டிவிடென்ட் டிஸ்ட்ரிபியூஷன் வரி என்றால் என்ன?

நிதியமைச்சர் தன் அஸ்திரத்தை மீண்டும் மிகச் சரியாக குறிபார்த்து எய்திருக்கிறார். முதலீட்டாளர்கள் வர்க்கம் அனைத்தும் கடன் நிதிகளின் மேன்மையால் ஈர்க்கப்பட்டிருக்கும் இவ்வேளையில், நிதியமைச்சர் அனைத்து நான்-ஈக்விட்டி நிதிகளின் மேலான டிவிடென்ட் டிஸ்ட்ரிபியூஷன் வரியை (டிடிடி) அதிகரித்திருப்பதன் மூலம், கடன் நிதிகளின் வேகத்தை மட்டுப்படுத்தியுள்ளார். டிவிடென்ட் டிஸ்ட்ரிபியூஷன் வரி மற்றும் முதலீட்டாளர்கள் மேல் விதிக்கப்படும் புதிய வட்டி விகிதத்தின் நுட்பமான வேறுபாடுகள் ஆகியவற்றை நாம் விரிவாக பார்ப்போம்.

டிவிடென்ட் டிஸ்ட்ரிபியூஷன் வரி என்றால் என்ன?

வருமான வரிச்சட்டம், 1961, பிரிவு எண் 10(34) -இன் பிர கடனத்தின் படி, உள்ளூர் நிறுவனம், ஒரு வரி விதிப்பு ஆண்டில் அதற்குக் கிடைத்த மொத்த வருமானத்துக்கு செலுத்தும் வருமான வரியோடு, அந்நிறுவனத்தால் அறிவிக்கப்பட்ட, விநியோகிக்கப்பட்ட அல்லது செலுத்தப்பட்ட தொகைக்கான கூடுதல் வரியாக விதிக்கப்படும் தொகையே டிவிடென்ட் டிஸ்ட்ரிபியூஷன் வரி ஆகும். டிடிடி, கடன் மியூச்சுவல் ஃபண்ட்களுக்கும் பொருந்தும். இந்த ஃபண்ட்களில், சில்லறை முதலீட்டாளர்களுக்கு விநியோகிக்கப்படும் டிவிடென்ட்டுக்கான வரியை இந்த கடன் ஃபண்ட்களே செலுத்துகின்றன; அவ்வரியே டிவிடென்ட் டிஸ்ட்ரிபியூஷன் வரி ஆகும்.

யார் யாரெல்லம் இவ்வரியை செலுத்த வேண்டியிருக்கும்?

நிறுவனங்கள் அல்லது மியூச்சுவல் ஃபண்ட்கள் டிவிடென்ட் டிஸ்ட்ரிபியூஷன் வரியை செலுத்தி விடுவதனால், முதலீட்டாளர்களின் கைகளில் கிடைக்கும் டிவிடென்ட் வருமானத்துக்கு வரி விதிப்பு இருக்காது. நிஜமான பேமெண்ட்டுக்கு முன், நிறுவனங்கள் மற்றும் கடன் நிதிகள், அறிவிக்கப்பட்ட டிவிடென்ட்டிலிருந்து டிடிடியை பிடித்தம் செய்த பின்னர், எஞ்சியிருக்கும் தொகையையே முதலீட்டாளர்களுக்கு டிவிடென்ட் வருமானமாக வழங்குகின்றன.

அதனால், பொது முதலீட்டாளர் பெறும் டிவிடென்ட் வருமானம், வரிவிதிப்புக்கு அப்பாற்பட்டது, ஆனால் உண்மையில் டிவிடென்ட் வருமானம் வரிவிதிப்புக்கு அப்பாற்பட்டதல்ல.

முதலீட்டாளர்கள் ஏன் கவலை கொள்ள வேண்டும்?

இது சர்ச்சைக்குரிய வரி தான்; என்றாலும், டிவிடென்ட் டிஸ்ட்ரிபியூஷன் வரியை அதிகரிக்கும்படி, நிதியமைச்சகத்தால் தற்போது அறிவிக்கப்பட்டிருக்கும் உத்தரவு, புதிதாய் கவலை கொள்ள வைக்கிறது. சுமார் 12.5% ஆக இருந்த சில்லறை முதலீட்டாளர்களுக்கான கடன் நிதி முதலீடுகளின் வரி வகிதம், தற்போது சுமார் 25% ஆக உயர்ந்துள்ளது. இந்த வரிஅதிகரிப்பு, அனைத்து கடன் ஃபண்ட்கள், கோல்ட் எக்ஸ்சேஞ்ச் டிரேடட் ஃபண்ட்கள் மற்றும் குளோபல் ஃபண்ட்களை பாதிக்கக்கூடியதாக இருக்கும்; ஏனெனில், வரி விதிப்புக்குப் பின் இவற்றிலிருந்து கிடைக்கக்கூடிய ரிட்டர்ன்கள் மிகவும் குறைவாக இருக்கும். லிக்விட் ஃபண்ட்களுக்கு ஏற்கெனவே சுமார் 25% அளவுக்கு வரி விதிக்கப்படுகிறது; அதனால் அவற்றில் எந்த மாற்றமும் இருக்காது.