இந்தியாவில் உள்நாட்டு சந்தையில் தேங்காய் எண்ணெய், பாமாயில் ஆகியவற்றின் தேவை குறைந்துள்ளது. இதனால் இவற்றின் விலையும் சரிந்துள்ளது. கேரளாவில் கடந்த வாரம் தேங்காய் எண்ணெய் லிட்டர் ரூ.61க்கு விற்கப்பட்டது. ஆனால் இந்த வாரம் ரூ.60.50 என்று குறைந்துள்ளது. அதேபோல கடந்த வாரம் தமிழகத்தில் தேங்காய் லிட்டருக்கு ரூ.58 என்று விற்கப்பட்டது. ஆனால் இந்த வாரம் லிட்டர் ரூ.55.50 ஆக குறைந்துள்ளது.
இதேபோல கடந்த வாரம் பாமாயில் கிலோ ரூ.60 வரை விற்கப்பட்டது. ஆனால் இந்த வாரம் ரூ.58 ஆக குறைந்துள்ளது. மேலும் பார்ம் கெர்னல் எண்ணெய் லிட்டர் ரூ.56லிருந்து ரூ.55 ஆக விலை குறைந்துள்ளது.
கொப்பரை தேங்காய் விலையிலும் சரிவு ஏற்பட்டுள்ளது. கேரளாவில் ரூ.4,200க்கு விற்கப்பட்ட ஒரு குவிண்டால் கொப்பரை தேங்காய், தற்போது ரூ.4,150 என்று விற்கப்படுகிறது. அதேபோல தமிழகத்தில் ரூ.3,900க்கு விற்கப்பட்ட ஒரு குவிண்டால் கொப்பரை தேங்காய், தற்போது ரூ.3,800 ஆக விற்கப்படுகிறது.