தமிழகத்தில் ரூ. 5 கோடி மதிப்பிலான தீப்பெட்டி பண்டல்கள் தேக்கம்

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

தமிழகத்தில் ரூ. 5 கோடி மதிப்பிலான தீப்பெட்டி பண்டல்கள் தேக்கம்
கோவில்பட்டி: தொடர் மின்வெட்டு, ஏற்றுமதி குறைவு காரணமாக தமிழகத்தில் உள்ள தீப்பெட்டி ஆலைகளில் ரூ. 5 கோடி அளவிலான தீப்பெட்டி பண்டல்கள் தேக்கம் அடைந்துள்ளன.

தூத்துக்குடி மாவட்டம் கோவில்பட்டி, கழுகுமலை, எட்டயபுரம், கயத்தாறு, கடலையூர், விருதுநகர் மாவட்டம் சிவகாசி, சாத்தூர், விருதுநகர், திருத்தங்கல், நெலலை மாவட்டம் சங்கரன்கோவில், புளியங்குடி, கடை.யநல்லூர், திருவேங்கடம், வேலூர் மாவட்டம் குடியாத்தம், தர்மபுரி மாவட்டம் காவேரி பட்டிணம் போன்ற பகுதிகளில் தீப்பெட்டி தொழில் நடந்து வருகிறது.

 

இப்பகுதியில் 2500க்கும் மேற்பட்ட கையினால் தயாரிக்கும் தீ்ப்பெட்டி ஆலைகளும், 300 பகுதி இயந்திர தீப்பெட்டி ஆலைகளும், 20 முழு இயந்திர தீப்பெட்டி ஆலைகளும் இயங்கி வருகின்றன. இத்தொழிற்சாலைகள் மூலம் நேரடியாக மற்றும் மறைமுகமாக 7 லட்சம் பேர் பயன் பெறுகின்றனர். இத்தொழிலில் 80 சதவீதம் பேர் பெண்கள் உள்ளனர்.

தற்போது தமிழகத்தில் சென்னையை தவிர பிற மாவட்ட பகுதிகளில் 14 மணி நேரம் மின்வெட்டு அமுலில் உள்ளது. அதிக நேர மின்வெட்டால் தீப்பெட்டி தொழில் அதிகம் பாதிக்கப்பட்டுள்ளது. தீப்பெட்டி உற்பத்திக்கான முலப்பொருட்கள் விலையேற்றம், டீசல் விலை உயர்வு, லாரி வாடகை, தொழிலாளர் பற்றாக்குறை போன்ற காரணங்களால் தமிழகம் முழுவதும் தீப்பெட்டி ஆலைகள், குடோன்கள், லாரி ஷெட்டுகளில் ரூ.5 கோடி மதிப்பிலான தீப்பெட்டி பண்டல்கள் தேங்கி உள்ளன.

இந்நிலையில் தீப்பெட்டி உற்பத்தியை கட்டுபடுத்தவும், கைவசம் உள்ள தீப்பெட்டி பண்டல்களை வடமாநிலங்களுக்கு விற்பனைக்கு அனுப்பவும் வலியுறுத்தி ஏப் 13ம் தேதி முதல் ஏப் 22ம் தேதி வரை 10 நாள் தமிழகத்தில் அனைத்து தீப்பெட்டி ஆலைகளும் மூடி ஸ்டிரைக்கில் ஈடுபட முடிவெடுத்துள்ளன.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Match industries face huge loss | தமிழகத்தில் ரூ. 5 கோடி மதிப்பிலான தீப்பெட்டி பண்டல்கள் தேக்கம்

Match units in Tamil Nadu are facing huge loss due to the slow down in exports.
Story first published: Tuesday, April 9, 2013, 9:49 [IST]
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X