மொழியப்பட்டு உள்ளது. வரியை உயர்த்துவதுடன் உள்ளீடு வரி கடன் (ITC) உடன் வழங்கவும் முன்மொழிந்துள்ளது.

Sep 03, 2025, 1:22 pm IST

வாகன துறைக்கு வந்த புதிய சிக்கல்: GST 2.0-ல் சிக்கிய 6 லட்சம் கார்கள்.. விற்காத கார்கள் என்னாகும்?

ஜிஎஸ்டி வரி விதிப்பில் பல அடுக்குகள் உள்ளன. சிறிய கார்களுக்கு 28% ஜிஎஸ்டியுடன் 1% செஸ் விதிக்கப்படுகிறது. அதேவேளையில், பெரிய எஸ்யூவி-க்களுக்கு 28% ஜிஎஸ்டியுடன் 22% செஸ் சேர்த்து, மொத்தமாக 50% வரி விதிக்கப்படுகிறது. ஜிஎஸ்டி 2.0 அறிமுகப்படுத்தப்பட்டால், இந்த அடுக்குகள் நீக்கப்பட்டு, பெரும்பாலான வாகனங்கள் 18% வரி வரம்புக்குள் வரலாம்.

Read More

Sep 03, 2025, 1:20 pm IST

உடல்நலம் மற்றும் ஆயுள் காப்பீடு மீதான ஜிஎஸ்டி 18% ➝ 12% இலிருந்து குறையலாம்.

Sep 03, 2025, 1:19 pm IST

புகையிலை முதல் மதுபானம் வரை, ஜிஎஸ்டி கவுன்சில் எந்த மாற்றங்களையும் திட்டமிடவில்லை - அவற்றை 40% அடுக்கில் வைத்திருக்கிறது.

Sep 03, 2025, 1:17 pm IST

ஆடைகளுக்கு 18% வரி

ரூ.2,500க்கு மேல் விலை கொண்ட ஆடைகளுக்கு 18% ஜிஎஸ்டி வரி விதிக்க மத்திய அரசு முன்மொழிந்துள்ளது. CMAI அமைப்பு இது நடுத்தர வகுப்பு நுகர்வோர் மற்றும் ஒருங்கிணைந்த உற்பத்தியாளர்களை பாதிக்கும் என்று கூறுகிறது.

Sep 03, 2025, 1:17 pm IST

ஜிஎஸ்டி குறைப்பின் தாக்கம்

நிர்மல் பாங் எக்விட்டீஸ் CEO ராகுல் அரோரா, ஜிஎஸ்டி குறைப்பு நாட்டு மக்கள் மத்தியில் தேவையை உயர்த்தலாம் என்றாலும், அதன் தாக்கம் நீடிக்காது என தெரிவித்துள்ளார். இது சந்தைக்கு குறுகிய கால நன்மையை மட்டுமே தரலாம் என நம்புகிறார்.

Sep 03, 2025, 1:17 pm IST

இன்சூரன்ஸ் பிரீமியம் விலை 15-40% உயரலாம்

இந்தியாவில் டேர்ம் இன்சூரன்ஸ் பிரீமியங்கள் அடுத்து வரும் ஆண்டுகளில் 15-40% வரை உயரலாம் என்று தொழில்துறை கணிப்புகள் கூறுகின்றன.

Sep 03, 2025, 1:17 pm IST

மாநில நிதி அமைச்சர்கள் எச்சரிக்கை

கேரளா, ஜார்க்கண்ட், தமிழ்நாடு, கர்நாடகா, தெலங்கானா, பஞ்சாப், ஹிமாச்சல பிரதேசம், மேற்கு வங்கம் நிதி அமைச்சர்கள், வரி குறைப்பு மற்றும் விலக்குகள் மூலம் வருவாய் இழப்பு அதிகரிக்கும் என்று எச்சரித்துள்ளனர்.

Sep 03, 2025, 1:17 pm IST

ஜிஎஸ்டி கவுன்சில்: தானியங்கி வரி தாக்கல்

ஜிஎஸ்டி கவுன்சில் தற்போது GST இணக்கம் குறித்து விவாதித்து வருகிறது, இதன் ஒரு பகுதியாக தானியங்கி வரி தாக்கல் முறையை அறிமுகப்படுத்த முன்மொழிந்துள்ளது. இது பல்வேறு பிரச்சினைகளை குறைக்க உதவும் என்று எதிர்பார்க்கப்படுகிறது. GST கவுன்சில், இணக்க பிரச்சினைகளை குறைக்க பல திட்டங்களை செயல்படுத்தி வருகிறது. இது வரி செலுத்துவோருக்கு சிரமத்தை குறைத்து, எளிமையான முறையை உருவாக்கும் என்று நம்பப்படுகிறது.

Sep 03, 2025, 12:51 pm IST

ஜார்க்கண்ட் நிதி அமைச்சர்,"மத்திய அரசின் முன்மொழிவை நாங்கள் ஏற்க வேண்டும் என்றால், அவர்கள் இழப்பீடு உறுதி அளிக்க வேண்டும். இதற்கு வாக்கெடுப்பு தேவைப்படாது என்று நம்புகிறேன்." என செய்தியாளர்களிடம் தெரிவித்தார்.

Sep 03, 2025, 11:46 am IST

#WATCH | Delhi: Union Finance Minister Nirmala Sitharaman is chairing the 56th meeting of the GST Council today. Visuals from the venue. pic.twitter.com/OfZSU369eI

— ANI (@ANI) September 3, 2025

மத்திய நிதியமைச்சர் நிர்மலா சீதாராமன் தலைமையில் 56வது ஜிஎஸ்டி கவுன்சில் கூட்டம் துவங்கியது.

Sep 03, 2025, 11:36 am IST

ஆந்திர பிரதேச முதலமைச்சர் ஆதரவு:

ஆந்திர பிரதேச முதலமைச்சர் சந்திரபாபு நாயுடு, மத்திய அரசின் ஜிஎஸ்டி சீரமைப்புக்கு ஆதரவு தெரிவித்து, இவை சாதாரண மக்களுக்கு நன்மை பயக்கும் மற்றும் இந்திய பொருளாதாரத்தை விரிவுபடுத்த உதவும் என்று கூறினார். இது 8 மாநில அரசின் கோரிக்கைக்கு எதிரான நிலைப்பாடாக உள்ளது.

Sep 03, 2025, 11:36 am IST

8 எதிர்க்கட்சி கட்சி வைத்த செக்:

56வது ஜிஎஸ்டி கவுன்சில் கூட்டத்துக்கு முன்னதாக, எதிர்க்கட்சிகள் ஆட்சி செய்யும் 8 மாநிலங்கள் டெல்லியில் சந்தித்து மத்திய அரசிடம் இருந்து வரி மறுசீரமைப்பு செய்வதில் ஏற்படும் வருவாய் இழப்பை ஈடு செய்ய பாதுகாப்பு கோரின.

Sep 03, 2025, 11:29 am IST

வருவாய் இழப்பு ரூ.80,000 கோடி

அரசு அதிகாரிகளின் கணக்கிட்டு அடிப்படையில், 12 சதவீத விகிதத்தில் உள்ள பொருட்களை 5 சதவீத விகிதத்திற்கு மாற்றுவதால் மத்திய மற்றும் மாநில அரசுகளுக்கு ஆண்டுக்கு ரூ.80,000 கோடி வருவாய் இழப்பு ஏற்படலாம் என்று கணிக்கப்பட்டு உள்ளது. இது பொருளாதாரத்தில் சிறிய சவாலை உருவாக்கலாம், ஆனால் நுகர்வோருக்கு நன்மை பயக்கும்.

Sep 03, 2025, 11:28 am IST

சராசரி ஜிஎஸ்டி விகிதம் 10 சதவீதத்திற்கு கீழ் குறையலாம்:

தற்போது அனைத்து பொருட்களின் மீதான சராசரி ஜிஎஸ்டி விகிதம் 11.5 சதவீதமாக உள்ளது, இது GoM விகித குறைப்பு பரிந்துரையின் படி வரி குறைக்கப்பட்டால் இந்த சராசரி வரி அளவு 10 சதவீதத்திற்கு கீழ் குறையும்.

Sep 03, 2025, 11:28 am IST

175 பொருட்களுக்கு ஜிஎஸ்டி விகிதம் குறைப்பு:

GST Meeting: தற்போது வெளியாகியுள்ள அதிகாரப்பூர்வ தகவல்களின்படி, சுமார் 175 பொருட்களுக்கு ஜிஎஸ்டி விகிதம் குறைக்கப்படலாம். இதில் பதப்படுத்தப்பட்ட உணவு பொருட்கள், பாதாம், ஸ்னாக்ஸ், ரெடி டூ ஈடி உணவு பொருட்கள், ஜாம், நெய், வெண்ணெய், ஊறுகாய், முரப்பா, சட்னி, வாகனங்கள், டிராக்டர்கள், எலக்ட்ரானிக்ஸ், ஏசி, குளிர்சாதன பெட்டிகள் போன்றவை அடங்கும். இதன் மூலம் ஏற்படும் விலை குறைவால் பொதுமக்கள் நன்மை தரும்.

Sep 03, 2025, 11:22 am IST

இந்தியாவில் பெட்ரோல், டீசல், LNG, LPG, CNG போன்ற பெட்ரோலிய பொருட்கள் GST-க்கு வெளியே உள்ளன. இந்த கூட்டத்தில் இது மாறுமா..?

Sep 03, 2025, 11:16 am IST

Delhi: Chief Minister Rekha Gupta, along with officials from Himachal Pradesh, Uttarakhand, Punjab and Jharkhand, arrive for the 56th GST Council meeting, which will be chaired by Union Finance Minister Nirmala Sitharaman pic.twitter.com/W7q4nJRN1P

— IANS (@ians_india) September 3, 2025

மத்திய நிதியமைச்சர் நிர்மலா சீதாராமன் தலைமையில் நடைபெறும் 56வது ஜிஎஸ்டி கவுன்சில் கூட்டத்திற்கு இமாச்சலப் பிரதேசம், உத்தரகண்ட், பஞ்சாப் மற்றும் ஜார்க்கண்ட் அதிகாரிகளுடன் டெல்லி முதல்வர் ரேகா குப்தா வந்தார்.

Sep 03, 2025, 11:11 am IST

The 56th Meeting of the GST Council will be held on 03rd & 04th September, 2025 at New Delhi

— GST Council (@GST_Council) August 23, 2025

11 மணிக்கு துவங்கும் ஜிஎஸ்டி கவுன்சில் கூட்டம்.

Sep 03, 2025, 10:35 am IST

இந்த கூட்டம், ஜிஎஸ்டி அமைப்பை மேம்படுத்தி, நாட்டின் பொருளாதாரத்தை வலுப்படுத்தும் வகையில் அமையும். மாநிலங்களின் வருவாய் கவலைகளை கருத்தில் கொண்டு, புதிய இழப்பீட்டு வழிமுறைகளை உருவாக்குவது முக்கியம். இந்த மாற்றங்கள், பொதுமக்களுக்கு விலை குறைப்பு மூலம் நன்மை அளித்து, தொழில்களுக்கு புதிய வளர்ச்சி பாதையை திறக்கும் என்று எதிர்பார்க்கப்படுகிறது.

Sep 03, 2025, 10:35 am IST

தற்போதைய நடைமுறையில் இழப்பீட்டுக்காக சொகுசு மற்றும் தீங்கு பொருட்களுக்கு 1 முதல் 290 சதவீதம் வரை இழப்பீட்டு செஸ் விதிக்கப்படுகிறது. இப்பிரிவு மூலம் திரட்டப்படும் வருவாயை கொண்டு மாநிலங்களுக்கு இழப்பை ஈடுசெய்ய உதவும். எனினும், இழப்பீட்டு அமைப்பு ஆரம்ப 5 ஆண்டுகளுக்கு மட்டுமே (ஜூன் 2022 வரை) இருந்தது, இதனால் புதிய வரி மாற்றங்களுக்கு கீழ் புதிய இழப்பீட்டு திட்டம் கொண்டுவரப்படவும் வாய்ப்பு உள்ளது.

Sep 03, 2025, 10:35 am IST

வரி விகித குறைப்பு மற்றும் விலை வீழ்ச்சியை வரவேற்பு இருக்கும் வேளையில், எதிர்க்கட்சிகள் ஆளும் மாநிலங்கள் இந்த மாற்றத்தால் ஏற்படும் வருவாய் இழப்புக்கு மத்திய அரசிடம் இருந்து இழப்பீடு கோருகின்றன. இதற்கான மத்திய அரசின் முடிவு என்ன என்பது தான் முக்கியமான கேள்வியாக உள்ளது.

Sep 03, 2025, 10:35 am IST

இதேபோல் ஆடம்பர பொருட்கள், தீங்கு விளைவிக்கும் பொருட்கள், இன்னும் சில தேர்ந்தெடுக்கப்பட்ட பொருட்களுக்கு சிறப்பு 40 சதவீதம் வரி விதிக்கப்படலாம். இந்த மாற்றங்கள் அனைத்தும் அன்றாடும் மக்கள் பயன்படுத்தும் பொருட்களின் விலையை குறைத்து, நுகர்வோருக்கு நிவாரணம் அளிக்கும், அதே நேரம் தொழில்துறைக்கு புதிய வளர்ச்சி வாய்ப்புகளை தரும்.

Sep 03, 2025, 10:34 am IST

4 வரி பலகை முறையில் 5 மற்றும் 18 சதவீதம் என்ற இரு வரி விகிதங்களை மட்டுமே அமல்படுத்தி, தற்போதைய 12 மற்றும் 28 சதவீத விகிதங்களிலிருந்து பொருட்களை குறைந்த விகிதங்களுக்கு நகர்த்தும் திட்டம் உள்ளது. இதன் மூலம் பல பொருட்களின் விலை குறையும்.

Sep 03, 2025, 10:34 am IST

ஜிஎஸ்டி கவுன்சில் இந்த 2 நாள் கூட்டத்தில் "அடுத்த தலைமுறை" ஜிஎஸ்டி சீர்திருத்தத்தை விவாதித்து முடிவுகளை எடுக்கும்.

Sep 03, 2025, 10:34 am IST

ஜிஎஸ்டி கவுன்சில் என்பது மத்தியநிதி அமைச்சர் நிர்மலா சீதாராமன் தலைமையில் அனைத்து மாநில அமைச்சர்களை உள்ளடக்கியது.

Sep 03, 2025, 10:34 am IST

இந்த ஜிஎஸ்டி வரி அமைப்பு, நாட்டில் வர்த்தகத்தை எளிமைப்படுத்தி, பொருளாதார வளர்ச்சியை ஊக்குவித்தது. எனினும், நீண்ட காலமாக இந்த விகிதங்களை மறுசீரமைக்க வேண்டிய தேவை இருந்து வருகிறது, இது நுகர்வோருக்கு விலை நிவாரணம் அளிக்கும் வகையில் அமையும்.

Sep 03, 2025, 10:34 am IST

ஜூலை 1, 2017 முதல் அமல்படுத்தப்பட்ட 4 அடுக்கு ஜிஎஸ்டி அமைப்பில், 5, 12, 18 மற்றும் 28 சதவீதம் என்ற விகிதங்களைக் கொண்டுள்ளது. இது, முந்தைய மறைமுக வரி அமைப்புகளான வாட், எக்சைஸ் டியூட்டி போன்றவற்றை மாற்றி, நாடு முழுவதும் ஒரே சீரான வரி அமைப்பை கொண்டு வந்தது.