விடுமுறைக்கு சுற்றுலா செல்பவர்கள் மற்றும் வியாபார வேலையாக பயணம் செய்பவர்கள் ஆகியோருக்கு பயண காப்பீட்டு வசதி பயனுள்ளதாக இருக்கும். சாதாரண வெளிநாட்டு மருத்துவக்காப்பீடு மற்றும் முழுமையான (காம்ப்ரிஹென்சிவ்) பயணகாப்பீடு என 2 வகையான பயணகாப்பீடுகள் உள்ளன.
இந்த பயணக்காப்பீட்டின் மூலமாக பயணத்தின் போது எதிர்பாராமல் ஏற்படக்கூடிய நிதி இழப்புகளை குறைத்துக்கொள்ள முடியும். நிதி இழப்பு தொகைகேற்ப, இழப்புத்தொகையை மீண்டும் பெற்றுக்கொள்ளுதல் அல்லது பலநாடுகளுடன் இணைக்கப்பட்ட பணமற்ற பரிமாற்ற முறை மூலமாக இழப்பீடு செய்துகொள்ள முடியும்.
மருத்துவ அவசரத் தேவையின் போது பாதுகாப்பு கிடைக்கும் என்பதே பயணக்காப்பீடு பெற்றுக் கொள்வதற்கான முக்கிய காரணம் ஆகும். பயணத்தின் போது மருத்துவமனையில் சேர்க்கப்பட வேண்டிய சூழ்நிலை ஏற்பட்டால், எல்லா மருத்துவச் செலவுகளும் பயணக்காப்பீட்டில் அடங்கிவிடும்.
பயணத்தின் போது வெளிநாட்டில் எதிர்பாராத மரணம் ஏற்பட்டால், தாய்நாட்டுக்கு திருப்பி அனுப்பும் செலவுகள் அதிகம். அந்தவகையில், விபத்து மரணம் அல்லது நிரந்தர முழு ஊனம் ஏற்பட்டால் பயணக் காப்பீடு கூடுதல் பலனை வழங்குகிறது.
பயணத்தின் போது உங்களுடைய உடமைகள் தாமதமாக கிடைப்பதற்கோ அல்லது உடமைகள் காணாமல் போவதற்கோ வாய்ப்புகள் உண்டு. அத்தகைய சூழலில் வெளிநாட்டில் தங்கும் போது உங்களுக்கு ஏற்படும் அனைத்து செலவுகளும் பயணக்காப்பீட்டில் அடங்கிவிடும். நீங்கள் வேறுநாட்டில் தரையிறங்கி, 6 மணி நேரத்திற்குள் உங்களுடைய உடமைகள் கிடைக்காவிட்டால், அது தொலைந்து விட்டதாக கருதப்பட்டு, அந்த நாட்டில் உங்களுக்கு ஏற்படும் அனைத்து செலவுகளும் ஈடுசெய்யப்படும்.
Click it and Unblock the Notifications
Sign in with Google