டெல்லி: நாட்டின் பண வீக்கம் ஜூன் மாதத்தில் 7.25 சதவீதமாகக் குறைந்துள்ளது. இது கடந்த மே மாதத்தில் இது 7.55 சதவீதமாக இருந்தது.

கடந்த 2011ம் ஆண்டு ஜூன் மாதத்தில், நாட்டின் பணவீக்கம், 9.51 சதவீதம் என்ற அளவில் மிக கவலையளிக்கும் நிலைக்கு அதிகரித்தது. அதே நேரத்தில் இந்த ஜூன் மாதத்தில் இது 7.25 சதவீதமாகக் குறைந்துள்ளது.

உற்பத்திப் பொருட்களின் விலை குறைந்துள்ளதால் தான் பணவீக்கம் குறைந்துள்ளது.

ஆனாலும் ஒட்டுமொத்த உணவுப் பொருள் பணவீக்கம் (food inflation) ஜூன் மாதத்தில் 10.84 சதவீதமாக உயர்ந்துள்ளது. இது மே மாதத்தில் 10.74 சதவீதமாக இருந்தது குறிப்பிடத்தக்கது. அதாவது உணவுப் பொருட்களின் விலை அதிகரித்துள்ளது.

உணவு பணவீக்கம் அதிகரித்திருப்பதே நாட்டின் பணவீக்கம் அதிகரித்ததற்கு முக்கிய காரணமாகும்.

அதே நேரத்தில் எரி பொருள் பணவீக்கம், 10.27 சதவீதமாக சரிவடைந்துள்ளது. இது, கடந்த ஆண்டு இதே மாதத்தில், 11.53 சதவீதமாக இருந்தது.

பணவீக்கம் குறையாத நிலையில் கடன்களுக்கான வட்டி விகிதத்தை ரிசர்வ் வங்கி குறைப்பதற்கான வாய்ப்பு மிக மிகக் குறைவே.