ஹைதராபாத்-க்கு வந்த ரிலையன்ஸ் ரீடைல் புதிய ஸ்வதேஷ் ஸ்டோர்.. பிரம்மாண்டமா இருக்கே..!!

இந்தியாவின் மெகா கோடீஸ்வரர் முகேஷ் அம்பானி தலைமையிலான ரிலையன்ஸ் இண்டஸ்ட்ரீஸ் குழும பெட்ரோல் முதல் தொலைத்தொடர்பு என பல்வேறு துறைகளில் வர்த்தகங்களில் ஆதிக்கம் செலுத்தி வருகிறது. மேலும் ஏதாவது புதிய துறைகளில் தொழில்களை தொடங்கலாமா என்று அம்பானி குடும்பத்தினர் தீவிரமாக யோசித்து வருகின்றனர். தற்போது கையால் செய்யப்பட்ட இயற்கை பொருட்கள் மற்றும் கைவினைப்பொருட்கள் விற்பனையில் ரிலையன்ஸ் ரீடெயில் களம் இறங்கியுள்ளது.

ரிலையன்ஸ் ரீடெயில் நிறுவனம் ஹைதராபாத்தில் ஜூப்ளி ஹில்ஸில் 20,000 சதுர அடி பரப்பளவில் பிரம்மாண்டமாக ஸ்வதேஷ் ஸ்டோரை ஆரம்பித்துள்ளது. ரிலையன்ஸ் பவுன்டேஷனின் நிறுவனர் மற்றும் தலைவருமான நீடா அம்பானி, இந்த ஸ்டோரை திறந்து வைத்தார். இந்த ஸ்டோரில் உணவு பொருட்கள், கைத்தறிகள், கைவினைப்பொருட்கள் மற்றும் கையால் செய்யப்பட்ட இயற்கை பொருட்கள் விற்பனைக்கு உள்ளது.

ஸ்வதேஷ் ஸ்டோர் திறப்பு விழாவில் நீடா அம்பானி பேசுகையில், இந்தியாவின் பாரம்பரிய கலைகள் மற்றும் கைவினைஞர்களுக்கு ஸ்வதேஷ் ஒரு அடையாளமாகும். நமது நாட்டின் பழமையான கலை மற்றும் கைவினை பொருட்களை பாதுகாத்து மேம்படுத்தவற்கான எங்களின் எளிமையான முயற்சியாகும்.

ஸ்வதேஷ், மேக் இன் இந்தியா என்பதன் உணர்வை வெளிப்படுத்துகிறது மற்றும் நமது திறமையான கைவினைஞர்கள் மற்றும் கைவினைஞர்களுக்கு மரியாதை மற்றும் வாழ்வாதாரத்தை வழங்குகிறது.

ஸ்வதேஷ் மூலம் அவர்களுக்கு தகுதியான உலகளாவிய அங்கீகாரத்தை வழங்குவோம் என்று நம்புகிறோம். அதனால்தான் இந்தியாவில் மட்டுமல்ல அமெரிக்கா மற்றும் அமெரிக்கா உள்பட சர்வதேச அளவிலும் ஸ்வதேஷை விரிவுப்படுத்துவதில் நாங்கள் மகிழ்ச்சியடைகிறோம் என்று தெரிவித்தார்.

இந்தியாவின் திறமையான மற்றும் அனுபவமான கைவினைஞர்கள் நீண்டகாலமாக மறந்து விட்ட நுட்பங்கள் மற்றும் உள்ளூர் பொருட்களை பயன்படுத்தி முழுக்க முழுக்க கையால் தயாரிக்கப்பட்ட கவனமாக க்யூரேட் செய்யப்பட்ட பொருட்கள் ஸ்வதேஷ் ஸ்டோரில் இருக்கும் என்று ரிலையன்ஸ் ரீடெயில் தெரிவித்துள்ளது.