புகைபிடிக்கும் பழக்கத்தால் உங்கள் குடும்பத்திற்கு ஏற்படும் இழப்புகள்

புகைப் பழக்கம் உள்ளவர்களுடன் வாழ்பவர்களுக்குப் பல உடல் நலக் குறைபாடுகள் ஏற்படும். அவர்களது குழந்தைகளுக்குத் தீர நோய்களுக்கு உள்ளாக வாய்ப்புள்ளது. குடும்பத்தில் பெற்றோரில் ஒருவர் புகைப்பழக்கத்திற்கு அடிமை ஆனாலும் அது பிற குடும்ப உறுப்பினர்களையும் பாதிக்கும்.

சிகிரெட்டிற்குச் செய்யும் செலவு

ஒரு சிகிரெட்டின் விலை 10 முதல் 15 ரூபாய் வரை இருக்கும். நாம் சராசரியாக 12 ரூபாய் என்று வைத்துக்கொள்ளுங்கள். 1 நாளைக்கு 5 சிகிரெட் என்றால் 60 ரூபாய், ஒரு மாதத்திற்கு 1,800 ரூபாய்.

30 வருடத்திற்கு எவ்வளவு செலவு ஆகும்

மாதத்திற்கு 1,800 ரூபாய், ஒவ்வொரு வருடமும் 8 சதவீதம் விலை உயர்வு என்று இரண்டையும் 30 வருடத்திற்குக் கணக்கு வைத்தால் 24.47 லட்சம் ரூபாய்.

9 சதவீத வட்டி வழங்கும் திட்டத்தில் முதலீடு

24.47 லட்சம் ரூபாயினை 9 சதவீதம் முதலீடு திட்டங்களில் முதலீடு செய்தால் 30 வருடத்தில் 69.23 லட்சம் ரூபாயாக உருவெடுக்கும். இதுவே பிற 12 முதல் 30 சதவீதம் வரை லாபம் அளிக்கும் மியூசுவல் ஃபண்டு திட்டங்களில் முதலீடு செய்தால் நினைத்துப் பாருங்கள்.

சிகிரெட்டின் விலை உயர்வு

கடந்த 4 வருடத்தில் சிகிரெட்டின் விலை இரண்டு மடங்காக உயர்ந்துள்ளது என்றால் நம்ப முடிகின்றதா? 2012-ம் ஆண்டு 58 ரூபாயாக இருந்து சிக்ரெட்டின் விலை 2013-ம் ஆண்டு இரண்டு முறையும், 2014-ம் ஆண்டு 1 முறையும், 2015-ம் ஆண்டு 1 முறையும் ஏப்ரல் 2016-ல் மீண்டும் உயர்ந்து 123 ரூபாய் ஆனது.

மருத்துவக் காப்பீட்டில் அதிகரிக்கும் செலவு

மருத்துவக் காப்பீடு எடுக்க வேண்டும் என்றாலும் கூடுதலாகப் பிரீமியம் தொகை செலுத்த வேண்டி வரும். 30 வருடத்திற்கு 1.65 லட்சம் இதனை 9 சதவீதம் வட்டி அளிக்கும் முதலீடு திட்டத்திற்காக நீங்கள் ஒதுக்கினால் 7.52 லட்சம் ரூபாய்.

எப்படி 1 கோடி

சிக்ரெட்டிற்குச் செலவு செய்யும் தொகை 69.23 லட்சம் மற்றும் மருத்துவத்திற்கு 30 வருடம் நீங்கள் செலவு செய்யும் தொகை 26.70 லட்சம் மற்றும் காப்பீடு திட்டத்திற்குச் செலவு செய்யும் தொகையான 7.52 லட்சம் என்று வைத்துக்கொள்ளுங்கள் மொத்தமாக 1.03 கோடி ஆகிறது அள்ளவா.எனவே சிக்கனமாகச் செலவு செய்து முதலீடு செய்தால் 60 வயதில் ஓய்வூதிய காலத்தில் ஒரு பெறும் தொகையுடன் செட்டில் ஆகிவிடலாம்.