அணுசக்தி

மிகவும் அபாயகரமான சக்தியின் முலம் பாதுகாப்பான முறையில் மின்சாரம் உற்பத்தி செய்யப்படும் அணுசக்தி துறையில் அன்னிய முதலீட்டிற்கு முற்றிலும் தடைவிதிக்கப்பட்டுள்ளது.

லாட்டரித் தொழில்

தமிழ்நாட்டில் முற்றிலும் ஒழிக்கப்பட்ட லாட்டரித் துறையிலும் அன்னிய முதலீடு இல்லை

சூதாட்டம் மற்றும் பந்தயம் வைத்தல்

இழப்பை மட்டுமே சம்பாதித்து தரும் சூதாட்டம் மற்றும் பந்தயத்துறையில் அன்னிய முதலீட்டுக்கு இடமில்லை.

சீட்டுத் தொழில்

சீட் பண்டு, சிறு சேமிப்பு என பல பரிமானங்களில் இந்தியாவில் செயல்படும் சீட்டுத் தொழில் அன்னிய முதலீட்டுக்கு 0% அனுமதி.

நிதி நிறுவனம்

நிதி நிறுவனங்களிலும் அன்னிய முதலீட்டுக்கு இடம் இல்லை.

வேளாண்மை துறை

வேளாண்மை துறையில் பூக்கள் சாகுபடி, செடிகள் வளர்ப்பு, விதைகள் துறை, வளர்ப்புப் பிராணிகள், வரையறைக்குட்பட்ட சூழ்நிலைகளில் வேளாண்மை மற்றும் அது தொடர்பான துறைகள் நீங்கலாக மீன் வளர்ப்பு மற்றும் காய்கறி சாகுபடி, காளாண்கள் வளர்ப்பு ஆகியவற்றில் அன்னிய முதலீடு அனுமதிக்கப்படுவதில்லை.

வீட்டு வசதி மற்றும் வீட்டுமனை வர்த்தகம்

வீட்டு வசதி மற்றும் வீட்டுமனை வர்த்தகம் துறை சார்ந்த நகரமைப்பு வளர்ச்சி, வீடுகள் மற்றும் வணிக வளாகங்கள் கட்டுமானம், குறிப்பிட்ட அளவிற்கு சாலைகள் மற்றும் பாலங்கள் அமைத்தல் ஆகியவை இல்லாமல் மற்ற எந்த துறையிலும் இந்திய அரசு அன்னிய முதலீட்டுக்கு அனுமதி அளிக்கவில்லை.

மாற்றத்தக்க வளர்ச்சி உரிமைகள் வர்த்தகம்

மாற்றத்தக்க வளர்ச்சி உரிமைகள் வர்த்தகம் என்று அழைக்கப்படும் Trading in Transferable Development Rights துறையிலும் அன்னிய முதலீட்டுக்கு அனுமதி இல்லை.

சிகரெட் மற்றும் புகையிலை உற்பத்தி

புகையிலையில் தயாராகும் அல்லது அதற்கு மாற்றாக இருக்கும் சிகார், செரூட்டுகள், சிகாரில்லொஸ் மற்றும் சிகரெட்டுகள் உற்பத்தி துறையிலும் அன்னிய முதலீட்டுக்கு தடைவிதிக்கப்பட்டுள்ளது.