இன்சூரன்ஸ் ரெகுலேட்டரி அன்ட் டிவெலப்மென்ட் அத்தாரிட்டி (ஐஆர்டிஏஐ) மூலம் காப்பீடு குறித்து புகார்களை தாக்கல் செய்ய முடியும். பாலிசிதாரர்களின் புகார்களை பெறுவதற்கென ஐஆர்டிஏஐ ஒரு தனி செல்லை ஏற்படுத்தியுள்ளது. ஐஆர்டிஏஐ-ன் இந்த தனி செல், ஆயுள் காப்பீடு மற்றும் இதர காப்பீட்டு திட்டங்களில் இருக்கும் புகார்களை தனித்தனியாக கையாளுகிறது.
ஐஆர்டிஏஐ-வில் புகார்களை தெரிவிப்பதற்கு முன்பாக பாலிசிதாரர்கள், சம்பந்தப்பட்ட காப்பீட்டு நிறுவனங்களிடம் தங்களின் புகார்களை தெரிவித்திருக்க வேண்டும். தெரிவித்த புகார்களுக்கு குறிப்பிட்ட காலத்திற்குள் சம்பந்தப்பட்ட காப்பீட்டு நிறுவனங்கள் பதில் அளிக்காமல் இருந்தாலோ அல்லது அவர்கள் கொடுத்த பதில் உங்களுக்கு திருப்தி அளிக்காமல் இருந்தாலோ ஐஆர்டிஏஐ-ல் உள்ள புகார் செல்லுக்கு புகார்களை அனுப்பலாம்.
மேலும், பாலிசிதாரர் அளிக்கும் புகார்களை மட்டுமே ஐஆர்டிஏஐ எடுத்துக் கொள்ளும். பாலிசிதாரர் சார்பாக அவர்களுடைய வழக்குரைஞர்களோ அல்லது முகவர்களோ அல்லது மூன்றாவது நபர்களோ அளிக்கும் புகார்களை ஐஆர்டிஏஐ எடுத்துக் கொள்ளாது. இமெயில் மூலமாக ஐஆர்டிஏஐ-ற்கு புகார் அனுப்பும் போது, உங்கள் குறைகளை மிகத் தெளிவாக புகார் பதிவு படிவத்தில் எழுதி அனுப்பு வேண்டும்.
Click it and Unblock the Notifications
Sign in with Google