முன்கூட்டிய வரி என்றால் என்ன?

முன்கூட்டிய வரி என்பது வருடத்தின் இறுதியில் செலுத்தாமல் ஒவ்வொரு முறையும் வருமானம் வரும்போதும் செலுத்தவேண்டிய வரியாகும். ஆகவே ஒரு நிதியாண்டில் உங்களுடைய வருமான வரித்தொகை ரூபாய் பத்தாயிரம் என வைத்துக்கொண்டால், அதை மொத்தமாக ஆண்டின் இறுதியில் செலுத்தாமல் தவணைகளில் நீங்கள் செலுத்த வேண்டும்.

முன்கூட்டிய வரி செலுத்தவேண்டியவர்கள் யார்?

சம்பளம் பெறுவோர், சுயதொழில் புரிவோர், வர்த்தகர்கள் உட்பட அனைத்து வரி ஆய்வுக்குட்பட்டோரும் இந்த வரியை செலுத்தவேண்டும். சம்பளம் பெறுவோர் வருமானத்தில் டிடிஎஸ் (TDS) எனப்படும் வருவாய் மூல வரியை அவர் பணிபுரியும் நிறுவனம் பிடித்துகொள்ளும். எனவே அவர்கள் தனியாக எந்த முன்கூட்டிய வரியையும் செலுத்தத் தேவையில்லை. எனினும், அவர்களுக்கு சம்பளம் தவிர பிற வருமானங்கள் இருப்பின், அவர்கள் அதற்குத் தகுந்தாற்போல் முன்கூட்டிய வரியினை செலுத்தவேண்டும்.

வரி நிலுவை வட்டி

வரி நிலுவையின் மீதான வட்டியை தவிர்க்க நீங்கள் செலுத்தவேண்டிய முன்கூட்டிய வரியில் 90 சதவிகிதத்தினை மார்ச் 31-ஆம் தேதிக்குள் செலுத்த வேண்டும். வரித்துறை 10 சதவிகிதம் வரை உள்ள வரி நிலுவையை அவர்களாகவே கணக்கில் தவிர்த்து விடுவார்கள்

வட்டி

நிலுவை வரியின் மீதான வட்டியானது 90 சதவிகித மொத்த வரியில் மாதத்திற்கு 1 சதவிகிதம் என்ற விகிதத்தில் விதிக்கப்படுகிறது.

எடுத்துக்காட்டு

இந்த நிதியாண்டிற்கான உங்கள் வரியானது ஒரு லட்சம் ரூபாய் என்று வைத்துக்கொள்வோம். நீங்கள் இந்த தொகையை நான்கு மாதம் தாமதமாக ஜுலை 15 ஆம் தேதி செலுத்துகிறீர்கள்.

எனவே வட்டி = 90000 × 1 சதவிகிதம் × 4 (மாதம்) = ரூபாய் 3600. ஆகவே உங்கள் வரிக்கு மேல் ரூபாய் 3600 ஐ வட்டியாக நீங்கள் செலுத்தவேண்டியிருக்கும்.