கடன் பத்திரத்தில் ரெவின்யூ ஸ்டாம்ப் ஒட்டவில்லை என்றால் செல்லுபடியாகுமா..?

அந்த பணமதிப்பு 5,000 ருபாய்க்கு மேல் இருந்தால் அந்த எழுத்துப்பூர்வ ரசீதில் ரெவின்யூ ஸ்டாம்பை ஒட்ட வேண்டும். அதற்கு குறைவான மதிப்புள்ள தொகைக்கு ரசீது கொடுத்தால் ரெவின்யூ ஸ்டாம்பை ஒட்டத் தேவையில்லை. ரெவின்யூ ஸ்டாம்ப் ஒட்டாமல் வாங்கி இருந்து, அதை சாட்சியமாக கொடுக்க நேர்ந்தால் அப்போது அதற்கு அபராத தொகை கட்டி அதை சரிசெய்தும் கொள்ளலாம்.

கடன் கொடுப்பவர், கடனாளியின் பெயர், முகவரி, பணம் மற்றும் வட்டி விகிதம் ஆகியவற்றை எழுதி இறுதியில் வருவாய் முத்திரை ஒட்டி அதன் மேல் கையெழுத்து வாங்குவார். கடன் பத்திரத்தில் ஒட்டப்படும் வருவாய் முத்திரையில் கையொப்பமிட்டால் மட்டுமே அந்த பத்திரம் செல்லுபடியாகும். ஸ்டாம்பின் மேல் மட்டுமே கையெழுத்திட வேண்டும்.

ஒருவேளை ஸ்டாம்ப் இல்லாத இடத்தில் கையொப்பம் இடப்பட்டால் அந்த பிராமிசரி நோட் செல்லாது. பணம் பெறுபவர் அவ்வளவு தொகையை வாங்கவில்லை என்று கூறிவிடக்கூடாது என்பதற்காக தான் இவ்வாறு ஸ்டாம்ப் ஒட்டி கையொப்பம் வாங்கப்படுகிறது. பணம் முழுவதையும் செலுத்திய பின்னர் கையெழுத்திட்ட பத்திரத்தை வாங்கி விடுவது நல்லது.