அதிகமான தங்கத்தின் தேவைகள்

இந்தியாவின் அனைத்து விதமான தங்கத் தேவைகளும் இறக்குமதி சார்ந்து இருப்பதால், இந்தியாவில் தங்கத்தின் விலை சர்வதேச நிலவரத்தை அனுசரித்தே காணப்படுகிறது. சர்வதேச அளவிலான தங்கத்தின் விலை வீழ்ச்சி, இந்திய சந்தைகளிலும் பிரதிபலிக்கும். ஆனால் இந்த விலை டாலருக்கு எதிராக ரூபாயின் மாற்று வீதத்தை சார்ந்து உள்ளது.

இன்றைய நிலவரம்

சர்வதேச நிலவரத்தை ஒட்டி, இந்தியாவில் தங்கத்தின் விலை கணிசமாகக் குறையவில்லை. ஏனெனில் டாலருக்கு எதிரான இந்திய ரூபாயின் மதிப்பு சமீப காலங்களில் கணிசமாகச் சரிந்துள்ளது. இந்தியாவில் தங்கத்தின் விலை ரூ 19,000 முதல் ரூ 20,000 வரை வேறுபடுகிறது. ஆனால், இன்று சந்தைகள் திறக்கும் போது இந்த விலை மாறலாம். இந்தியாவில் ரூ 32,000 க்கு விற்ற 10 கிராம் தங்கம், படிப்படியாக விலை சரிந்து தற்போதய நிலையை எட்டியுள்ளது.

பெடரல் ரிசர்வ்

புதனன்று அமெரிக்க பெடரல் ரிசர்வ், இந்த ஆண்டு இறுதிக்குள் அதன் சொத்து வாங்கும் திட்டத்தை படிப்படியாக குறைக்க திட்டமிட்மிட்டுள்ளதாக அறிக்கை வெளியிட்டுள்ளது. கடந்த சில ஆண்டுகளில் பெடரல் ரிசர்வ் சொத்து வாங்குவதால் உருவான பணப்புழக்கம், சர்வதேச அளவில் தங்கம் உட்பட அனைத்து விதமான சொத்து விலைகளையும் அதிகரித்தது.

விலைக் குறைவது நிச்சயம்

ஆய்வாளர்கள் டாலருக்கு எதிராக இந்திய ரூபாயின் மாற்று மதிப்பு நிச்சயம் அதிகரிக்கும், அப்பொழுது இந்தியாவில் தங்கத்தின் விலை கணிசமாகக் குறையும், என நம்பிக்கை தெரிவித்துள்ளார்கள்.