பிஎம்சி வங்கி சொத்துக்களை ஏலம் விட்டு வாடிக்கையாளருக்கு தரலாம்.. ஆர்.பி.ஐ ஆளுநர் அதிரடி திட்டம்

வங்கி கணக்கு

"இந்த கூட்டம் மிக முக்கியமானது, ஏனெனில் இது வங்கியை மீட்டெடுப்பது பற்றி வழிமுறைகளை வகுக்கவும், வாடிக்கையாளர்கள் பிரச்சினைகளை குறைக்கவும் உதவும். பி.எம்.சி வங்கி கணக்கு வைத்திருப்பவர்களுக்கு உதவி கிடைக்க உதவுவதாக ரிசர்வ் வங்கி ஆளுநர் உறுதி அளித்துள்ளார், "என்றார் முன்னாள் எம்.பி. கிரித் சோமையா.

4000 கோடி சொத்து

எச்.டி.ஐ.எல் பிரமோட்டர்களான ராகேஷ் மற்றும் சாரங் வதவன் ஆகியோர்களிடம் இருந்து ரூ. 4,000 கோடி மதிப்புள்ள சொத்துக்களை அமலாக்கத்துறை இந்த வழக்கில் இணைத்துள்ளன. பி.எம்.சி வங்கியின் முன்னாள் சி.எம்.டி ஜாய் தாமஸுக்கு சொந்தமான ஒன்பது குடியிருப்புகள் மற்றும் புனேவில் உள்ள ஒரு கடை உட்பட சில சொத்துக்கள் தற்காலிக இணைப்பின் கீழ் உள்ளன.

காவல்துறை ரெடி

பி.எம்.சி வங்கி வழக்கில் இணைக்கப்பட்ட சொத்துக்களை ஏலம் விடுவது குறித்து தங்களுக்கு எந்த ஆட்சேபனையும் இல்லை என்று மும்பை காவல்துறையின் பொருளாதார குற்றப்பிரிவு, நீதிமன்றத்தில் ஏற்கனவே, தெரிவித்துள்ளது. ஆனால், இணைக்கப்பட்ட சொத்துகளுக்கான ஏல நடவடிக்கைகளைத் தொடங்குவது குறித்து அமலாக்கத்துறை, மேலும் அதிக சட்ட ஆலோசனையைப் பெற உள்ளதாக தகவல்கள் தெரிவிக்கின்றன.

ஏலம் நடவடிக்கை

இதுபற்றி மும்பை பொருளாதார குற்றப்பிரிவு காவல்துறை வட்டாரங்கள் கூறுகையில், எங்களாலும், அமலாக்கத்துறையாலும், இணைந்து பறிமுதல் செய்த சில சொத்துக்களும் உள்ளன. சொத்துக்களை ஏலம் விட எந்தவொரு ஆட்சேபனையும் இல்லை என்று எங்கள் தரப்பு நீதிமன்றத்திற்கு அறிவித்திருந்தாலும், அமலாக்க அதிகாரிகள், இந்த சொத்துக்களை ஏலம் விடும் நடைமுறைகளுக்கு சம்மதிக்க வேண்டும்.

வாடிக்கையாளர்

அமலாக்கத்துறை சம்மதித்தால், ஏலம் நடத்த, ஒரு நிறுவனம் அமைக்கப்பட்டு, இதன் மூலம் கிடைக்கும் வருமானம் வங்கியை மீட்டு புனரமைக்கப் பயன்படுத்தப்படும். இது வாடிக்கையாளர் பிரச்சினைகளை தீர்க்கும். மேலும் வங்கியும் நசிவடையாது. இவ்வாறு அந்த வட்டாரங்கள் தெரிவிக்கின்றன.