10 கிராம் ரூ.85,000... தங்கம் இப்பொழுது வாங்கலாமா?.. காத்திருக்கலாமா?

நமது வீட்டு கல்யாணம் முதல் பிறந்தநாள் வரையிலான அனைத்து விழாக்களிலும் தங்கம் பயன்பாடு இல்லாமல் இருக்காது. நம்மவர்கள் தங்கத்தை வெறும் நகைகளாக மட்டும் பார்ப்பது இல்லை, சிறந்த முதலீடாக மற்றும் அவசர காலத்தில் உதவும் பொருளாகவும் பார்க்கிறார்கள். இதனால் தங்கத்தை முடிந்த அளவு வாங்கி வைக்கிறார்கள். தங்கத்தின் விலை எவ்வளவு உயர்ந்தாலும், மக்கள் அதை வாங்காமல் இருக்கப் போவதில்லை. வாங்கும் அளவு வேண்டுமானால் குறையலாமே தவிர வாங்குவது நிற்கபோவதில்லை.

கடந்த ஆண்டு மார்ச் முதல் தங்கத்தின விலை படிப்படியாக உயர்ந்து வருகிறது. குறிப்பாக இந்த ஆண்டில் தங்கத்தின் விலை பல முறை புதிய உச்சங்களை தொட்டது. தற்போது எம்சிஎக்ஸில் 10 கிராம் தங்கத்தின் விலை ரூ.85,000 என்ற அளவில் உள்ளது. இவ்வளவு உயர்ந்த விலையில் தங்கத்தை வாங்குவதா சரிதானா, இப்பம் வாங்கலாமா, வேண்டாமா என்று முதலீட்டாளர்கள் பெரும் குழப்பத்தில் உள்ளனர். எனவே தற்போது தங்கத்தின் விலை அதிகமாக உள்ளதா, வரும் மாதங்களில் விலை ஏறுமா அல்லது தங்கம் இன்னும் வருமானத்திற்கான திறனை கொண்டுள்ளதா என்பதை தெரிந்து கொள்ள, சந்தையின் போக்கை விளக்கும் சார்ட்களை கொண்டு ஒரு தெளிவான முடிவுக்கு வரலாம்.

எம்சிஎக்ஸ் கோல்டு ஃபியூச்சர்ஸிற்காக தொடர்ச்சியான ஒப்பந்தங்களின் மாதந்திர சார்ட்கள், தங்கத்தின் விலை கணிசமான காலமாக மேல்நோக்கி நகர்ந்து வருவதை குறிக்கிறது. அதேசமயம், தினசரி சார்ட்கள், தங்கத்தின் விலை ரூ.86,500ஐ சற்றி உயர்ந்து வரும் சேனல் வடிவத்தில் எதிர்ப்பை சந்தித்துள்ளது. அதிக மட்டங்களில் எதிர்ப்பு விலை கூர்மையாக சரிவதற்கு பதிலாக ஒருங்கிணைப்பதை குறிக்கிறது. இது சந்தை இன்னும் வலுவான தேவை மண்டலத்தில் உள்ளது மற்றும் ஒருங்கிணைப்பு கட்டம் முடிந்ததும் மற்றொரு உயர்வு நகர்வுக்கு தயாராகலாம் என்பதை இது குறிக்கிறது.

மாதாந்திர மற்றும் தினசரி சார்ட்களின் அடிப்படையில் தங்கம் நடுத்த கால ஏற்ற இறக்க போக்கில் இருப்பதாக தெரிகிறது. இருப்பினும் ஒருங்கிணைக்கப்படும்போது விலையில் குறுகிய கால ஏற்ற இறக்கங்கள் இருக்கலாம். நீண்ட கால அடிப்படையில் முதலீடு செய்ய நினைப்பவர்கள் தற்போதைய ரூ.85,000 (10 கிராம்) விலையை பார்த்து மலைத்து விடக் கூடாது ஏனென்றால் ஏற்றப் போக்குக்கான வாய்ப்பு தெரிகிறது. அதேசமயம் குறுகிய கால வர்த்தகர்கள் குறைந்த விலையில் வாங்குவதற்கு காத்திருக்கலாம். ரூ.85,000 என்ற அளவில் தங்கத்தில் முதலீடு செய்வது சரியானதா என்பது உங்கள் முதலீட்டு எல்லையை பொறுத்தது என்று நிபுணர்கள் தெரிவித்தனர்.