காம்பஸ் தளம்

பொதுவாக ஊழியர்கள் தனது வேலையில் வளர்ச்சி, படிப்பினை மற்றும் புதிய தொடர்புகளுக்காக ஒரு நிறுவனத்தை விட்டு வேறு நிறுவனத்தில் பணியில் சேர்கின்றனர்.

இந்நிலையில் ஊழியர்களை இன்போசிஸ் நிறுவனத்தில் தக்கவைத்துக்கொள்ளும் வகையில் அனைத்து விதமான சேவைகளையும் வாய்ப்புகளைக் காம்பஸ் (Compass) என்னும் உட்புற சேவைத் தளம் தருகிறது.

லாபம்

இது இன்போசிஸ் நிறுவனத்திற்கு மிகப்பெரிய லாபம். இதனால் நிறுவனத்தில் இருந்து ஊழியர்கள் வெளியேற்றம் அதிகளவில் குறைகிறது. இதவே நிறுவனத்தில் நிலையான வளர்ச்சிக்கு முக்கியக் காரணியாக அமையும் என்பதில் எவ்விதமான மாற்றமுமில்லை.

சேவைகளும்.. வாய்ப்புகளும்..

காம்பஸ் உட்புற சேவைத் தளத்தில் மூலம் ஒரு ஊழியர்கள் வெளி நிறுவனத்தில் வேலை தேடாமல், இன்போசிஸ் நிறுவனத்திற்குள்ளேயே தனது தகுதி ஏற்ப இருக்கும் வாய்ப்புகளைத் தேடிக்கொள்ளலாம்.

குறிப்பாக ஒரு ஊழியர்கள் புதிய டெக்னாலஜியை படித்தால் இதற்கான வாய்ப்புகளை நிறுவனம் மாறாமல் தனது வேலை மற்றும் பதிவையை மாற்றிக்கொள்ளலாம்.

ஊழியர்கள் நலன்

விஷால் நியமனத்திற்குப் பிற இன்போசிஸ் தனது ஊழியர்கள் நலனில் அதிகளவிலான கவனத்தைச் செலுத்தி வருகிறது. இதில் முக்கியமான ஊழியர்கள் நலன் பேணுவதில் அதிகளவிலான தொழில்நுட்ப உதவியை நாடி வருகிறது. இதன் ஒரு பகுதியாகத் தனது மனித வள பிரிவை முழுமையாக டிஜிட்டல் மயமாக்கு முயற்சி செய்து வருகிறது.

ரிச்சார்ட் லோபோ

தனது வேலை அல்லது பதவியை மற்றவோ, உயர்த்தவோ விரும்பினால் ஊழியர்கள் காம்பஸ் தளத்தில் லாக் இன் செய்து தனது தகுதி மற்றும் விருப்பத்திற்கு ஏற்ப வாய்ப்புகளைத் தேர்ந்தெடுத்துக் கொள்ளலாம். மேலும் ஊழியர்கள் தங்களது தொழில் திறன்களை வெளிப்படுத்தும் வகையில் ஒரு Profile தயார் செய்யவும் இத்தளம் உதவி செய்கிறது. என இன்போசிஸ் நிறுவனத்தின் மனித வளப்பிரிவின் தலைவர் மற்றும் நிறுவனத்தில் உயர் துணை தலைவர் ரிச்சார்ட் லோபோ தெரிவித்தார்.

6,000 கோரிக்கை

இச்சேவை அறிமுகம் செய்த 3 மணிநேரத்தில் இன்போசிஸ் ஊழியர்களால் 6,000 கோரிக்கைகள் வைக்கப்பட்டுள்ளது. ஆனால் இத்திட்டம் தற்போது இந்திய கிளைகளில் மட்டும் தான் இயங்கி வருகிறது. அடுத்தச் சில மாதங்களில் இத்திட்டம் பிற நாடுகளிலும் விரிவாக்கம் செய்யப்படும் எனவும் லோபோ தெரிவித்துள்ளார்.

பிற நிறுவனங்கள்

இதேபோன்ற திட்ட வடிவங்கள் மற்ற நிறுவனங்களில் ஏதேனும் உள்ளதா..? இருந்தால் நிறுவனத்தின் பெயர் மற்றும் வடிவத்தைக் குறித்து உங்களது கருத்துக்களைப் பதிவிடுங்கள்.