36.32 டாலர்

சர்வதேச சந்தையில் திங்கட்கிழமை வர்த்தகம் துவங்கிய சில நொடிகளில் பிரென்ட் கச்சா எண்ணெய்யின் விலை 2004ஆம் ஆண்டு வர்த்தகத்திற்கு நிகரான விலையில் ஆதாவது 36.32 அமெரிக்க டாலருக்கு வர்த்தகம் செய்யப்பட்டது.

அமெரிக்கச் சந்தை

இதன் எதிரொலியால் அமெரிக்க ஃப்யூச்சர் சந்தையில் கச்சா எண்ணெய்யின் விலை 20 சென்ட்கள் குறைந்து பீப்பாய்க்கு 34.53 டாலராகக் குறைந்துள்ளது.

40 ஆண்டுக் காலத் தடை..

அமெரிக்க அரசு தனது 40 ஆண்டுக் காலத் தடையை நீக்கியதன் மூலம் சந்தையில் முக்கிய ஏற்றுமதியாளர்களான ரஷ்யா, OPEC நாடுகளுக்கு இணையாக அமெரிக்கா உயரத் துடித்து வருகிறது.

ஏற்கனவே அளவிற்கு அதிகமாக இருக்கும் கச்சா எண்ணெய் இருப்பில் அமெரிக்காவின் கூடுதல் இருப்பு நிலைகள் இச்சந்தையை முழுவதுமாகப் பாதிக்கும் நிலைக்குத் தள்ளப்பட்டுள்ளது.

கச்சா எண்ணெய் உற்பத்தி

தற்போதைய நிலையில் ரஷ்யா ஒரு நாளில் 10 மில்லியன் பேரல் கச்சா எண்ணெய் உற்பத்தி செய்து வருகிறது. அதேபோல் OPEC நாடுகளும் தனது உற்பத்தி அளவுகளைக் குறைக்க முடியாது என்று ஒரு நாளைக்கு 31.5 பில்லியன் பேரல் கச்சா எண்ணெய் உற்பத்தி செய்து சந்தையைச் சரிவு பாதைக்குத் தள்ளி வருகிறது.

தெஹ்ரான்

2016ஆம் ஆண்டில் உலக நாடுகள் தெஹ்ரான் மீது விதிக்கப்பட்ட பொருளாதாரத் தடையை நீக்க உள்ளதால், ஈரான் கூடிய விரைவில் தனது கச்சா எண்ணெய் உற்பத்தியை முழுவீச்சில் செயல்படுத்த உள்ளது.

யூரேனியம்

இந்நிலையில் பொருளாதாரத் தடை நீக்கப்படுவதால் தெஹ்ரான் அடுத்தச் சில மாதங்களில் தனது யூரேனியம் தாதுப்பொருட்களை ரஷ்யாவிற்கு அளிக்கத் துவங்க உள்ளது.