இந்திய ஐடி ஊழியர்களின் சம்பளம்

இந்திய ஐடித்துறை ஊழியர்களின் சராசரி சம்பளத்தின் அளவு வருடத்திற்கு 41,213 டாலராக உள்ளது. இந்நிலையில் இந்தியர்களின் சம்பள நிலையை ஒப்பிடும் போது சுவிஸ் நாட்டில் இதன் அளவு சுமார் 4 மடங்கு அதிகமாக உள்ளது.

இந்த ஆய்வு முழுவதும் ஐடித்துறையின் நடுநிலை ஊழியர்களின் சம்பளத்தை மையமாக வைத்துக்கொண்டு நடத்தப்பட்டது.

MyHiringClub.com சர்வே 2015

இந்தியாவிலும் உலக நாடுகளிலும் வளர்ந்து வரும் ஆட்சேர்ப்பு நிறுவனமான MyHiringClub.com உலக ஐடி ஊழியர்களின் சம்பளம் 2015 என்ற தலைப்பில் ஒரு ஆய்வை நடத்தியது. இதில் மிக மேசமான சம்பளத்தை வழங்கும் டாப் 10 நாடுகளின் பட்டியலில் இந்தியா 7வது இடத்தைப் பிடித்துள்ளது.

இந்தியாவை விடவும் மோசமான நாடுகள் உள்ளது.. வாங்க அதையும் பார்ப்போம்...

பல்கேரியா

இப்பட்டியலில் பல்கேரியா (25,680 டாலர்) முதல் இடத்தைப் பிடித்துள்ளது, அதன் பின் வியட்நாம் (30,938 டாலர்), தாய்லாந்து (34,423 டாலர்) ஆகிய நாடுகள் இடம்பெற்று இந்தியாவை 7வது இடத்திற்குத் தள்ளியுள்ளது.

ராஜேஷ் குமார்

அமெரிக்க மற்றும் ஐரோப்பிய நாடுகளில் நடைபெறும் அவுட்சேர்சிங் மற்றும் ஆப்ஷோர் நடவடிக்கைகளின் மூலமே உலக நாடுகளில் ஐடி ஊழியர்களின் சம்பளம் மாறுபடுகிறது என MyHiringClub.com மற்றும் FlikJobs.com நிறுவனங்களின் தலைவர் ராஜேஷ் குமார் தெரிவித்தார்.

7 வது இடத்தில் இந்தியா..

பல்கேரியா, வியட்நாம், தாய்லாந்து நாடுகளை அடுத்து இந்தோனேசியா 4வது இடத்தைப் பிடித்துள்ளது. இதன் பின் பிலிப்பைன்ஸ் (37,534 டாலர்), இந்தியா (41,213 டாலர்), சீனா (42,689 டாலர்), செக் குடியரசு (43,219 டாலர்), மற்றும் அரஜென்டினா (51,380 டாலர்) ஆகியவை அடுத்தெடுத்த இடங்களைப் பிடித்துள்ளது.

அதிகம் சம்பளம்

இந்நிலையில் அதிகச் சம்பளம் அளிக்கும் நாடுகளில் சுவிஸ் 1,71,465 டாலருடன் முதல் இடத்திலும், பெல்ஜியம் (1,52,430 டாலர்) 2வது இடத்திலும் உள்ளதாக இந்த ஆய்வின் முடிவுகள் தெரிவிக்கிறது. இதன் பின் டென்மார்க், அமெரிக்கா, பிரட்டன் அடுத்தெடுத்த இடங்களைப் பிடித்துள்ளது.

நிறுவனங்களுக்கு இந்தியா சொர்கம்..

பன்னாட்டு ஐடி நிறுவனங்களுக்கு இந்திய சந்தை இன்றளவும் விரும்பத்தக்க நாடுகளாக உள்ளது. இதற்கு முக்கியக் காரணம் குறைவான செலவில் திறமையான பணியாளர்கள் கிடைப்பது தான்.ட

ஆனால் இன்னும் சில வருடங்களில் இந்த நிலை முற்றிலும் மாறிவிடும் எனவும் இந்த ஆய்வு கூறுகிறது. எனவே ஐடி துறையில் பணியாற்றுவோர் கொஞ்சம் உஷாரா இருக்க வேண்டும்.

இவ்வளவு சம்பளமா..?