பாண்டிச்சேரி பெட்ரோல் விலை இன்று (26 ஏப்ரல் 2024)

இந்தியாவில் பெட்ரோல் பம்புகளின் பிராண்ட்கள்

இந்தியா, எரிபொருள் தேவைகளுக்கு இறக்குமதியை நம்பி இருக்கிறது. நாட்டில் நாலாப்பக்கங்களில் அமைந்திருக்கும் பெட்ரோல் பங்குகள் அல்லது பெட்ரோல் பம்புகளில் எரிபொருட்கள் மற்றும் லூப்ரிகண்ட்களையும் விற்பனை செய்து வருகிறது. இந்தியாவின் மிகப்பெரிய எண்ணெய் மற்றும் கேஸ் கம்பெனியாக விளங்கும் இந்தியன் ஆயில் கார்ப்பரேன்(ஐ.ஓ.சி.), நாட்டில் உள்ள பெரும்பாலான பெட்ரோல் பங்குகளை வைத்திருக்கிறது. இதற்கு அடுத்தப்படியாக, ஹிந்துஸ்தான் பெட்ரோலியம்(எச்.பி.), பாரத் பெட்ரோலியம்(பி.பி.) போன்ற நிறுவனங்கள் அதிக எண்ணிக்கையில் பெட்ரோல் பங்குகளை நிர்வகித்து வருகிறது.

இந்தியாவில் தற்போது சந்தையில் 6 வகையான பிராண்ட்களில் பெட்ரோல் பம்புகள் உள்ளன.
அவை:

இந்தியன் ஆயில் கார்ப்பரேஷன்
ஹிந்துஸ்தான் பெட்ரோலியம்
பாரத் பெட்ரோலியம்
ஷெல்
ரிலையன்ஸ் பெட்ரோலிய‌ம்
எஸ்ஸார் ஆயில்

1. இந்தியன் ஆயில் கார்ப்பரேஷன்:

இந்தியன் ஆயில் கார்ப்பரேஷன், இந்தியாவின் மிகப்பெரிய எண்ணெய் நிறுவனமாகும். இதன் உரிமையை இந்திய அரசு வைத்துள்ளது. இந்தியாவில் செயல்பட்டு வரும் எண்ணெய் நிறுவனங்களில் லாபகரமாக செயல்படுவது இந்தியன் ஆயில் கார்ப்பரேஷன் தான். இந்தியன் ஆயில் கார்ப்பரேஷன் நிறுவனம், தனது பெட்ரோல் பம்புகள், செர்வோ லூப்ரிகன்ட் ஆயில்ஸ், நேச்சுரல் கேஸ் ஆகியவற்றின் மூலம் பெட்ரோலியச் சந்தையில் செயல்பட்டு வருகிறது. இதுதவிர, பெட்ரோல் பம்புகளில் மின்சார வாகனங்களுக்கான மின்சார சார்ஜிங் ஸ்டேஷன்களையும் இயக்கி வருகிறது.

2. பாரத் பெட்ரோலியம்:

பாரத் பெட்ரோலியம், இந்தியாவின் இரண்டாவது பெரிய எண்ணெய் மற்றும் கேஸ் நிறுவனமாகும். இந்தியன் ஆயில் கார்ப்பரேஷன் நிறுவனத்திற்கு அடுத்தப்படியாக பெரிய நிறுவனம் இதுதான். கொச்சி மற்றும் மும்பையில் எண்ணெய் சுத்திகரிப்பு நிலையங்களை இது பெற்றுள்ளது. நாடுமுழுவதும் அமைந்துள்ள தனது பெட்ரோல் பம்புகளின் மூலம் உலகத்தரத்திலான சேவைகளை வாடிக்கையாளர்களுக்கு அளித்து வருகிறது.

3. ஹிந்துஸ்தான் பெட்ரோலியம்:

ஹிந்துஸ்தான் பெட்ரோலியம் அல்லது எச்.பி.சி.எல்., இந்தியாவில் செயல்பட்டுவரும் பெட்ரோல் பம்புகளில் மக்களின் நம்பிக்கையை பெற்ற நிறுவனமாகும். இந்தியாவின் மிகப்பெரிய எண்ணெய் சுத்திகரிப்பு நிலையங்களை இந்நிறுவனம் நடத்தி வருவதோடு, பல்வேறு வகையான பெட்ரோலிய எரிபொருட்களை தயாரித்து வருகிறது.

4. ஷெல்:

ராயல் டச் ஷெல் நிறுவனத்தால் நிர்வகிக்கப்பட்டு வரும் ஷெல் பிராண்டு பெட்ரோல் பம்புகள், நாடுமுழுவதும் 100 உள்ளன. உயர்தரமான எரிபொருட்களுக்கு புகழ்பெற்ற இந்நிறுவனம், நாட்டின் பல்வேறு பகுதிகளில் பெட்ரோல் பம்புகளை திறக்க திட்டமிட்டுள்ளது.

5. ரிலையன்ஸ் பெட்ரோலியம்:

இந்தியாவின் பெரும் தொழில்குழுமமான ரிலையன்ஸ் இன்டஸ்ட்ரீஸ் நிறுவனத்தால் நடத்தப்படுவது தான் ரிலையன்ஸ் பெட்ரோலியம். இந்தியாவில் செயல்பட்டுவரும் மிகப்பெரிய தனியார் எண்ணெய் நிறுவனங்களில் குறிப்பிடத்தக்கது ரிலையன்ஸ் பெட்ரோலியம். ஜாம்நகரில் செயல்பட்டு வரும் எண்ணெய் சுத்திகரிப்பு நிலையம், இந்தியாவின் மிகப்பெரிய சுத்திகரிப்பு நிலையமாக கருதப்படுகிறது.

6. எஸ்ஸார் ஆயில்:

எஸ்ஸார் குழுமத்தின் ஒரு பகுதி தான் எஸ்ஸார் ஆயில். முன்பு இது நயரா எனர்ஜி அழைக்கப்பட்டது. தற்போதைக்கு நாடு முழுவதும் 1400 பெட்ரோல் பம்புகளை இந்நிறுவனம் வைத்துள்ளது. நாடு முழுவதும் பல்வேறு இடங்களில் மேலும் பல பெட்ரோல் பம்புகளை திறக்க திட்டமிட்டுள்ளது.

இந்தியாவில் எண்ணெய் இறக்குமதி

எண்ணெய் மற்றும் கேஸை பொருத்தவரை இந்தியா இறக்குமதியை தான் பெரிதாக நம்பி உள்ளது. உள்நாட்டு தேவையை நிறைவு செய்வதற்காக 82.80% கச்சா எண்ணெய் மற்றும் 45.30% நேச்சுரல் கேஸை இந்தியா இறக்குமதி செய்கிறது.

கச்சா எண்ணெயை இறக்குமதி செய்வதால், 2017-2018-ஆம் ஆண்டில் இந்தியாவின் நிகர அந்நியச் செலாவணியின் மதிப்பு 63.305 பில்லியன் டாலராக இருந்தது. உள்நாட்டு கச்சா எண்ணெய் உற்பத்தியின் மூலம் நமது நாட்டில் 35.20 மில்லியன் டன் பெட்ரோல் மற்றும் அது சார்ந்த பொருட்கள் தயாரிக்கப்பட்டன. ஆனால், நமது நாட்டில் பெட்ரோலியம் மற்றும் அதன் துணைபொருட்களின் நுகர்வு 204.9 மில்லியன் டன்னாக இருந்தது.

அதிகப்படியான எரிபொருள் இற‌க்குமதி காரணமாக எண்ணெய் நுகர்வில் அமெரிக்கா, சீனாவுக்கு அடுத்தப்படியாக மூன்றாவது இடத்தில் இந்தியா உள்ளது.

இந்தியாவில் போதுமான பெட்ரோலியம் பொருட்கள் இருப்பு இல்லாத காரணத்தால், பெட்ரோலியப்பொருட்களுக்கு நமது நாடு இறக்குமதியை நம்பி இருக்க வேண்டியுள்ளது. எதிர்காலத்தில் எரிபொருள் ஆற்றல் தேவையில் தன்னிறைவு அடையும் வகையில், காற்று, சூரிய ஒளி, பயோமாஸ், நீர்மின் ஆற்றல்கள் போன்ற புதுப்பிக்கத்தக்க ஆற்றல்(ரினீவபிள் எனர்ஜி) வளத்தை பயன்படுத்தும் போக்கு இந்தியாவில் கொஞ்சம் கொஞ்சமாக பெருகி வருகிரது. காற்று மாசுக்கு பெரும் பங்காற்றி வரும் பெட்ரோலியம் பொருட்களுக்கு மாற்றாக புதுப்பிக்கத்தக்க ஆற்றல் எதிர்காலத்தில் உருவெடுக்கும்.