இந்தியாவில் என்ஆர்ஐ-கள் முதலீடு செய்ய சிறந்த 5 வழிகள்!

வெளிநாடுகளில் பணிபுரியும் இந்தியர்கள் (என்ஆர்ஐ) இந்தியாவில் முதலீடு செய்ய பல்வேறு வழிகள் உள்ளன. ஆனால் அவை எல்லாமுமே சிறந்த வழிகள் இல்லை.

எனவே இந்தியாவில் முதலீடு செய்ய விரும்பும் என்ஆர்ஐ-கள் முழுமையான நிதி பாதுகாப்பு மற்றும் ஒழுக்கமான வருமானத்தை வழங்கும் சிறந்த முதலீட்டு விருப்பத்தை கண்டுபிடிப்பது முக்கியமான ஒன்று.

சில என்ஆர்ஐக்கள் தங்கள் குடும்பத்திற்காக பெரும் தொகையை உருவாக்க முதலீடு செய்கிறார்கள் அல்லது எப்போதாவது இந்தியாவுக்குத் திரும்புவதற்குத் தயாராகிறார்கள்; மற்றவர்கள் வேகமாக விரிவடையும் பொருளாதாரத்தில் முதலீடு செய்வதன் மூலம் சிறந்த வருமானத்தைப் பெற விரும்புகிறார்கள்.

என்ஆர்ஐ-க்கு சிறந்த முதலீடு எது?

ஆனால் எல்லா என்ஆர்ஐகளிடையிலும் பொதுவாக இருக்கும் ஒரு கேள்வி இந்தியாவில் முதலீடு செய்ய சிறந்த திட்டம் எது? இதற்கான பதில், அவர்களின் முதலீட்டு இலக்குகள், வருமானம் பற்றிய எதிர்பார்ப்புகளைப் பொறுத்தது. மியூச்சுவல் ஃபண்டுகள் முதல் ரியல் எஸ்டேட் வரை பலவற்றை தேர்வு செய்யலாம். அவற்றில் சிலவற்றை இஙே காணலாம்.

மியூச்சுவல் ஃபண்டு

நீண்ட கால முதலீட்டுக்கு திட்டமிடுபவர்களுக்கு மியூச்சுவல் ஃபண்டு ஒரு சிறந்த தேர்வு ஆகும். மீயூச்சுவல் ஃபண்டில் கடன், பங்குச்சந்தை சார்ந்தது என பல்வேறு திட்டங்கள் உள்ளன. அவற்றில் முதலீடு செய்யும் போது கவனமாக இருக்க வேண்டும். இந்தியாவில் மியூச்சுவல் ட்ஃபண்டில் முதலீடு செய்யும் போது ரூபாய் மதிப்பிலேயே முதலீட்டை தொடங்க முடியும்.

யூனிட் இணைக்கப்பட்ட காப்பீட்டுத் திட்டம் (ULIP)

ULIP முதலீடு காப்பீட்டின் பலன்களை ஐந்தாண்டுகளுக்கான பொதுவான லாக்-இன் காலத்துடன் வழங்குகிறது. ULIP-க்கு செலுத்தப்படும் பிரீமியங்களுக்கு வருமான வரிச் சட்டம், 196 இன் பிரிவு 80C மற்றும் 10(10D) இன் கீழ் வரி விலக்கு அளிக்கப்படும்.

தேசிய ஓய்வூதிய திட்டம் (NPS)

தேசிய ஓய்வூதிய திட்டம் பணி ஓய்வுக்குப் பிறகு இந்தியாவில் குடியேற வேண்டும் என்ற இலக்குகளில் ஒன்று மட்டுமே முதலீடாக பரிந்துரைக்கப்படுகிறது. அரசாங்கப் பத்திரங்களைப் பொறுத்தவரை, அவை இந்திய அரசாங்கத்தால் ஆதரிக்கப்படும் குறைந்த ஆபத்து முதலீடுகள். அரசாங்கப் பத்திரங்கள் வர்த்தகம் செய்யக்கூடிய பத்திரங்கள் மற்றும் சந்தையில் அவற்றின் விலைகள் வெளிப்புற காரணிகளின் அடிப்படையில் ஏற்ற இறக்கத்திற்கு உட்பட்டவை.

ரியல் எஸ்டேட்

ரியல் எஸ்டேட் ஒரு கவர்ச்சிகரமான மற்றும் நம்பிக்கைக்குரிய முதலீடாக உள்ளது. வணிகச் சொத்தின் வாடகை வருமானம், ஆண்டுக்கு சுமார் 8-10 சதவிகிதம், குடியிருப்புச் சொத்திலிருந்து கிடைக்கும் வருமானத்தை விட அதிகமாகும். எனவே, பகுதி உரிமையில் ரூ.25 லட்சம் முதலீடு செய்தால், வாடகை வருமானத்தில் மட்டும் ஆண்டுக்கு ரூ.2.25 லட்சத்தை பெற முடியும். இது முதலீட்டின் நிலையான விரிவாக்கத்திற்கும் மாதாந்திர பணப்புழக்கத்தில் முன்னேற்றத்திற்கும் வழிவகுக்கிறது.

அரசு பத்திரங்கள்

அரசாங்கப் பத்திரங்கள் அல்லது G-Secs என்பது இந்திய அரசாங்கத்தால் ஆதரிக்கப்படும் குறைந்த ஆபத்துள்ள முதலீட்டு விருப்பங்கள் ஆகும். அவை கருவூல பில்கள் அல்லது பத்திரங்களில் வழங்கப்படுகின்றன. இதன் முதிர்வு சில நாட்கள் முதல் பல ஆண்டுகள் வரை இருக்கும். இந்த பத்திரங்கள் நிலையான வட்டி விகிதங்கள் அல்லது மிதக்கும் விகிதங்களைக் கொண்டிருக்கலாம், அவை சந்தை தொடர்பான மாற்றங்களின் அடிப்படையில் தீர்மானிக்கப்படுகின்றன.

குறிப்பு

இங்கு வழங்கப்பட்ட தகவல்கள் நிபுணர்களின் பார்வைகள் மற்றும் முதலீட்டு உதவிக்குறிப்புகள் அவர்களின் சொந்த கருத்துகள் ஆகும். எந்தவொரு முதலீட்டு முடிவுகளை எடுப்பதற்கு முன், பயனர்கள் சான்றளிக்கப்பட்ட நிபுணர்களுடன் சரிபார்க்க அறிவுறுத்தப்படுகிறார்கள். இதனால் ஏற்படும் இழப்புகளுக்குத் தமிழ் குட்ரிட்டர்ன்ஸ் பொறுப்பல்ல.