சந்தை நிலவரம்

இன்போசிஸ் நிறுவனத்தின் புதிய சிஇஓ-வை தேர்ந்தெடுக்கும் பொருப்பில் இருக்கு ஒருவர் சம்பளத்தை பற்றி கூறுகையில் "இந்தியாவின் டாப் சாப்ட்வேர் நிறுவனங்களின் சிஇஓ-க்களின் சம்பளத்தை விட சிறப்பாகவே வழங்க நிர்வாக குழு முடிவு செய்துள்ளது."

தோராயக் கணக்கு

10 முதல் 20 மில்லியன் டாலர் என்பது தவிர்க்க முடியாத ஒரு சம்பளம் அதாவது ரூ.60 கோடி முதல் ரூ.120 கோடி, மேலும் தேர்ந்தெடுக்கும் ஆட்களின் திறமையை பொருத்து 1 முதல் 2 மில்லியன் டாலர் வரை சம்பளம் மாறுபடலாம் என ஒரு அதிகாரி தெரிவித்தார்.

இவ்வளவு பெரிய தொகை!!

மேலும் அந்த பெயர் வெளியிட விரும்பாத நபர், "நிறுவனத்திடம் மில்லியன் கணக்கில் பணம் இருக்கும் பட்சத்தில், இத்தகைய சம்பளம் தருவது நிறுவனத்திற்கு பெரிய கஷ்டம் எதும் இல்லை என்றே தெரிவித்தார். " (அப்ப நிறுவன ஊழியர்களுக்கு மட்டும் ஏன் ஊதிய உயர்வை குறைந்த அளவே தருகிறார்கள்?? )

இதர நிறுவனங்கள்

இன்போசிஸ் நிறுவனத்தின் புதிய சிஇஓவிற்கு ரூ.60 கோடி முதல் ரூ.120 கோடி சம்பளம் சரி.. இதர நிறுவனங்களின் சிஇஓக்களுக்கு எவ்வளவு சம்பளம் என்பதை ஒரு ரவுன்டு பார்போம்.

இன்போசிஸ்

இன்போசிஸ் நிறுவனத்தின் தற்போதிய சிஇஓ-வான ஷிபுலால் இந்நிறுவனத்தின் நிறுவனர்களில் ஒருவர். இவரின் சம்பளம் வருடத்திற்கு ரூ.16 இலட்சம் மற்றும் 2,469,711 பங்குகள்.

விப்ரோ

விப்ரோ நிறுவனத்தின் சிஇஓவான டி.கே. குரியன் அவர்களுக்கு வருடத்திற்கு ரூ.6.1 கோடி சம்பளம். (கணக்கில் காட்டப்படுபவை)

டிசிஎஸ்

டாடா குழுமத்தின் கிளை நிறுவனமான டிசிஎஸ் நிறுவனத்தின் சிஇஓவான என். சந்திரசேகரன் அவர்களுக்கு வருடத்திற்கு ரூ.1.8 கோடி மற்றும் 88,528 பங்குள்

சிடிஎஸ்

சிடிஎஸ் நிறுவனத்தின் சிஇஓவான பிரான்சிஸ்கோ டிசோசா அவர்களின் வருடாந்திர சம்பளம் 590,000 டாலர், 844,812 டாலர் டார்கெட் போனஸ் மற்றும் 9.6மில்லியன் மதிப்புள்ள பங்குகள்.

இன்போசிஸ் வருவாய்

இந்தியாவில் இரண்டாவது பெரிய மென்பொருள் ஏற்றுமதி நிறுவனமான இன்போசிஸ் 2013-14ஆம் நிதியாண்டில் 8.4 பில்லியன் டாலர் வருவாய் ஈட்டியுள்ளது. இந்நிறுவன கருவூலத்தில் தற்போது 30,000 கோடி உள்ளது.