ஆன்லைனில் வருமான வரி தாக்கல் செய்தபோது பிழை ஏற்பட்டால் எப்படி திருத்துவது?

Posted By: Super
Subscribe to GoodReturns Tamil

ஆன்லைனில் வருமான வரி தாக்கல் பிழைகளை எவ்வாறு திருத்துவது?
சென்னை: நீங்கள் கடந்த முறை உங்கள் வருமான வரி கணக்கை ஆன்லைனில் தாக்கல் செய்கையில் ஏதேனும் தவறுகள் நேர்ந்திருப்பின் தற்போது, அத்தவறுகளை, ஒரு வேண்டுகோள் அனுப்பி திருத்திக் கொள்ளலாம். உங்கள் வருமான வரி கணக்கை சென்ட்ரல் பிராசஸிங் சென்டரான (சிபிசி) வருமான வரித்துறை ப்ராசஸ் செய்த பின் வரிவிதிப்புக்குரியவர், இ-ஃபைலிங் மூலம் ஆவண செய்யப்பட்ட தன் வருமான வரி கணக்கில் உள்ள தவறுகளை ஆன்லைன் மூலம் திருத்தம் செய்து கொள்ள முடியும். இ-ஃபைல்ட் வருமான வரி கணக்கில் அப்பட்டமாகத் தெரியக்கூடிய தவறுகள் அல்லது பிழைகளை திருத்தம் செய்து கொள்ளலாம்.

கருத்தில் கொள்ள வேண்டியவை:

ஆவண செய்வதற்கு முன் நீங்கள் ஃபைல் செய்த ஏஒய் 2009-10, அல்லது அதற்கு பிறகான காலத்திற்குரிய இ-ரிட்டர்ன்ஸை பெற்றுக் கொண்டமைக்கான தகவல், 143 (1) பிரிவின் கீழ், பெங்களூரு சிபிசியிலிருந்து நீங்கள் பெற்றுக்கொண்டீர்களா என்பதை உறுதிப்படுத்திக் கொள்ளவும்.

சிபிசியிலிருந்து அனுப்பப்பட்டுள்ள தகவல் அறிக்கையில் சொல்லப்பட்டுள்ள திருத்தங்களை, அவை நீங்கள் எதிர்பார்த்தவாறு இல்லாமல் இருந்தாலும், கவனமாக படிக்கவும்.

நீங்கள் உங்கள் ரிட்டர்ன்ஸை ஃபைல் செய்ய உபயோகிக்கும் இணையதளங்கள் பலவற்றிலும் கிடைக்கும் பொதுப் பிழை வழிகாட்டியை ஆய்வு செய்யவும்.

நீங்கள் எவற்றையெல்லாம் பிழை என்று நினைக்கிறீர்களோ அவற்றையெல்லாம் திருத்தம் செய்து, எக்ஸ்எம்எல் ஃபார்மாட்டில் தயாராக வைக்கவும். அனைத்து பிழைகளும் திருத்தம் செய்யப்பட வேண்டும். நிரப்பப்பட வேண்டிய அனைத்து அட்டவணைகளையும், கட்டங்களையும், வழிகாட்டியில் விளக்கப்பட்டுள்ளதைப் போல் சரியாக நிரப்பவும். திருத்தப்பட வேண்டிய அட்டவணைகள் மற்றும் கட்டங்கள் மட்டுமின்றி, டிடிஎஸ் மற்றும் வரித் தவணை அட்டவணைகள் ஆகியவற்றையும் கொண்ட முழுமையான ரிட்டர்ன் ஃபைல் செய்யப்பட வேண்டும்.

ஃபைலில் திருத்தங்கள் செய்வதற்கு உண்டான வழிமுறைகள்:

1. இ-ஃபைலிங் அப்ளிகேஷனில் லாக் இன் செய்யவும். பின்னர் மை அக்கவுண்ட்டுக்கு சென்று ஃபைல் ரெக்டிஃபிக்கேஷனை தேர்வு செய்யவும்.
2. ரெக்டிஃபிக்கேஷனை இ-ஃபைல் செய்ய வேண்டிய வரி விதிப்பு ஆண்டை தேர்வு செய்யவும். பின், சிபிசி உத்தரவில் கொடுக்கப்பட்டுள்ள லேட்டஸ்ட் கம்யூனிகேஷன் ரெஃபரென்ஸ் நம்பர் மற்றும் லேட்டஸ்ட் சிபிசி ஆர்டர் தேதி ஆகியவற்றை நிரப்பவும்.
3. "கன்டின்யூ" என்ற பட்டனை க்ளிக் செய்யவும்.
4. "ரெக்டிஃபிக்கேஷன் ரிக்வெஸ்ட் டைப்" என்பதை தேர்வு செய்து தகவல்களை நிரப்பவும்.
5. ரெக்டிஃபிக்கேஷன் எக்ஸ்எம்எல் -ஐ அப்லோட் செய்யவும்.
6. "சப்மிட்" என்ற பட்டனை க்ளிக் செய்யவும்.
7. வெற்றிகரமாக சமர்ப்பித்த பின், ஒரு ஒப்புகை (அக்நாலெட்ஜ்மென்ட்) நம்பர் உருவாக்கப்பட்டு, பெங்களூரு சிபிசி-க்கு ப்ராசஸிங்கிற்காக அனுப்பி வைக்கப்படும்.

ப்ராசஸிங்கிற்குப் பிறகு ஒன்று உங்களுக்கு 154 பிரிவின் படி ரெக்டிஃபிக்கேஷன் உத்தரவு வழங்கப்படும், அல்லது உங்கள் வேண்டுகோள் நிராகரிக்கப்படும்.

பிழை திருத்தம் மற்றும் ரீஃபண்டுக்கு - சிபிசி: 1800 425 2229

தமிழ் குட்ரிட்டன்ஸ் செய்திகளை உடனுக்குடன் படிக்க
English summary

How to file income tax rectification online? | ஆன்லைனில் வருமான வரி தாக்கல் பிழைகளை எவ்வாறு திருத்துவது?

Any mistakes done while filing your previous tax returns online can now be rectified by making a request. After the processing of Income Tax Return by the Central Processing Centre (CPC), the Income Tax Department, an assessee can rectify e-filed Income Tax return online. Rectification can be done on any mistake or error apparent in the Income Tax Return filed.
Story first published: Monday, April 22, 2013, 15:06 [IST]
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC

Get Latest News alerts from Tamil Goodreturns