கிரிப்டோகரன்சி வர்த்தகர்கள் ஷாக்.. டீலிஸ்ட் செய்யப்பட்ட லூனா.. முதலீடுகளின் நிலை என்ன?

கடந்த சில தினங்களாகவே கிரிப்டோகரன்சி சந்தையானது பெரும் சரிவினை கண்டு வந்த நிலையில், பல கரன்சிகளின் மதிப்பானது மிக மோசமான சரிவினைக் கண்டு வந்தது. குறிப்பாக டெரா (லூனா) கரன்சியானது மிக மோசமான சரிவினைக் கண்டது.

கடந்த 7 அமர்வுகளில் மட்டும் இந்த கரன்சியானது 100% சரிவினைக் கண்டது.

இதற்கிடையில் இந்தியாவின் பிரபலமான கிரிப்டோகரன்சி எக்ஸ்சேஞ்ச் ஆன WazirX மற்றும் CoinDCX-ல் லூனார கரன்ஸசியினை டீ லிஸ்ட் செய்துள்ளன. ஏன் இப்படி அதிரடியான முடிவினை இந்த எக்ஸ்சேஞ்ச்கள் எடுத்துள்ளன. முதலீடுகளின் நிலை என்னவாவது? மற்ற முக்கிய கரன்சிகளின் மதிப்பு என்ன? இன்றைய நிலவரம் என்ன வாருங்கள் பார்க்கலாம்.

100% சரிவு

லூனாவின் மதிப்பானது கடந்த சனிக்கிழமையன்று 80 டாலர்கள் என்ற லெவலில் காணப்பட்டது. இது 0.00002446 டாலர்கள் என்ற லெவலில் காணப்பட்டது. இதன் மதிப்பில் கிட்டதட்ட 100% சரிவினைக் கண்டுள்ளது. இதற்கிடையில் இதன் சந்தை மதிப்பும் 30 பில்லியன் டாலர் என்ற நிலையில் இருந்து 6 மில்லியன் டாலராக குறைந்தது.

பணத்தை எப்படி திரும்ப பெறுவது?

இந்தியாவின் மிகப்பெரிய கிரிப்டோ தளமான WazirX, Luna/USDT, Luna/INR, and Luna/WRX உள்ளிட்ட கரன்சி பேர்களை நீக்குவதாக தெரிவித்துள்ளது. பயனர்கள் தங்கள் நிதிகளை திரும்ப பெறுவதற்கு பைனான்ஸ் இலவச பரிமாற்றத்தினை செயல்படுத்த உள்ளதாகவும் எக்ஸ்சேஞ்ச் தரப்பில் தெரிவித்துள்ளது.

பிட்காயின்

பிட்காயின் மதிப்பானது கடந்த அமர்வில் பலத்த சரிவினைக் கண்டிருந்த நிலையில், இன்று 9.39% அதிகரித்து., 30,654.50 டாலர்களாக வர்த்தகமாகி வருகின்றது. கடந்த 24 மணி நேரத்தில் இதன் உச்சமதிப்பு 30,947.27 டாலர்களாகும். இதே இதன் 24 மணி நேர குறைந்தபட்ச விலை 27,831.83 டாலர்களாகும்.

எத்திரியம் & கார்டனோ

இதே எத்திரியத்தின் மதிப்பானது 12.89% அதிகரித்து, 2126.64 டாலர்களாக வர்த்தகமாகி வருகின்றது. இதே எக்ஸ் ஆர்பி மதிப்பானது 21.84% அதிகரித்து, 0.451012 டாலர்களாகவும் வர்த்தகமாகி வருகின்றன.

இதே கார்டனோ 27.39% அதிகரித்து, 0.587179 டாலர்களாக உள்ளது.

ஸ்டெல்லர் மதிப்பானது 19.45% அதிகரித்து, 0.138880 டாலர்களாக வர்த்தகமாகி வருகின்றது.

டோஜ்காயின் & யுனிஸ்வாப்

இதே டோஜ்காயின் மதிப்பு 23.57% அதிகரித்து, 0.092687 டாலர்களாக வர்த்தகமாகி வருகின்றது.

போல்கடோட் மதிப்பானது 38.78% அதிகரித்து, 11.53 டாலர்களாக வர்த்தகமாகி வருகின்றது.

யுனிஸ்வாப் மதிப்பானது 21.50% அதிகரித்து, 5.35 டாலர்களாகவும் வர்த்தகமாகி வருகின்றது.