6 இடங்களில் "எஸ்.பி.ஐ இன் டச்"

இந்தியாவில் டெல்லி, மும்பை, பெங்களுரூ, சென்னை, அகமதாபாத் மற்றும் கொல்கத்தா ஆகிய முக்கியமான 6 நகரங்களில் எஸ்.பி.ஐ வங்கி இந்த டிஜிட்டல் வங்கிக் கிளையை திறந்துள்ளது. இவ்வங்கியின் 60வது துவக்க விழாவை முன்னிட்டு இந்த சேவை அறிமுகம் செய்யப்பட்டுள்ளது. மேலும் கொல்கத்தாவில் வரைவில் இச்சேவை துவங்கும், அதற்கான பணிகள் துவங்கியுள்ளது.

நிதியமைச்சர்

பட்ஜெட் தயாரிப்பில் படு பிசியாக இருந்த நிதியமைச்சர் இந்த சிறப்பான முயற்சியை பாரட்டும் வகையில் இச்சேவையை செவ்வாய்கிழமை திறந்து வைத்தார். மேலும் இந்த டிஜிட்டல் வங்கி கிளைகள் வாரம் முழுவதும் காலை 10 மணி முதல் இரவு 10 மணி வரை செயல்படும் என் ஸ்டேட் வங்கி தெரிவித்தது.

அருண் ஜேட்லி

இச்சேவை சிறந்த தொழிற்நுட்பத்துடனும், வாடிக்கையாளர்களுக்கு ஏற்றவாறு தயாரிக்கப்பட்டுள்ளது. மேலும் ஸ்டேட் வங்கி செய்த இந்த முயற்சி இந்திய வங்கித்துறையில் கண்டிப்பாக புரட்சிகரமாகவும், மையில்கல்லாகவும் இருக்கும் என ஜேட்லி தெரிவித்தார்.

செலவு குறைவு..

மேலும் இத்தகைய திட்டங்கள் நாளிடையில் மக்களும் சிறப்பான சேவையை அளிக்கவும், வங்கிகளுக்கு மிக பெரிய அளவில் செலவை குறைக்குவும் வழிவகுக்கும், குறிப்பாக ஆட்கள் தேவை குறைக்கும்.

டிஜிட்டல் ஸ்டோர்

இந்த திறப்பு நிகழ்ச்சியில் ஸ்டேட் பாங்கின் தலைவர் அருந்ததி பட்டாச்சார்யா பேசுகையில், டிஜிட்டல் ஸ்டோரில் டெபிட் கார்டு, இன்சூரன்ஸ், மியூச்சுவல் பண்டு, கிரேடிட் கார்டு போன்ற அனைத்து விதமான சேவைகளும் கிடைக்கும் என அவர் தெரிவித்தார்.

அக்செஞ்சர்

இந்த சேவைக்கு தொழிற்நுட்ப ரீதியில் முழுவதும் உருதுணையாக இருந்தது அக்செஞ்சர் நிறுவனம். மேலும் இச்சேவையை குறித்து அக்செஞ்சர் நிறுவனமே வங்கி அதிகாரிகளுக்கு பயிற்சி அளிக்கிறது.