42 சதவிகித சரிவில் பொதுத் துறை வங்கிகள்..! உச்ச விலையில் இருந்து இவ்வளவு பெரிய சரிவா..?

மும்பை: கடந்த ஆகஸ்ட் 30, 2019 அன்று தான் மத்திய நிதி அமைச்சர் நிர்மலா சீதாராமனே முன் வந்து வங்கிகள் இணைப்பை விளக்கினார். மத்திய நிதி அமைச்சகத்தின் யோசனையை பங்குச் சந்தை முதலீட்டாளர்கள் முதல் வர்த்தக நாளிலேயே கடுமையாக எதிர்த்து சுமார் 750 புள்ளிகள் சரிந்ததைப் பார்த்தோம். ஆனால் பங்குச் சந்தையில் முழுமையாக என்ன எதிரொலி கொடுத்து இருக்கிறார்கள் என இப்போது பார்கப் போகிறோம்.

இந்தியாவில் மொத்தம் 19 பொதுத் துறை வங்கிகள் இந்திய பங்குச் சந்தைகளில் பட்டியலிடப்பட்டு இருக்கின்றன. அதில் மும்பை பங்குச் சந்தையில் பட்டியலிடப்பட்டு இருக்கும் பங்குகளுக்கு இப்போது இருக்கும் சந்தை மதிப்பு, பங்கின் குளோசிங் விலை, 52 வார அதிக விலை, 52 வார குறைந்த விலை மற்றும் 52 வார அதிக விலைக்கும் நேற்றைய குளோசிங் விலைக்குமான மாற்றம் என விரிவாகக் கொடுத்து இருக்கிறோம்.

மிகக் குறைந்த பட்சமாக பொதுத் துறை வங்கிப் பங்குகளிலேயே யுனைடெட் பேங்க் ஆஃப் இந்தியா பங்குகள் மட்டுமே 25 சதவிகிதம் தன் உச்ச விலையில் இருந்து சரிந்து இருக்கிறது. அதிகபட்சமாக சென்ட்ரல் பேங்க் தன் உச்ச விலையில் இருந்து சுமார் 75 % சரிந்து வர்த்தகமாகி வருகிறது. இந்த விவரங்கள் இதோ உங்களுக்காக.