சென்னை: மின்னணு வடிவில் பங்குகளை இருப்பு வைத்துக்கொள்ளும் கணக்கே டீமேட் கணக்கு. இந்தியாவில் பங்குச்சந்தை மூலம் பங்குகளை வாங்கவோ விற்கவோ வேண்டுமென்றால் அதற்கு டீமேட் கணக்கு கட்டாயமானது. மேலும், இனிஷியல் பப்ளிக் ஆஃபரிங்கில் (ஐ.பி.ஓ) பங்குகளுக்கு நீங்கள் விண்ணப்பிக்க வேண்டுமென்றால், டீமேட் கணக்கு வழியாக மட்டுமே உங்களால் விண்ணப்பிக்க முடியும்.
செபியின் வழிகாட்டுதல்களின் படி, டீமெட்டீரியலைஸ்ட் வடிவத்தைத் தவிர வேறு எந்த ஒரு வடிவத்திலும் பங்குகளை வாங்கவோ விற்கவோ முடியாது.
ஒரு டீமேட் கணக்கை திறப்பதற்கு முன்பாக நீங்கள் தெரிந்து கொள்ள வேண்டிய 6 விஷயங்கள், இதோ!
டெபாசிட்டரி (களஞ்சியம்)
இந்தியாவில் இரண்டு டெபாசிட்டரிகள் உள்ளனர் - நேஷனல் செக்யூரிட்டீஸ் டெபாசிட்டரீஸ் லிமிடெட் (என்.எஸ்.டி.எல்) மற்றும் சென்ட்ரல் டெபாசிட்டரி சர்விசஸ் லிமிடெட் (சி.டி.எஸ்.எல்). இவர்கள் மூலம் தான் டெபாசிட்டரி பார்ட்டிசிபண்ட்கள் தங்களது பங்குகளை வைத்திருக்க முடியும். பங்குகள், கடன் பத்திரங்கள், அரசாங்க பங்குகள், ம்யூச்சுவல் ஃபண்ட் அலகுகள் போன்ற பங்குகளை டெபாசிட்டரிகள் கொண்டிருப்பார்கள்.
டெபாசிட்டரி பார்ட்டிசிபண்ட்கள்
முதலீட்டாளர்களுக்கும் டெபாசிட்டரிகளுக்கும் பொது நபராக இருப்பவர்கள் தான் டெபாசிட்டரி பார்ட்டிசிபண்ட்கள். டெபாசிட்டரியிடம் இருந்து எந்தவொரு சேவைகளைப் பெறவும் முதலீட்டாளருக்கு டெபாசிட்டரி பார்ட்டிசிபண்ட் தேவை.
டீமெட்டீரியலைஸ்
பௌதீக (Physical) வடிவிலான உங்களது பங்குகளை மின்னணு வடிவத்தில் மாற்றும் செயல்முறையைத் தான் டீமெட்டீரியலைசேஷன் எனக் கூறுகிறார்கள்.
அடிப்படை சேவைகள் டீமேட் கணக்கு
இந்தக் கணக்கை எந்த ஒரு தனி நபரும் புதிதாகத் திறந்து கொள்ளலாம் அல்லது ஏற்கனவே இருக்கும் டீமேட் கணக்கை அடிப்படை சேவைகள் டீமேட் கணக்காக மாற்றிக்கொள்ளலாம்.
உங்கள் டீமேட் கணக்கில் உள்ள பங்குகள், ம்யூச்சுவல் ஃபண்ட்கள், கடன் பத்திரங்கள் போன்றவற்றின் மதிப்பு ரூ.2 லட்சத்திற்குக் குறைவாக இருந்தால் மட்டுமே உங்கள் தற்போதைய கணக்கை இந்தக் கணக்காக மாற்றிக் கொள்லாம்.
தங்களிடம் உள்ள டீமேட் கணக்கின் மொத்த மதிப்பு ரூ.0 - ரூ.50,000/- ஆக இருந்தால், உங்கள் கணக்கின் மீது எந்தவொரு கட்டணமும் வசூல் செய்யப்பட மாட்டாது. உங்களது டீமேட் கணக்கின் மொத்த மதிப்பு ரூ.50,001 - ரூ.2,00,000/- ஆக இருந்தால், உங்கள் கணக்கின் மீது ரூ.100 கட்டணமாக வசூல் செய்யப்படும்.
ஈடுபட்டுள்ள கட்டணங்கள்
ஒவ்வொரு நிறுவனத்தைப் பொருத்தும், உங்கள் கணக்கின் வகையைப் பொருத்தும், பரிவர்த்தனைகளின் மதிப்பைப் பொருத்தும் கட்டணங்கள் வேறுபடும்.
கணக்குத் திறப்புக் கட்டணம், வருடாந்திர பராமரிப்புக் கட்டணம், பரிவர்த்தனை அல்லது தரகு கட்டணம் போன்றவை எல்லாம் டீமேட் கணக்கோடு தொடர்புடைய கட்டணங்களாகும்.
டீமேட் கணக்கு திறப்பதால் ஏற்படும் பயன்கள்
பங்குகளைப் பௌதீக வடிவில் பராமரிக்கும் சிக்கல்கள் இருக்காது. ஒற்றைப் படை லாட் பிரச்சனைகள் இருக்காது. அதே போல், ஒரு பங்கை கூட வாங்கவோ விற்கவோ முடியும். பங்கு மாற்றத்திற்கான முத்திரை வரியும் பொருந்தாது. அதே போல் மின்னணு வடிவத்தில் உள்ள பங்குகளுக்குப் பரிமாற்ற பத்திரமும் தேவைப்படாது.