ரூ.21,000 கோடிக்கு மேல் நஷ்டம்.. இந்திய எண்ணெய் நிறுவனங்களுக்கு பலத்த அடி.. எப்படி?

மதிப்பு குறைப்பா?

இதற்கிடையில் இந்த நிறுவன பங்குகளை இந்த காலகட்டத்தில் வாங்கலாமா? வேண்டாமா? இது வாங்க சரியான தருணமா? என்ற கேள்வியும் எழுந்துள்ளது.

இது குறித்து தரகு நிறுவனமான பிரபுதாஸ் லில்லாதேர், எண்ணெய் நிறுவனங்களான இந்தியன் ஆயில் கார்ப்பரேஷன், பாரத் பெட்ரோலியம் கார்ப்பரேஷன் லிமிடெட், உள்ளிட்ட நிறுவனங்களின் மதிப்பினை குறைத்துள்ளது.

ஐஓசி & பிபிசில் நஷ்டம்

எவ்வளவு நஷ்டம் தெரியுமா?ஏனெனில் இந்தியன் ஆயில் கார்ப்பரேஷன் நிறுவனத்தின் நிகர நஷ்டம் 272.35 கோடி ரூபாயாக உள்ளது. இது கடந்த ஆண்டில் இதே காலாண்டில் 6360.05 கோடி ரூபாயாக லாபத்தில் இருந்தது.

இதே பாரத் பெட்ரோலியம் கார்ப்பரேஷன் லிமிடெட் நிறுவனத்தின் நிகர நஷ்டம் 304.17 கோடி ரூபாயாக உள்ளது. இது கடந்த ஆண்டின் இதே காலாண்டில் லாபம் 2840 கோடி ரூபாயாக இருந்தது.

கீழ் நோக்கிய திருத்தம்

எண்ணெய் நிறுவனங்களுக்கு டீசல் விலையால் பெரும் நஷ்டம் ஏற்பட்டுள்ளது. ஏனெனில் சந்தை விலையை விட லிட்டருக்கு 10 ரூபாய் குறைவாக உள்ளது. இது எண்ணெய் நிறுவனங்களின் வருவாயினை கடுமையாக பாதித்துள்ளது. இதற்கிடையில் ஐஓசிக்கு இலக்கு விலையாக 50 ரூபாயும், பிபிசிஎல்-க்கு 260 ரூபாய் இலக்கு விலையாகவும் திருத்தம் செய்துள்ளது. தற்போது ஐஓசியின் பங்கு விலை 69 ரூபாய் என்ற லெவலிலும், பிபிசிஎல்லின் விலை 306 ரூபாய் என்ற லெவலிலும் காணப்படுகிறது.

ஹெச்டிஎஃப்சி செக்யூரிட்டீஸ் கணிப்பு

எனினும் மறுபுறம் ஹெச்டிஎஃப்சி செக்யூரிட்டீஸ் நிறுவனம் பிபிசிஎல்லின் இலக்கு விலையை 365 ரூபாயாகவும், இப்பங்கினை வாங்கலாம் என்றும் தெரிவித்துள்ளது. தற்போது நாட்டின் தேவையானது மீண்டு வரத் தொடங்கியுள்ள நிலையில் இதன் வருவாயும் அதிகரிக்கலாம் என எதிர்பார்க்கப்படுகிறது. குறிப்பாக பெட்ரோலிய பொருட்கள் தேவை அதிகரிக்கலாம் என எதிர்பார்க்கப்படுகிறது. இதன் காரணமாக இதன் மார்ஜின் மேம்படலாம் என எதிர்பார்க்கப்படுகிறது.

ஹிந்துஸ்தான் பெட்ரோலியம்

இதே ஹிந்துஸ்தான் நிறுவனத்தின் நிகர நஷ்டம் செப்டம்பர் காலாண்டில், 2172.14 கோடி ரூபாயாக அதிகரித்துள்ளது. இது கடந்த ஆண்டில் 1923.51 கோடி ரூபாயாக லாபம் கண்டிருந்தது குறிப்பிடத்தக்கது. இந்த பங்கினை பிரபுதாஸ் லில்லாதேர் இப்பங்கினை ஹோல்டு செய்யலாம் என கணித்துள்ளது. இதன் இலக்கு விலை 195 ரூபாயாக நிர்ணயம் செய்துள்ளது. செப்டம்பர் முடிவில் இந்த நிறுவனத்தின் கடன் விகிதமானது 68,500 கோடி ரூபாயாக அதிகரித்துள்ளது. இது கடந்த 2022ம் நிதியாண்டில் 43,100 கோடி ரூபாயாக இருந்தது.

ஹெச் பி சி எல் நிலவரம்

ஹெச் பி சி எல் நிறுவனத்தின் பங்கு விலையானது இன்று முடிவில் 2.57% குறைந்து, 204.50 ரூபாய் என்ற லெவலில் முடிவடைந்தது. மறுபுறம் சென்செக்ஸ் 0.25% குறைந்து, 61,033 ஆக முடிவடைந்துள்ளது.

சென்ட்ரோம் ப்ரோக்கிங் ஹெச்சிபிஎல் நிறுவனத்தின் இலக்கு விலை 240 ரூபாயாக கணித்துள்ளது. தற்போது டீசல் தவிர மற்ற பொருட்கள் ஆரோக்கியமான வளர்ச்சியினை கண்டு வருகின்றன. 2024 ,மற்றும் 2025ல் எபிட்டா விகிதம் மேம்படலாம் என மதிப்பிட்டுள்ளது.