10% பங்குகள் மட்டும் தான்

தொலைத்தொடர்புத் துறை விதிகளின் படி, ஒரு தொலைத்தொடர்பு சேவை வழங்குனர், ஒரே பகுதியில் செயல்படும் மற்றொரு நிறுவனத்தில் 10 விழுக்காட்டிற்கு மேற்பட்ட பங்குகளை வைத்திருக்க முடியாது.

ஐடியா வைத்திருந்ததோ 41.09% பங்குகள்

ஐடியா செல்லுலார் நிறுவனம் 2008 ஆம் ஆண்டில் ஸ்பைஸ் கம்யூனிகேஷன்ஸ் நிறுவனத்தின் 41.09 சதவீத பங்குகளை வாங்கியது. 2010 ஆம் ஆண்டில் இவ்விரு நிறுவனங்களும் இணைக்கப்பட்டதால், ஆறு வட்டாரங்களில் உரிம விதிமுறை மீறல் ஏற்பட்டது.

6 மாநில உரிமம்

இரு நிறுவனங்களும் இணைந்த நேரத்தில், ஆந்திர பிரதேசம், தில்லி, அரியானா, மகாராஷ்டிரா, பஞ்சாப், கர்நாடகா ஆகிய ஆறு பகுதிகளுக்குமான உரிமம் இரண்டு நிறுவனங்களிடமும் இருந்தது .

2012இல் உரிமம் ரத்து

இதற்கிடையில் பஞ்சாப் மற்றும் கர்நாடகா பகுதிகளுக்கான ஐடியா செல்லுலாரின் உரிமத்தை உச்ச நீதிமன்றம் 2012 ஆம் ஆண்டு பிப்ரவரி மாதம் ரத்து செய்தது. ஸ்பைஸ் நிறுவனம் ஆந்திர பிரதேசம், தில்லி, அரியானா , மகாராஷ்டிரா பகுதிகளின் உரிமங்களை இழந்தது.

பஞ்சாப் மற்றும் கர்நாடகா

இதன் விளைவாக, இணைப்பிற்கு பின்னர் பஞ்சாப் மற்றும் கர்நாடகா பகுதிகளில் மட்டும் அந்நிறுவனம் செயல்பட்டு வந்தது.